பள்ளி சிறுமிக்காக தெருவோரம் உட்கார்ந்திருந்த அபுதாபி இளவரசர்!

by DERAR BABU Wed Jan 30, 2013 11:29 am

துபாய்: பள்ளிக்கு வெளியே செய்வதறியாது தனியாக நின்று கொண்டிருந்த சிறுமியின் பெற்றோர் வரும் வரை அவருக்கு துணையாக அபுதாபி இளவரசர் ஜெனரல் ஷேக் முகமது பின் ஜயத் அல் நஹ்யான் சாலையோரத்தில் அமர்ந்திருந்தார்.

அபுதாபியின் இளவரசரும், ராணுவ துணை தளபதியுமான ஜெனரல் ஷேக் முகமது பின் ஜயத் அல் நஹ்யான் காரில் சென்று கொண்டிருந்திருக்கிறார். அப்போது ஒரு பள்ளிக்கு வெளியே சிறுமி ஒருவர் தொலைந்தது போன்று தனியாக நின்று கொண்டிருந்திருக்கிறார்.

இதைப் பார்த்த இளவரசர் காரை நிறுத்துமாறு கூறி தனது உதவியாளருடன் அந்த சிறுமி அருகே சென்று நீ ஏன் இங்கு நின்று கொண்டிருக்கிறாய் என்று கேட்டார். அதற்கு சிறுமி, தனது தந்தை வந்து அழைத்துச் செல்ல வேண்டும். ஆனால் இன்னும் வரவில்லை, அதனால் தான் காத்துக் கொண்டிருக்கிறேன் என்றார். சிறுமியை தனது காரில் வீட்டில் இறக்கிவிடுவதாக இளவரசர் தெரிவித்தார்.

அதற்கு சிறுமியோ முன் பின் தெரியாதவர்களுடன் பேசக் கூடாது என்று தனது தந்தை தெரிவித்துள்ளதாக கூறினார். உடனே உதவியாளர் அச்சிறுமியிடம் இவர் யாரோ அல்ல அபுதாபியின் இளவரசர் என்று கூறினார்.

அதற்கு சிறுமி, அது எனக்குத் தெரியும். ஆனால் பழக்கமில்லாதவர்களுடன் செல்லக் கூடாது என்று என் தந்தை கூறியுள்ளார் என்றார். இதைக் கேட்ட இளவரசர் சிரித்துவிட்டார். சிறுமியின் தந்தை வரும்வரை அவருக்கு துணையாக சாலையோரத்தில் அமர்ந்திருந்தார். இளவரசர் சாலையோரத்தில் அமர்ந்திருப்பதைப் பார்த்த மக்கள் ஆச்சரியப்பட்டனர்

நம் ஊர் 'சாக்கடை கமிஷன்' கவுன்சிலர்களாவது இதைச் செய்வார்களா?

ஒன்இந்தியா தமிழ்

by பாலாஜி Wed Jan 30, 2013 11:34 am

நல்ல பகிர்வு ....

இந்தியாவில் இதுபோல நடக்க வாய்ப்பே இல்லை . இரத்த வெள்ளத்தில் போலீஸ் அதிகாரி உயிருக்கு போராடிய போது வேடிக்கை பார்த்தவர்கள்தானே நம் அமைச்சர்கள்

by **உமா** Wed Jan 30, 2013 12:11 pm

இந்தியாவில் ஒருவேளை நடந்தால் அது ஓட்டு வாங்குவதற்காக ஆடும் நாடகமாக இருக்கலாம்.

by Priya Tharsni Wed Jan 30, 2013 12:58 pm

பாலாஜி wrote:நல்ல பகிர்வு ....

இந்தியாவில் இதுபோல நடக்க வாய்ப்பே இல்லை . இரத்த வெள்ளத்தில் போலீஸ் அதிகாரி உயிருக்கு போராடிய போது வேடிக்கை பார்த்தவர்கள்தானே நம் அமைச்சர்கள்

by **ஜாஹீதாபானு** Wed Jan 30, 2013 1:26 pm

கிரேட் மேன் சூப்பருங்க

by **உமா** Wed Jan 30, 2013 1:27 pm

ஜாஹீதாபானு wrote:கிரேட் மேன்

http://www.eegarai.net/t95136p30-topic
அய்யோ, நான் இல்லை

by jeju Wed Jan 30, 2013 1:28 pm

நல்ல உள்ளம் கொண்ட மனிதர் ஓகே!!!!

by **அருண்** Wed Jan 30, 2013 1:32 pm

by **கரூர் கவியன்பன்** Wed Jan 30, 2013 1:34 pm

Priya Tharsni wrote:
பாலாஜி wrote:நல்ல பகிர்வு ....

இந்தியாவில் இதுபோல நடக்க வாய்ப்பே இல்லை . இரத்த வெள்ளத்தில் போலீஸ் அதிகாரி உயிருக்கு போராடிய போது வேடிக்கை பார்த்தவர்கள்தானே நம் அமைச்சர்கள்

உண்மைதான் பிரியா அவர்களே.இதைவிட மோசமாகவும் நடந்திருக்கின்றன