திரு. கமல்ஹாசன் அவர்களுக்கு,...

திரு. கமல்ஹாசன் அவர்களுக்கு,

படம் வெளிவரும் நாளே டி.டி.ஹெச். முறையில் வெளியிட்டு தயாரிப்பாளர்களுக்கு இன்னொரு வருமானம் வரும் வழியைக் காட்ட முயன்றீர்கள். அதற்காக தியேட்டர் அதிபர்கள் உங்கள் நெஞ்சில் குத்தி படம் வெளிவராத நிலையை ஏற்ப்படுத்தினர். அப்போதும் தயாரிப்பாளர்கள் சங்கம் உங்களுக்காக குரல் கொடுக்கவில்லை. ஏனெனில் அந்த சங்கத்தை வழிநடத்தும் பொறுப்பில் இருப்பவர்கள் அனைவருமே முன்னாள் பட அதிபர்கள். இப்போதும் படம் எடுப்பவர் அங்கே யாருமில்லை. அதனால் யாருக்கு என்ன நடந்தால் நமக்கென்ன என்று அமைதியாக இருப்பவர்கள்.

"ப. சிதம்பரம் ஒரு பார்வை" என்ற நூல் வெளியீட்டு விழாவில் மத்திய நிதி அமைச்சர் ப. சிதம்பரம் அவர்களை மேடை நாகரீகத்துக்காக பாராட்டி 'அவருக்கு பிரதமராகும் தகுதி உள்ளது" என்று கூறினீர்கள். அதற்காக தமிழக ஆளும்கட்சி உங்களை எதிரியாக கருதியது.

இஸ்லாமியர்களை உங்கள் நண்பர்களாக கருதி, அவர்களுக்கு எதிராக எந்த கருத்தும் உங்கள் படத்தில் இல்லை என்ற உறுதியில் அவர்களை உங்கள் வீட்டுக்கு அழைத்து படத்தை நல்லெண்ண அடிப்படையில் போட்டுக் காண்பித்தீர்கள். இது தயாரிப்பாளர் யாருமே செய்யத்துணியா காரியம். சென்சார் ஆன படத்தை எந்த அமைப்புக்கும் போட்டுக் காட்ட வேண்டிய அவசியம் இல்லை. நீங்கள் உங்களையும் அவர்களையும் நம்பி இந்த மாபெரும் தவறை செய்தீர்கள். அவர்கள் ஒன்றும் இல்லாததை ஊதி பெரிதாக்கி உங்களுக்கே வேட்டு வைத்தனர்.

அவர்கள் தலைமை செயலாளருக்கு இந்த படத்துக்கு தடை கோரி மனு கொடுத்தவுடன் இதற்கெனவே காத்திருந்த அவர் 31 மாவட்ட ஆட்சியாளர்களுக்கும் இந்த படத்துக்கு தடை விதிக்குமாறு வாய்மொழி உத்தரவிட்டார். அவர்களும் படத்தில் என்ன உள்ளது என்றே தெரியாமல் 14 நாட்கள் படம் வெளியிட தடை விதித்தனர்.

நாளை உயர்நீதிமன்ற தீர்ப்பு வெளிவரப்போகிறது. தீர்ப்பு உங்களுக்கு சாதகமாகத்தான் வரும் என்பது நூறு சதவீதம் உறுதி. 31 மாவட்ட ஆட்சித் தலைவர்களும் முகத்தில் கரியைப் பூசிக் கொள்வதும் உறுதி. ஆனால் உங்களுக்கு எதிரான சதித் திட்டத்தில் அவர்கள் வெற்றி பெற்று விட்டார்கள் என்று நினைக்கும்போது நெஞ்சம் கொதிக்கிறது.

படம் வெளிவந்து இரண்டாம் நாளே திருட்டு டிவிடி, இன்டர்நெட் பைரசி எல்லாம் வந்துவிடும். என்னுடைய படத்தை படம் வெளிவரும் நாளே டி டி ஹெச்சில் வெளியிட்டால் எதிர்ப்புத் தெரிவிக்கும் திரையரங்கு உரிமையாளர்கள் இரண்டாம் நாள் திருட்டு டிவிடி வெளிவருவதை எதிர்த்து குரல் கொடுக்காதாது ஏன் என்று கேட்டீர்கள். படத்தை எடுத்தவனுக்கு இல்லாத உரிமை திருடனுக்கு உள்ளது என்று கொதித்தீர்கள்.

ஆனால் உங்கள் எதிரிகள் வெற்றிபெற்றதன் மூலம் உங்கள் படம் திரையரங்கில் மற்றும் டிடிஹெச் ஆகிய இரண்டிலும் வருவதற்கு முன் திருட்டு விசிடி, மற்றும் இன்டர்நெட்டில் வெளி வருவது உறுதியாகி விட்டது.

இதைத்தான் உங்கள் எதிரிகள் எதிர்பார்த்தார்கள்.

கேரளாவிலும், கர்நாடகாவிலும், வெளிநாடுகளிலும் வெளியிட்ட பிறது இந்த படத்த நான்கு நாட்கள் கழித்து தமிழ் நாட்டில் வெளியிட்டால் ஏற்படும் பொருளாதார இழப்பு பெரிய அளவில் இருக்கும் என்பது சாமானியனுக்கும் தெரியும். உங்களுக்காக வருந்துவதைத் தவிர வேறு எதுவும் செய்ய முடியாத நிலையில் உங்கள் ரசிகர்களும் தமிழக மக்களும் உள்ளனர்.

உங்களுக்கு ஏற்பட்ட இந்த நிலை வேறு யாருக்கும் ஏற்படக்கூடாது.

இந்த சோதனை நிலையிலிருந்து மீண்டு வந்து சாதனைகள் படைப்பீர்கள் என்ற நம்பிக்கை எங்களுக்கும் உள்ளது, தன்னம்பிக்கை நிறைந்த உங்களைப் போலவே.

முக நூல்

விழுவதென்றாலும் முழுதாய் விழுவார்
எழுவதென்றாலும் மலைபோல் எழுவார்.
கமல் அரசியலை விட்டாலும்
அரசியல் கமலை விடுவதில்லை.

நாடு முழுவதும் மதக்கலவரம் வெடித்தபோது கூட தமிழகம் அமைதிப் பூங்காவாகத்தான் இருந்தது. விஸ்வரூபம் படத்தினால் தமிழகத்தில் அமைதி கெடும் என்பது தமிழக மக்களின் சகிப்புத்தன்மையை கேவலப்படுத்தும் செயல் - சற்று முன் தந்தி தொலைக்காட்சியில் மனுஷ்ய புத்திரன்

ayyamperumal wrote:விழுவதென்றாலும் முழுதாய் விழுவார்
எழுவதென்றாலும் மலைபோல் எழுவார்.
கமல் அரசியலை விட்டாலும்
அரசியல் கமலை விடுவதில்லை.

கவி

படம் வெளிவந்து இரண்டாம் நாளே திருட்டு டிவிடி, இன்டர்நெட் பைரசி எல்லாம் வந்துவிடும். என்னுடைய படத்தை படம் வெளிவரும் நாளே டி டி ஹெச்சில் வெளியிட்டால் எதிர்ப்புத் தெரிவிக்கும் திரையரங்கு உரிமையாளர்கள் இரண்டாம் நாள் திருட்டு டிவிடி வெளிவருவதை எதிர்த்து குரல் கொடுக்காதாது ஏன் என்று கேட்டீர்கள். படத்தை எடுத்தவனுக்கு இல்லாத உரிமை திருடனுக்கு உள்ளது என்று கொதித்தீர்கள்.

ஆனால் உங்கள் எதிரிகள் வெற்றிபெற்றதன் மூலம் உங்கள் படம் திரையரங்கில் மற்றும் டிடிஹெச் ஆகிய இரண்டிலும் வருவதற்கு முன் திருட்டு விசிடி, மற்றும் இன்டர்நெட்டில் வெளி வருவது உறுதியாகி விட்டது.

இதைத்தான் உங்கள் எதிரிகள் எதிர்பார்த்தார்கள்.

உண்மையே நீர் வருந்தினாலும்...,