இன்று - ஜன.29: முத்துக்குமார் நினைவு தினம்

by **கரூர் கவியன்பன்** Tue Jan 29, 2013 1:22 pm

முத்துக்குமார்... உயிராயுதம் ஏந்திய உன்னதத் தமிழன். ஈழத்தில் நடந்த இன அழிப்புப் பெருங்கொடுமை பொறுக்காது, தன்னையே எரித்து மரித்த வீரத் தியாகி. ஒரு சிறிய இனத்தைப் பேரழிவு ஆயுதங்களால் கொன்று புதைத்த பேரினவாதத்தின் முகத்தில் தன் சதைத் துணுக்குகளால் கரி பூசிய கலகக்காரன். மரணத் தறுவாயில் முத்துக்குமார் எழுதிய கடிதம், உணர்வாளர்களை உலுக்கி எழுப்பியது.

ஈழப் போரின் தமிழ்நாட்டு எழுச்சியை 'முத்துக்குமாருக்கு முன், பின்' என இரண்டாகப் பிரிக்கலாம். அந்த ஒற்றை உயிருக்குப் பின்னால் கிளர்ந்து திரண்டது உணர்வலைகள். மூலக்கொத்தளம் சுடுகாடு வரை நடந்த எழுச்சி ஊர்வலம், போராட்ட வரலாற்றின் மகா அத்தியாயம்.தன் மரணம் ஏற்படுத்தப்போகும் தாக்கம், அதன் பிறகு சமூகத்தின் ஒவ்வொரு பிரிவினரும் எப்படிப் போராட வேண்டும்... என நீண்ட முத்துக்குமாரின் இறுதி அறிக்கை தீர்க்கதரிசன சாசனம்.

தனிமனிதப் பொருளாதாரம், பொழுதுபோக்கு, வெறுங்கூத்து என அடையாளம் காணப்பட்ட இந்தத் தலைமுறை தமிழ் இளைஞர்களுக்குள் ஒளிந்துகிடந்த சமூகப் போராளியை தெருவுக்கு இழுத்து வந்த முத்துக்குமார், மரணத்தில் வாழ்கிறார். திருச்செந்தூர் பக்கம் கொழுவைநல்லூர் என்ற சின்னசிறிய கிராமத்தில் பிறந்து, பள்ளிப் படிப்பை மட்டுமே முடித்த முத்துக்குமாரின் அரசியல் அறிவின் உயரம் மிகப் பெரியது. அவரது தியாகமோ காலத்தின் கைகளில் நிரந்தரமாக நின்று மின்னும் கலகத்தின் கண்ணீர்த் துளி!

(இன்று - ஜன.29: முத்துக்குமார் நினைவு தினம்)

Courtesy - Vikatan EMagazine

by பாலாஜி Tue Jan 29, 2013 2:26 pm

மாவீர முத்துக்குமரா உன் கனவும் ,இலட்சியம் நிச்சயம் நிறைவேறும் .

by **Ahanya** Tue Jan 29, 2013 2:43 pm

by balakarthik Tue Jan 29, 2013 2:50 pm

by **அருண்** Tue Jan 29, 2013 3:15 pm

அவர் ஆசை பட்டபடி விரைவில் ஈழம் மலரட்டும்.! நன்றி

by **சிவா** Tue Jan 29, 2013 3:18 pm

மாவீர முத்துக்குமரா உன் கனவும் ,இலட்சியம் நிச்சயம் நிறைவேறும் .

by **ஹிஷாலீ** Tue Jan 29, 2013 4:03 pm

இப்படி ஒருவர் இருக்கிறதையே இப்போது தான் தெரிந்துகொண்டேன்
தெரியப்படுத்தியமைக்கு மிக்க நன்றிகள் பல

by **ராஜா** Tue Jan 29, 2013 4:50 pm

இன்று விஸ்வரூபம் பற்றிய கோர்ட் தீர்ப்பு வர போகுது அதுனால தமிழ்நாடே மிகுந்த பரபரப்பா இருக்குது இந்த நேரத்துல , நினைவு தினம் கொண்டாடிட்டு எல்லாம் இருக்க முடியாது... வேணுமின்னா நாளைக்கு பார்க்கலாம்

by பாலாஜி Tue Jan 29, 2013 4:54 pm

ராஜா wrote:இன்று விஸ்வரூபம் பற்றிய கோர்ட் தீர்ப்பு வர போகுது அதுனால தமிழ்நாடே மிகுந்த பரபரப்பா இருக்குது இந்த நேரத்துல , நினைவு தினம் கொண்டாடிட்டு எல்லாம் இருக்க முடியாது... வேணுமின்னா நாளைக்கு பார்க்கலாம்

தீர்ப்பு சாதகமாக வருமா என்று தெரியவில்லை . முதலில் படத்தின் கேபிள் டிவி உரிமையை ஜெயா டிவிக்கு வழங்கினார். ஆனால் எந்த காரணத்தால் அது விஜய் டிவிக்கு மாற்றப்பட்டது . அதனால்தான் என்னவோ இரண்டு வார தடையை தமிழக அரசு அறிவித்துவிட்டது என்று நினைக்கின்றேன்
இதுதான் நடந்ததா?

by **ராஜா** Tue Jan 29, 2013 5:07 pm

பாலாஜி wrote:
ராஜா wrote:இன்று விஸ்வரூபம் பற்றிய கோர்ட் தீர்ப்பு வர போகுது அதுனால தமிழ்நாடே மிகுந்த பரபரப்பா இருக்குது இந்த நேரத்துல , நினைவு தினம் கொண்டாடிட்டு எல்லாம் இருக்க முடியாது... வேணுமின்னா நாளைக்கு பார்க்கலாம்
தீர்ப்பு சாதகமாக வருமா என்று தெரியவில்லை .

அட போங்க பாஸ் , நானே நம்ம மக்கள் மேல இருக்குற வெறுப்புல இப்படி சொன்னேன் , நீங்க அதுக்கும் பொறுப்பா பதில் சொல்லிட்டு இருக்கீங்க சோகம்