நாய் தரும் உற்சாகம்

**Powenraj** · **Powenraj** Wed Jan 30, 2013 9:17 am

நாயை செல்லமாக வளர்ப்பது உலகம் முழுவதும் உள்ள பழக்கம். நாயின் மீது கொண்ட பாசத்தால் கொஞ்சநேரம் கூட அதைப் பிரிந்திருக்க முடியாமல் தவிப்பவர்கள் அதிகம் பேர் உள்ளனர். அமெரிக்கா போன்ற நாடுகளில் வேலைக்கு போகும் போது கூடவே நாயை அழைத்துக் கொண்டு போகிறவர்களும் உண்டு. இதை வைத்து வழக்கம் போல் ஆய்வுசெய்திருக்கிறார்கள். வர்ஜீனியா காமன்வெல்த் யுனிவர்சிட்டி என்ற அமெரிக்க பல்கலைக்கழகம் உங்கள் அலுவலகத்துக்கு உங்களின் செல்ல நாய்க்குட்டியையும் அழைத்துச் சென்றால் மன இறுக்கமோ, கவலையோ இன்றி உற்சாகமாக வேலைபார்ப்பீர்கள் என்று தங்கள் ஆய்வில் கண்டு பிடித்து கூறி உள்ளார்கள்.
-
நீங்கள் பார்க்கும் வேலையிலும் எந்த குறையும் இருக்காது. அலுவலகத்துக்குதங்களது நாய்களை அழைத்து வருபவர்கள் தங்கள் வேலைகளை வரிசையாக ஒழுங்குபடுத்திக் கொண்டு மன திருப்தியுடன் வேலை பார்க்கிறார்கள். நாயை அழைத்து வராதவர்கள் மன நெருக்கடியுடன் பணிபுரிவதால் வேலையின் தரமும் குறைவதை கண்டுபிடித்துள்ளனர். வேலைசெய்யும் இடங்களில் உள்ள நாய்கள் நேர்மறையான மனோபாவத்தை ஒவ்வொருவருக்கும் வழங்குகின்றன.
-
நாயை அழைத்து வருபவர், சில நாட்கள் நாயுடன் வராமல் இருந்தால் அப்போது தங்கள் வேலையை சுமாராக பார்ப்பதை இந்த குழுவின் தலைவர் ரான்கடால்ப் பார்கர் என்பவர் கண்டறிந்துள்ளார். வீட்டிலும், அலுவலகத்திலும் நாய் வளர்க்க வாய்ப்பில்லதாவர்கள் தங்கள் தெரு நாய்களுக்கு உணவு அளித்து அதன் அன்பையும், நன்றியுணர்வையும் பார்த்து மன இறுக்கம் இன்றி உற்சாகமாக வாழலாம். அலுவகத்துக்கு ஆளுக்கொரு நாயுடன் வந்தால் அந்த நாய்களின் சண்டையை சமாதானப்படுத்துவதற்கே வேலை நேரம் சரியாகப் போய் விடுமே. பின் எப்படி வேலை நடக்கிறது? இதுபற்றி மற்றோர் ஆய்வு நடத்தினால் நன்றாக இருக்கும்.
-
தினந்தந்தி