இந்திய வீரர் தலை துண்டிப்புக்கு ஐ.எஸ்.ஐ. - யே காரணம்!

by **கரூர் கவியன்பன்** Wed Jan 30, 2013 1:55 pm

புதுடெல்லி: காஷ்மீரையொட்டிய எல்லைப்பகுதியில் இந்திய வீரரின் தலை துண்டிக்கப்பட்ட சம்பவத்தில் பாகிஸ்தான் உளவு நிறுவனமான ஐ.எஸ்.ஐ-யும், லஷ்கர் தீவிரவாத இயக்கமும் கூட்டுச் சதியில் ஈடுபட்ட தகவல் வெளியாகி உள்ளது.

காஷ்மீரில் இந்திய எல்லைப்பகுதியில், கடந்த 8 ஆம் தேதி பாதுகாப்பு பணியில் ஈடுபட்டிருந்த இந்திய ராணுவ வீரர்கள் சுதாகர் சிங், ஹேம் ராஜ் ஆகியோர் தலை துண்டித்து கொலை செய்யப்பட்டனர்.

ராணுவ வீரர்கள் கொல்லப்பட்டதற்கு பாகிஸ்தான்தான் காரணம் என்று இந்தியா குற்றம் சாட்டியது. இதனால் இரு நாடுகள் இடையே பதற்றம் ஏற்பட்டது.ஆனால் இந்திய வீரர்களை நாங்கள் கொலை செய்யவில்லை என்று பாகிஸ்தான் மறுத்தது.

இந்நிலையில் இந்த சம்பவத்தில் பாகிஸ்தான் உளவு நிறுவனமான ஐ.எஸ்.ஐ-யும், லஷ்கர் தீவிரவாத இயக்கமும் கூட்டுச் சதியில் ஈடுபட்டதாக இந்திய உளவு துறைக்கு நம்பகமான தகவல் கிடைத்துள்ளது.

ராணுவ வீரர்களை தலை துண்டித்து கொலை செய்வதற்காக ஐ.எஸ்.ஐ. அமைப்பு, லஷ்கர்-இ-தொய்பா மற்றும் கெய்ஸ்-இ-முகமது தீவிரவாதிகளை கொண்ட 15 பேர் குழுவை ஏற்பாடு செய்ததாகவும், இதற்கு ‘பார்டர் ஆக்ஷன் டீம்’ என பெயர் சூட்டப்பட்டதாகவும் அத்தகவல் கூறுகிறது.

இத்தீவிரவாதிகள்தான் 2 ராணுவ வீரர்களையும் தலை துண்டித்து கொலை செய்துள்ளனர். இதில் ராணுவ வீரர் ஹேம்ராஜின் துண்டிக்கப்பட்ட தலையை லஷ்கர் இயக்க தீவிரவாதி அன்வர்கான் என்பவர் எடுத்துச் சென்று விட்டார். இதற்காக அவருக்கு ஐ.எஸ்.ஐ. அமைப்பு ரூ.5 லட்சம் பரிசு வழங்கியுள்ளது.

இந்த திட்டத்துக்கு ஐ.எஸ்.ஐ. சுபேதார் ஜப்பார்கான் தலைமை தாங்கி செயல்பட்டுள்ளார். இவர் பாகிஸ்தான் ஆக்கிரமிப்பு காஷ்மீர் பகுதியான தட்டபானி பிரிவின் சுபேதார் ஆவார். இதன் மூலம் 2 இந்திய வீரர்கள் கொலை பின்னணியில் பாகிஸ்தான் செயல்பட்டு இருப்பது உறுதியாகியுள்ளதாகவும் இந்திய உளவுத் துறை வட்டாரங்களை மேற்கோள்காட்டி செய்தி வெளியாகி உள்ளது.

விகடன்

by **ராஜா** Wed Jan 30, 2013 2:00 pm

இப்ப இத தெரிஞ்சிகிட்டு நாம என்ன பன்னபோறோம் கவி? நமக்கு ஆயிரத்தெட்டு வேலைகள் போராட்டங்கள் இருக்குது.

அப்படி எதுவுமே இல்லைன்னா பாகிஸ்தான் கூட கிரிக்கெட் ஆடுற முக்கியமான ஒரு கடமை இருக்கு. இந்த நேரத்துல தலை துண்டித்தது வாலை துண்டித்தது பற்றியெல்லாம் சிந்திக்க நேரமில்லை

by **கரூர் கவியன்பன்** Wed Jan 30, 2013 2:05 pm

ராஜா wrote:இப்ப இத தெரிஞ்சிகிட்டு நாம என்ன பன்னபோறோம் கவி? நமக்கு ஆயிரத்தெட்டு வேலைகள் போராட்டங்கள் இருக்குது.

அப்படி எதுவுமே இல்லைன்னா பாகிஸ்தான் கூட கிரிக்கெட் ஆடுற முக்கியமான ஒரு கடமை இருக்கு. இந்த நேரத்துல தலை துண்டித்தது வாலை துண்டித்தது பற்றியெல்லாம் சிந்திக்க நேரமில்லை

உண்மைதான் அண்ணா. இது தானே இந்தியர்களின் பெரும்பாலானவர்களின் நல்ல மனது