நீ சரித்திரம் உடைத்தால் இவன் சரித்திரம் படைப்பான்

by **அகல்** Wed Jan 30, 2013 4:23 pm

வந்தாரை வாழவைப்பாய் - நீ
உள்ளோரை வீழவைப்பாய்
பெயர் கேட்டால் தமிழன் என்பாய்

அறிவிலியாய் இருந்தால் உனக்கு
அறியச்செய்யலாம் - நீ
கருவிழியைத் திறக்கவில்லை என்ன செய்ய ?

உன் அரசியல் ஆட்டம் ஐந்து வருடம் - இவனைப்
பின்தொடரும் கூட்டத்தை யார் திருடும் ?

விடியாத இரவுமில்லை
வீழாமல் எவருமில்லை
முட்டாத விதை முளைப்பதில்லை
எட்டாமல் கனி சுவைப்பதில்லை

தலைக்கனத்தில் ஒருவன் ஜெயித்ததில்லை
தன்னம்பிக்கையால் எவனும் தோற்றதில்லை

சிலர் மனிதன் தோற்றுவித்த மதம் பார்க்கிறார் - இவன்
மதம் பிடிக்காத மனிதத்தைப் பார்க்கிறான்

நீ சரித்திரம் உடைத்தால் இவன் சரித்திரம் படைப்பான்
மனிதவெறி கொண்டவனிடம் சிலர் மதவெறி செல்லாது

காலம் காலத்தைத் தோற்கடிக்கலாம்
கலையை யாரடா தோற்கடிப்பது ?

இவன் மனிதத்தைக் கொண்டவன்
மதத்தை வென்றவன் !

ஒரு சமாதானப் புறாவை - நீ
சாகடிக்கப் பார்க்கிறாய்

இவன் வீழ்ந்து மறைந்தால் - முற்றிலும்
இறந்ததாய்க் கொள்ளாதே !

மாலையில் மலையோரம் வீழ்ந்த சூரியன்
காலையில் கடலோரம் எழுவதை அறியாயோ ..?

அருகம்புல் விதைக்கு ஏதடா இறப்பு ?

மனிதம் உயர்ந்தால் மதங்களும் வாழும்
அதுவே இறந்தால் யாவுமே வீழும் !

"மதங்கள் சாகட்டும் மனிதம் வாழட்டும்"

ஜெய்ஹிந்த் !

கமல் என்ற ஒப்பற்ற கலைஞனுக்கு
கனத்த மனதுடன் காணிக்கையாக்குகிறேன் !

அன்புடன்,
அகல்

by **ராஜா** Wed Jan 30, 2013 4:24 pm

கமல் என்ற ஒப்பற்ற கலைஞனுக்கு
மன வேதனையுடன் எனது காணிக்கையாய் !

அன்புடன்,
அகல்

அனைத்து தமிழர்களின் மன ஓட்டத்தை அப்படியே பிரதிபலித்துள்ளீர்கள் அகல் நன்றி

by **அகல்** Wed Jan 30, 2013 4:28 pm

ராஜா wrote:

கமல் என்ற ஒப்பற்ற கலைஞனுக்கு
மன வேதனையுடன் எனது காணிக்கையாய் !

அன்புடன்,
அகல்
அனைத்து தமிழர்களின் மன ஓட்டத்தை அப்படியே பிரதிபலித்துள்ளீர்கள் அகல்

இதுவரை இப்படியாக யாருக்காகவும் நான் வருத்தப்பட்டதில்லை அண்ணா ... இன்று அவரின் பேட்டி, கடுமையான வலியைக்கொடுத்துவிட்டது.. மெல்லத் தமிழினி சாகுமோ ???