குழந்தைகளுக்கு விபரீதமாகும் இனிப்பு மிட்டாய்!

குழந்தைகளைக் கவர பல வண்ணங்களில் தின்பண்டங்கள் வருகிறது. கலர் சாயங்கள் உடனடியாக தீங்கு விளைவிப்பதில்லை என்றாலும் ஆபத்தானவை. ஏனோ பெற்றோர்களும் அதைப்பற்றி கவலைப்படுவதில்லை. இந்த நிலையில் இப்போது உடனடியாக பாதிப்பு ஏற்படுத்தும் மிட்டாய்கள் விற்பனைக்கு வந்துவிட்டன. சிறுவர்களை கவருவதோடு அவர்களின் உயிரோடு விளையாட “டார்ச்லைட் மிட்டாய்’ என்று ஒரு புது எமன் அறிமுகமாகி அமோகமாக விற்பனையாகிறது.
கரூர் அருகே வேலாயுதம்பாளையத்தில் அந்த மிட்டாயோடு சேர்த்து அதில் உள்ள பல்பையும் கடித்த, வாயில் ரத்தம் வழிய ஆஸ்பத்திரிக்கு வந்த சிறுவனால்தான் இந்த மிட்டாயைப் பற்றி தெரியவந்தது. இது பற்றி விசாரணையில் இறங்கினோம்.
இந்த மிட்டாய் மதுரை, திண்டுக்கல்லில் தயாராகி தமிழகமெங்கும் கிராமங்களுக்கு அதிகம் சப்ளையாகிறது. 5 ரூபாய்க்கு மிட்டாயோடு பேட்டரியும் லைட்டும் இணைந்த இந்த மிட்டாய் லிப்ஸ்டிக் வடிவத்தில் இருக்கிறது. எரியும் போது டேஞ்சர் லைட் நிறத்தில் மிட்டாய் ஒளி வீச குழந்தைகள் ஆர்வமுடன் கடித்துச் சாப்பிடுகிறார்கள். இந்த நேரத்தில்தான் தவறுதலாக பல்பையும் சேர்த்துக் கடித்துவிடுகின்றனர். இந்த ஆபத்தைப் பற்றிக் கொஞ்சமும் கவலைப்படாமல் சிறுவர்களிடம் விற்பனை செய்யப்படுகிறது.
பள்ளப்பட்டியில் மிட்டாய் விற்ற கடையில் நாம் விசாரித்தோம்.
“குழந்தைகள் அதிகம் விரும்பி வாங்குவதே இதைத்தான். தினமும் ஒரு பாக்கெட் காலியாகிறது. வாங்கும் போது “பாத்து கடித்து சாப்பிடுங்கள்’ என்று சொல்லித்தான் தருகிறோம். லைட்னா ஆபத்துனு பசங்களுக்குத் தெரியும், அதனால் லைட்டையெல்லாம் கடிக்கமாட்டார்கள். விவரம் தெரியாத குழந்தைகளுக்குத் தந்தால்தான் ஆபத்து ஏற்படும். எனக்கு திண்டுக்கல்லிலிருந்து சப்ளையாகிறது.அவர்களுக்கு மதுரையிலிருந்து வருகிறதாம். கரூர்ல எல்லா இடத்திலும் விற்கிறது. குழந்தைகளுக்கு மிகவும் சந்தோஷமளிக்கும் மிட்டாய்தானே!’ என்றார் விபரீதம் புரியாமல்.
பள்ளப்பட்டி பேரூராட்சி சுகாதார ஆய்வாளர் தியாகராஜனிடம் கேட்டோம்.
“இந்த மிட்டாய் பல மாதமாகவே விற்பனை ஆகிவருகிறது. இப்போதுதான் இது ஆபத்தானது என்று நீங்கள் சொல்கிறீர்கள். இதுவரை பொதுமக்களிடமிருந்து புகார் எதுவும் வரவில்லை. வந்தால் நிச்சயம் நடவடிக்கை எடுப்போம்’ என்றார்.
வேலாயுதம்பாளையம் குழந்தைக்கு ஏற்பட்ட சம்பவம் வேறு குழந்தைக்கு ஏற்படுவதற்குள் அதிகாரிகள் நடவடிக்கை எடுக்க வேண்டும். இனிப்பான மிட்டாயில் இப்படி இடியான விஷயம் இருப்பதை உணர்ந்து சுகாதாரத்துறை சுறுசுறுப்பாகுமா?

- கரூர் அரவிந்த் (நன்றிகள் குமுதம்)

விழிப்புணர்வு பகிர்வுக்கு நன்றி

மிட்டாய் விற்கவேண்டும் என்பதற்காக என்ன வேண்டுமானாலும் செய்வார்கள் போலிருக்கிறதே?

பணத்திற்காக குழந்தைகள் உயிர் தான் கிடைத்ததா ??

பள்ளப்பட்டி பேரூராட்சி சுகாதார ஆய்வாளர் தியாகராஜனிடம் கேட்டோம்.
“இந்த மிட்டாய் பல மாதமாகவே விற்பனை ஆகிவருகிறது. இப்போதுதான் இது ஆபத்தானது என்று நீங்கள் சொல்கிறீர்கள். இதுவரை பொதுமக்களிடமிருந்து புகார் எதுவும் வரவில்லை. வந்தால் நிச்சயம் நடவடிக்கை எடுப்போம்’ என்றார்.

இந்த அறிவுகெட்ட முண்டம் சொல்லியுள்ள பதிலை பாருங்கள் நண்பர்களே . ஏன் இவன் தமிழத்தில் வசிக்கும் பொதுமக்களில் ஒருவன் இல்லையாமா ?? முதலில் இந்த நாய்களை சுட்டுத்தள்ளவேண்டும் பிறகு தான் மிட்டாய் தயாரிப்பவனை தண்டிக்கணும்.

நல்லதொரு பகிர்வு