இதுதான் பார்வை... உண்மையான பார்வை ...

by **கரூர் கவியன்பன்** Tue Jan 29, 2013 1:15 pm

ஒரு காட்டில் ஒரு பெரிய ஆலமரத்தின் அடியில் துறவி ஒருவர் அமர்ந்திருந்தார்.

அவருக்குப் பார்வை கிடையாது.

அவ்வழியாக வந்த ஒருவன் " ஏ கிழவா, இந்த வழியாக சற்று முன் யாராவது சென்றார்களா? என்று அதிகாரத் தோரணையில் கேட்டான்.

அதற்குத் துறவி , "இதற்கு முன் இந்த வழியாக யாரும் சென்றதாகத் தெரியவில்லை." என்றார்.

சிறிது நேரத்தில் மற்றொருவன் அங்கே வந்து, " ஐயா, இதற்கு முன் யாராவது இப்பக்கமாகச் சென்றார்களா? என்று கேட்டான்.

அதற்கு அத்துறவி, சற்று முன் இந்த வழியாகச் சென்ற ஒருவன் இதே கேள்வியைக் கேட்டு விட்டுச் சென்றான்." என்றார்.

மேலும் சிறிது நேரம் கழித்து இன்னொருவன் அங்கு வந்தான். அவன் "துறவியாரே, வணங்குகிறேன். இதற்கு முன்பு இந்த வழியாக யாராவது செல்லும் சத்தம் தங்களுக்குக்
கேட்டதா? தயவு செய்து கூறுங்கள்" என்று பணிவோடு கூறினான்.

உடனே துறவி, " மன்னர் பெருமானே, வணக்கம். இந்த வழியாக முதலில்
ஒரு வீரன் சென்றான். அடுத்து ஓர் அமைச்சர் சென்றார். இருவருமே நீங்கள் கேட்ட இதே கேள்வியைத்தான் கேட்டனர்." என்றார்.

மிகவும் வியந்த அரசன், " துறவியாரே, தங்களுக்குப் பார்வை இல்லை. அப்படி இருந்தும் நான் அரசன் என்றும், முன்னால் சென்றவர்கள் வீரன், அமைச்சர் என்றும் எப்படி அறிந்தீர்கள்? என்று கேட்டான்.

"அரசே, இதைக் கண்டறிய பார்வை தேவையில்லை. அவரவர் பேசுவதை வைத்தே அவர் யார், அவர் தகுதி என்ன என்பதை எல்லாம் அறிய முடியும்."

முதலில் வந்தவர் சிறிதும் மரியாதையின்றி கேள்வி கேட்டார்.

அடுத்து வந்தவர் பேச்சில் அதிகாரம் தொனித்தது.

ஆனால் தாங்களோ மிகவும் பணிவாகப் பேசுகிறீர்கள்." என்று விளக்கினார் அந்த பார்வையற்ற துறவி.

நன்றி: தமிழ் வளர்ப்போம்

by Priya Tharsni Tue Jan 29, 2013 1:30 pm

கதை அருமை- எதுவும் மனிதன் பேசும் பேச்சில்தான் இருக்கிறது

by **Ahanya** Tue Jan 29, 2013 3:56 pm

நல்ல கதை கவியன்பன் சூப்பருங்க

by பாலாஜி Tue Jan 29, 2013 3:59 pm

நல்ல கதை .. சூப்பருங்க

by **சிவா** Tue Jan 29, 2013 4:14 pm

நிறைகுடம் தளும்பாது என்பதை விளக்கும் சிறந்த கதை!

பகிர்வுக்கு நன்றி கவி!

by யினியவன் Tue Jan 29, 2013 4:31 pm

சிவா wrote:நிறைகுடம் தளும்பாது என்பதை விளக்கும் சிறந்த கதை!

பகிர்வுக்கு நன்றி கவி!

இந்த குருவின் குணம் உங்களுக்கும் இருப்பது சந்தோசம்ன்னு சொல்லல? புன்னகை

by **சிவா** Tue Jan 29, 2013 4:33 pm

யினியவன் wrote:
சிவா wrote:நிறைகுடம் தளும்பாது என்பதை விளக்கும் சிறந்த கதை!

பகிர்வுக்கு நன்றி கவி!
இந்த குருவின் குணம் உங்களுக்கும் இருப்பது சந்தோசம்ன்னு சொல்லல?

ஹைய்யோ... ஹைய்யோ!!!

என்னைப் பற்றியும், என் குணத்தைப் பற்றியும் முழுதாகத் தெரிந்து வைத்துளீர்கள் தல!

என்னைப் பற்றி நானே புகழ்ந்து கொண்டால் நன்றாக இருக்காதல்லவா? அதனால்தான் சொல்லவில்லை! சிரி