அமீரின் ஆதிபகவன் படத்துக்கு எதிராக கமிஷனரிடம் புகார்!

by **கரூர் கவியன்பன்** Tue Jan 29, 2013 1:54 pm

சென்னை: இயக்குநர் அமீரின் ஆதிபகவன் படத்துக்கு எதிராக சென்னை போலீஸ் கமிஷனரிடம் புகார் அளிக்கப்பட்டுள்ளது. விஸ்வரூபம் படம் சர்ச்சை முடிவுக்கு வராத நிலையில், இந்தப் புதிய புகார் காரணமாக கோலிவுட்டில் சலசலப்பு ஏற்பட்டுள்ளது.

சென்னை போலீஸ் கமிஷனரிடம், வக்கீல்கள் கிருஷ்ணமூர்த்தி, துரைசெல்வன் ஆகியோர் இன்று அளித்த புகார் மனுவின் விவரம்:

திரைப்பட இயக்குநர் அமீர், ஏற்கனவே ராம் என்ற படத்தை எடுத்தார். அதில் கதாநாயகனை சைக்கோவாக நடிக்க வைத்தார். தற்போது, ஜெயம் ரவி நடிப்பில் ஆதிபகவன் என்ற படத்தை எடுக்கிறார். ஆதிபகவன் என்பது இந்து கடவுளான விநாயகர் மற்றும் சிவனை குறிக்கும்.

இந்தப் படத்தில் இந்து கடவுள்களை அவமதிக்கும் காட்சிகள் இருக்கும் என்று சந்தேகப்படுகிறோம். படத்தின் தலைப்பை மாற்ற வேண்டும். மேலும், படத்தை தணிக்கை குழுவுக்கு அனுப்பும் முன்பு எங்களுக்கு திரையிட்டு காட்ட வேண்டும்.

தேர்தல் கமிஷன் அங்கீகாரம் பெற்ற கட்சிகளையும், இந்து அமைப்புகளையும் அழைத்து ஆதிபகவன் படத்தை போட்டு காட்ட வேண்டும். அவர்களின் ஒப்புதல் பெற்ற பின்னரே இந்தப் படத்தை வெளியிட அனுமதிக்க வேண்டும் என்று அந்த மனுவில் கூறப்பட்டுள்ளது.

விகடன்

by **கரூர் கவியன்பன்** Tue Jan 29, 2013 1:56 pm

ஒரு படத்திற்கு எதிராக நியாயமான காரணங்களுக்காக போராடுவது நமது உரிமை.அனால் தற்போது இது மோசமான முன்னுதரனமாகி விட்டது.இதை நான் மிகவும் கண்டிக்கிறேன்.இது போன்றவற்றிற்கு செவி கொடுக்க ஆரம்பித்து விட்டால்,ஆங்காங்கு போராட்டம் என்ற பெயரில் கேலிக்கூத்தாகிவிடும்.

படம் வெளி வராத முன்னரே யூகத்தின் அடிப்படையில் கூறுவது கண்டிக்கத்தக்கது.இது ஒரு வாழையடி வாழையாய் அமைந்து விட்டால்.எதார்த்தப் போக்கினை காட்சிபடுத்தவே முடியாது.இது கேவலமான செயல்.

by DERAR BABU Tue Jan 29, 2013 2:01 pm

இந்தா ஆரம்பிட்சுடாங்கள்ள , எல்லாமே ஏட்டிக்கு போட்டி . பணம் போட்டவன் கதி அதோ கதி தான் .

by balakarthik Tue Jan 29, 2013 2:09 pm

படத்தை தணிக்கை குழுவுக்கு அனுப்பும் முன்பு எங்களுக்கு திரையிட்டு காட்ட வேண்டும்.

ஒருவேளை இத பிட்டு படமுன்னு நினைசிட்டாங்களோ சென்சார் ஆவுறதுக்கு முன்னாடி பாக்கனும்கிராங்களே சிரி

by **அருண்** Tue Jan 29, 2013 2:10 pm

by Arunjk Tue Jan 29, 2013 2:58 pm

கமலின் " கலாச்சார பயங்கரவாதம்" என்ற வார்த்தை உண்மையாகிக்கொண்டிருக்கிறது !

by பாலாஜி Tue Jan 29, 2013 3:52 pm

Arunjk wrote:கமலின் " கலாச்சார பயங்கரவாதம்" என்ற வார்த்தை உண்மையாகிக்கொண்டிருக்கிறது !

by Arunjk Tue Jan 29, 2013 4:12 pm

இனி திரைப்படம் எடுக்கும் அனைவரும் வெளியிடும் முன் அனைத்து சாதி , மத சங்கங்களிலிருந்தும் தடையில்லா சான்றிதழ் வாங்கித்தான் வெளியிட முடியும் போலிருக்கு !

by balakarthik Tue Jan 29, 2013 4:29 pm

Arunjk wrote:இனி திரைப்படம் எடுக்கும் அனைவரும் வெளியிடும் முன் அனைத்து சாதி , மத சங்கங்களிலிருந்தும் தடையில்லா சான்றிதழ் வாங்கித்தான் வெளியிட முடியும் போலிருக்கு !

அப்ப மட்டும் விட்டிடுவாங்களா என்ன ஆனா இந்த தெண்டை ஆரம்பிச்சு வச்சவங்களும் சினிமாக்காரர்கள்த்தான் , வெட்டி விளம்பரத்திற்காக செஞ்சது இப்போ இவுங்களுக்கே வினையாக முடிஞ்சுட்டுது போலிருக்கு , இதுத்தான் எந்த ஒரு வினைக்கும் எதிர்வினை உண்டுங்கறதோ சிரி

by **சிவா** Tue Jan 29, 2013 4:30 pm

வளர்ந்த நாடுகளில் இதுபோன்ற பிரச்சனைகள் வராது, வேலையற்றவர்கள் அதிகம் இருக்கும் நாட்டில் தான் இப்படிக் குழப்பங்கள் வரும்!

இது ஒரு வளரும் நாட்டிற்கு ஆரோக்கியமானதல்ல!