பழைய சாதத்தில் பல விசயங்கள்

தாமு · தாமு Fri 23 Oct 2009 - 6:49

பழைய சாதத்துல இவ்வளவு விஷயமா?

திரைப்படங்களில் கிராமத்து சீன். கதாநாயகி பித்தளைத் தூக்கில் பழங்கஞ்சி எடுத்துக் கொண்டு போய் கதாநாயகனுக்குத் தருவாள். நீரும் சோறுமாக அதை அள்ளி அவன் உண்பான். இன்றைய நிஜ கிராமங்களில் கூட இந்தக் காட்சியைப் பார்க்க முடியாது.

ஆனால் முதல் நாள் சோற்றில் நீரூற்றி, மறுநாள் சாப்பிடும் இந்த பழைய சாதத்தில் தான் பி6, பி12 ஏராளமாக இருக்கிறது என்கிறார் அமெரிக்காவில் இருக்கும் ஒரு மருத்துவர். தவிரவும் உடலுக்கு, குறிப்பாக சிறு குடலுக்கு நன்மை செய்யும் 'ட்ரில்லியன்ஸ் ஆஃப் பாக்டீரியாஸ்' (கவனியுங்கள்: 'மில்லியன்' அல்ல 'ட்ரில்லியன்') பெருகி நம் உணவுப் பாதையையே ஆரோக்கியமாக வைத்திருக்கிறதாம்!

கூடவே இரண்டு சிறிய வெங்காயம் சேரும்போது, நோய் எதிர்ப்பு சக்தி அபரிமிதமாக பெருகுகிறதாம். அப்புறம் பன்றிக் காய்ச்சல் என்ன, எந்தக் காய்ச்சலும் நம்மை அணுகாது!
பழைய சாதத்தின் மகத்துவத்தைப் பற்றி அமெரிக்காவில் வசிக்கும் நம் இந்திய விஞ்ஞானி ப்ரதீப் கூறியதில் இருந்து சில, நம் சினேகிதிகளுக்காக...

"காலையில் சிற்றுண்டியாக இந்த பழைய சாதத்தைக் குடிப்பதால், உடல் லேசாகவும், அதே சமயம் சுறுசுறுப்பாகவும் இருக்கிறது. இரவே தண்ணீர் ஊற்றி மூடி வைப்பதால் இலட்சக்கணக்கான நல்ல பாக்டீரியாக்கள் இதில் உருவாகிறது. மறுநாள் இதை குடிக்கும் போது உடல் சூட்டைத் தணிப்பதோடு குடல்புண், வயிற்று வலி போன்றவற்றையும் குணப்படுத்தும்.

அதுமட்டுமில்லாமல் இதிலிருக்கும் நார்ச்சத்து, மலச்சிக்கல் இல்லாமல் உடலை சீராக இயங்கச் செய்கிறது.

இந்தப் பழைய சாதம் உணவு முறையை சில நாள் தொடர்ந்து நான் சாப்பிட்டதில் நல்ல வித்தியாசம் தெரிந்தது. இரத்த அழுத்தம் கட்டுக்குள் வந்துவிட்டதோடு, உடல் எடையும் குறைந்தது." என்கிறார்.

மிகவும் முக்கியமான விஷயம் என்னவென்றால் உடலுக்கு அதிகமான சக்தியை தந்து நாள் முழுக்க சோர்வின்றி வேலை செய்ய உதவியாக இருக்கிறது. அலர்ஜி, அரிப்பு போன்றவை கூட சட்டென்று சரியாகி விடும். அல்சர் உள்ளவர்களுக்கு இதைக் கொடுத்து வர, ஆச்சரியப்படும் அளவிற்குப் பலன் கிடைக்கும். எல்லாவற்றிற்கும் மேலாக நோய் எதிர்ப்பு சக்தி அதிகளவில் கிடைப்பதால், எந்த நோயும் அருகில்கூட வராது.

ஆரோக்கியமாக அதே சமயம் இளமையாகவும் இருக்கலாம்".

பழைய சாதத்தை எப்படி செய்வது? (அது சரி!)

பழைய சாதத்திற்கு மிகவும் சிறந்தது பிரெளன் ரைஸ் என்று அழைக்கப்படும் கைக்குத்தல் அரிசிதான். ஒரு கல் சட்டி அல்லது மண் சட்டியில் சிறிது சாதத்தைப் போட்டு, சுத்தமான தண்ணீரை நிறைய ஊற்றவும். மறுநாள் சாதத்தை நன்கு பிசைந்து, மோர் சிறிது சேர்த்து, சின்னவெங்காயம் சேர்த்துக் குடிக்க 'ஜில்'லென்று இருக்கும் (மிகவும் சூடாக இருக்கும் சாதத்தில் தண்ணீரை ஊற்றக் கூடாது.) மதிய உணவு நேரம் வரை டீ, காபி கேக்காது வயிறு!

நன்றி: - சினேகிதி

தாமு · தாமு Fri 23 Oct 2009 - 7:13

அரிசிக் கஞ்சியின் மகத்துவம்
சாதம் வடித்த கஞ்சியுடன் சிறிது உப்பு கூட்டி பருக, கண்ணெரிச்சல் நீங்கி குளிர்ச்சியடையும். உடல் உஷ்ணம் குறையும்.

பேதி ஏற்படும்போது அரிசிக் கஞ்சியில் உப்பு சேர்த்து குடித்தாலும், சாதத்தில் ஊற்றி பிசைந்து சாப்பிட்டாலும் நல்லது.

இரவு வடித்த சாதத்தில் ஒரு டம்ளர் நீர் ஊற்றி மறுநாள் காலையில் அந்த நீரில் உப்பு சேர்த்து குடிப்பது அல்சர் போன்றவற்றிற்கு நல்லது.

ஒரு வயதுக்குட்பட்ட குழந்தைகளுக்கு அரிசி கழுவிய நீரை லேசாக சூடுபடுத்தி கால் மற்றும் கைகளில் ஊற்ற எலு‌ம்பு பலம் பெறும்.

தாமு · தாமு Fri 23 Oct 2009 - 7:30

சாதம் எப்படி இருக்க வேண்டும்
புழுங்கலரிசி சாதம் அனைவருக்கும் ஏற்றது. புழுங்கலரிசி சாதத்தை சாப்பிடுபவர்களை வாத நோய் தாக்காது.

குழைந்த சாதத்தையே சாப்பிட்டு வந்தால் பசி குறைவு ஏற்படும். இடுப்பு வலியுடன் கூடிய வெள்ளப்போக்கு, இருமல் உண்டாகும்.

தினமும் அதிக சூடான சாதத்தைச் சாப்பிட்டால், ரத்த கொதிப்பு, அடங்காத தாகம், நாவறட்சி உண்டாகும்.

தினமும் ஆறிப்போன சாதத்தை உண்டு வந்தால், கீல்வாதம் எனப்படும் மூட்டுவலி ஏற்படும்.

மிதமான சூடுள்ள சாதத்தை உண்பதே சிறந்தது. அதனால் வாத, பித்த, கப நோய்களையும், சைனஸ் நோயையும் போக்கும்.

தாமு · தாமு Fri 23 Oct 2009 - 7:31

அரிசி அவலின் குணம்

நெல்லில் இருந்து செய்யப்படும் அவலை குழைய வேக வைத்து உட்கொள்ள கழிச்சல், வயிற்று வலி தீரும்.

அவலில் பாலும், நெய்யும் சேர்த்து உண்ண உடலுக்கு வலிமை உண்டாகும்.

அவலை தயிரில் கலந்து உண்டால் மந்தம் உண்டாகும்.

மோரில் கலந்து உண்ண அயர்வும், நீர் வேட்கையும் உண்டாகும்.

புளி சேர்த்து உண்டால் பித்த நோய் குணமாகும்.

தாமு · தாமு Fri 23 Oct 2009 - 7:32

காய்ச்சல் கண்டவர்களுக்கு புனற்பாகம்

புனற்பாகம் என்பது, ஒரு முறை வடித்த சாதத்தை மறுமுறை வேறு பாத்திரத்தில் போட்டு தண்ணீர் ஊற்றி கொதிக்க வைத்து அதனை வடிக்காமல், உப்பு சேர்த்து உண்பதாகும்.

இந்த புனற்பாகம், காய்ச்சல் கண்டவர்களுக்கு நல்ல மருந்தாக அமையும்.

இந்த உணவு எளிதில் ஜீரணமாகும் என்பதாலும், உடல் உஷ்ணத்தைக் குறைக்கும் என்பதால் காய்ச்சல் கண்டவர்களுக்கு இந்த புனற்பாகத்தை செய்து தருவார்கள்.

காய்ச்சல் கண்டவர்கள் புனற்பாகத்தை உண்டு வந்தால் காய்ச்சல் குறையும்.

மீனு · மீனு Fri 23 Oct 2009 - 13:11

இதில் இவளவு இருக்கா...

**Tamilzhan** · **Tamilzhan** Fri 23 Oct 2009 - 13:18

மீனு wrote: இதில் இவளவு இருக்கா...

மீனு போல பீசா களுக்கு தெரியா வாய்ப்பில்லை...! பழைய சாதத்தின் மகிமை. Icon_lol

தாமு · தாமு Fri 23 Oct 2009 - 17:08

நன்றி தமிழன் அண்ணா, மீனு.... பழைய சாதத்தின் மகிமை. 678642

kirupairajah · kirupairajah Fri 23 Oct 2009 - 17:14

நடைமுறை வாழ்க்கையில் ஏற்படுகின்ற மாற்றத்தால், உணவுப்பழக்கங்களும் மாறிவிடுகிறது. அதிகம் அறிந்திருக்காத அருமையான தகவல்கள். பதிவிற்கு நன்றி தாமு!

தாமு · தாமு Fri 23 Oct 2009 - 17:23

நன்றி கிருபை... பழைய சாதத்தின் மகிமை. 678642

Sponsored content · Sponsored content

பழைய சாதத்தின் மகிமை.

பழைய சாதத்தில் பல விசயங்கள்

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

Re: பழைய சாதத்தின் மகிமை.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக