நீரில் 1500 கி மீ வரை தாக்கும் ஏவுகணை - பரிசோதனை வெற்றி !

by **சிவா** Tue Jan 29, 2013 12:02 am

http://tamil.webdunia.com/articles/1301/28/images/img1130128009_1_1.jpg

நீர் மூழ்கி கப்பலில் இருந்து ஏவப்பட்டு, நீரில் பாய்ந்து எதிரிகளின் கப்பலை தாக்கி அழிக்க வல்ல சக்தி வாய்ந்த பாலிஸ்டிக் கே - 5 ரக அணு ஏவுகணையை வங்காள விரிகுடாவில் இந்தியா வெற்றிகரமாக பரிசோதித்தது.

10 மீட்டர் நீளம் கொண்ட இந்த ஏவுகணை 1500 கி மீ தூரம் வரை பாய்ந்து சென்று குறிப்பிடப்பட்டிருந்த இலக்கினை வெற்றிகரமாக தாக்கி அழிக்ககூடிய வல்லமை பெற்றது.

இவ்வகை ஏவுகணைகள் அமெரிக்கா, ரஷ்யா, பிரான்ஸ், சீனா போன்ற 4 நாடுகளிடம் மட்டுமே முன்னர் இருந்தன. இந்த வரிசையில் 5வது இடத்தை தற்போது இந்தியா பிடித்துள்ளது குறிப்பிடத்தக்கது.

இதேபோன்று நீருக்கடியில் 750 கிமீ தூரம் வரை சென்ற தாக்கக்கூடிய கே - 15 ரக ஏவுகணையையும், 290 கி மீ தூரம் வரை சென்ற தாக்கக்கூடிய பிரம்மோஸ் என்னும் ஏவுகணையையும் வெற்றிகரமாக பரிசோதனை செய்ய இந்தியா முயற்சித்துவருவது குறிப்பிடத்தக்கது.

வெப்துனியா!