சிட்னி மாணவனுக்கு கிருமிபோஜனம் - 9 வாரங்கள் கழித்து மீட்பு...

by DERAR BABU Tue Jan 29, 2013 5:40 pm

ஆஸ்திரேலியாவிலுள்ள சிட்னி நகரில் மாயமான இளைஞர் ஒருவர் வனப்பகுதியில் உள்ள புதர்களில் அட்டை பூச்சிகளால் ரத்தம் உறிஞ்சப்பட்ட நிலையில் கிட்டத்தட்ட 9 வாரங்கள் கழித்து மீட்கப்பட்டுள்ளார்.

ஆஸ்திரேலியாவிலுள்ள சிட்னி நகரில் வாழும் மாத்யூ ஆலன்(18) என்பவர் கடந்த ஆண்டு நவம்பர் மாதம் 27 ஆம் தேதி முதல் காணாமல் போனார். மர்மமான முறையில் மாயமான மாணவரை கண்டுபிடிக்க தீவிர விசாரணை மேற்கொள்ளப்பட்டு வந்தது.

இந்நிலையில் ஆஸ்திரேலிய வனப்பகுதிகளுக்கு ட்ரெக்கிங் சென்ற ஒரு குழுவினர், உடல்நலம் குன்றிய நிலையில் அட்டை பூச்சிகளால் சூழப்பட்டிருந்த இளைஞர் ஒருவரை கண்டனர். இதுகுறித்து உடனடியாக போலீசாருக்கு தகவல் தெரிவித்த அவர்கள், அட்டை பூச்சிகளால் கடிக்கப்பட்டு கிட்டத்தட்ட பாதி எடை குறைந்த நிலையில் மாணவனை கண்டது அதிர்சியளித்ததாக தெரிவித்தனர்.

வெப்துனியா

இதுகுறித்து காவல் துறை அதிகாரி க்லென் பேகர் கூறுகையில், சுமார் 9 வார காலமாக உணவின்றி, அட்டை பூச்சிகளால் தொடர்ந்து கடிக்கபட்டதால் 50 % உடல் எடை குறைந்து,கால்கள் செயலற்று,கண் பார்வை இழந்த நிலையில் மாணவன் மாத்யூ ஆலன் மீட்கப்பட்டுள்ளார்.
மருத்துவமனையில் அனுமதிக்கப்பட்டுள்ள மாணவனின் உயிருக்கு எந்த ஆபத்துமில்லை என மருத்துவர்கள் தெரிவித்துள்ளனர் என காவல் அதிகாரி தெரிவித்தார்..

by **ஜாஹீதாபானு** Tue Jan 29, 2013 5:58 pm

அட்டை பூச்சி உடல் முழுக்க சூழ்கிறவரை இவர் என்ன பண்ணினார்

by **சிவா** Tue Jan 29, 2013 6:00 pm

ஆபத்தில்லையென்றால் இனிமேல் உடல் குறைக்க இந்த வகை சிகிச்சையளிக்க வேண்டியதுதான்!

by ஹர்ஷித் Tue Jan 29, 2013 6:06 pm

:அடபாவி:

by றினா Tue Jan 29, 2013 6:06 pm

ஜாஹீதாபானு wrote:அட்டை பூச்சி உடல் முழுக்க சூழ்கிறவரை இவர் என்ன பண்ணினார்

ஒருவேளை திட்டமிட்ட "கிருமிபோஜனம்'' ஆக இருக்குமோ?

by **கரூர் கவியன்பன்** Tue Jan 29, 2013 7:16 pm

சிவா wrote:ஆபத்தில்லையென்றால் இனிமேல் உடல் குறைக்க இந்த வகை சிகிச்சையளிக்க வேண்டியதுதான்!

கடைசி வரிகளைப் படிக்கலையா அண்ணா

by **முத்துராஜ்** Tue Jan 29, 2013 10:07 pm

சிவா wrote:ஆபத்தில்லையென்றால் இனிமேல் உடல் குறைக்க இந்த வகை சிகிச்சையளிக்க வேண்டியதுதான்!

அந்த மாணவனுக்காக இறைவனிடம் பிரார்த்தனை செய்யுங்கள் அண்ணா , நீங்கள் கூறியதை ஒருவேளை அந்த மாணவனுக்கு தெரிந்தாவர்கள் யாரவது நம் ஈகரையில் பார்த்திருந்தால் அவர்கள் மனது புண்படும் என்று நினைக்கிறன் .