என்றென்றும் எனக்கு வேண்டும்....

மஞ்சுபாஷிணி · மஞ்சுபாஷிணி Thu Jan 31, 2013 2:34 pm

கனவுகளில் கூட அன்பின்
மடியில் உறங்கிட வேண்டும்
மனதின் ஒரு ஓரத்தில் சுகமாய்
நினைத்துவிட வேண்டும்
நினைவாய் என்றும் இதயத்தில்
நிலைத்துவிட வேண்டும்
மரணத்தின்வலியை உன்
புன்னகையில் மறந்திடவேண்டும்....

தீயவைகள் எனை நெருங்கிடாது
உன்னருகாமை காத்திடவேண்டும்
கருணைப்பொழியும் பார்வை
முழுதாய் போர்த்திட வேண்டும்
வரங்களை வேண்டாது
இயல்பாய் இருந்திட வேண்டும்
கேளாத சந்தோஷங்கள்
மனதை நிறைத்திட வேண்டும்...

தாய்மையின் அரவணைப்பில்
உலகை மறந்திடவேண்டும்
தாய் உன் தோளில் என்
சோகங்களை கரைத்துவிடவேண்டும்
தாயின் பிரதிபிம்பமாய்
நான்வாழும் நொடி வரை நீ வேண்டும்
தாய்மை பெருகிடும் உன் அன்பு
என்றென்றும் எனக்கு வேண்டும்....

பூவன் · பூவன் Thu Jan 31, 2013 2:36 pm

கவிதை அருமை தாய்மை பருவம் சொன்ன விதம் அருமை ...

சூப்பருங்க

....

தாய்மையின் அரவணைப்பில்
உலகை மறந்திடவேண்டும்
தாய் உன் தோளில் என்
சோகங்களை கரைத்துவிடவேண்டும்
தாயின் பிரதிபிம்பமாய்
நான்வாழும் நொடி வரை நீ வேண்டும்
தாய்மை பெருகிடும் உன் அன்பு
என்றென்றும் எனக்கு வேண்டும்....