மீண்டும் இணைந்து கொள்வதில் மகிழ்ச்சி

by றினா Mon Jan 28, 2013 11:55 am

வணக்கம் என் இனிய ஈகரை நண்பர்களே!

நீண்ட இடைவெளிக்குப் பிறகு ஈகரையோடு இணைந்து கொள்வதில் பெரும் சந்தோசம் அடைகின்றேன்.

இனிமேல் தொடர்ந்து இணைந்து கொள்வேன் என நினைக்கிறேன்.

நான் பணியாற்றுவது ஒரு சமூக அரசியல் நிறுவனம். வருடா வருடம் வசதி குறைந்த பாடசாலை மாணவர்களுக்கு இலவச அப்பியாசக்கொப்பிகளை வழங்கி வருகின்றோம். இத்தோடு இது நான்காவது வருடம்.

இது வரையில் எமது வேலைத்திட்டம் இலங்கையின் மட்டக்களப்பு மாவட்டத்தில் மாத்திரமே செயற்படுத்தப்பட்டு வந்தது. ஆனால் இம்முறை இந்த வேலைத்திட்டத்தின் மூலம் கிழக்கு மாகாணம் தழுவிய வகையில் தமிழ், முஸ்லிம் மற்றும் சிங்களம் என்று மூன்று இனங்களையும் சேர்ந்த வறிய மாணவர்களுக்கு இந்த இலவச அப்பியாசக்கொப்பிகள் வழங்கப்பட்டன.

வருட இறுதியான டிசம்பரில் மழை பெய்யும் காலம் என்பதால் அன்றாடம் சிறிய சிறிய தொழில் செய்து வாழ்க்கை நடாத்தி வரும் வறிய நிலையிலுள்ள மக்கள் தமது குழந்தைகளுக்கு இந்த அப்பியாசக்கொப்பிகளை வாங்கிக்கொடுப்பதற்கு எவ்வளவு சிரமப்படுகிறார்கள் என்பதை உணர்ந்த எமது இயக்கமானது அதில் ஒரு பகுதியை தாம் பொறுப்பேற்று இந்த நடவடிக்கையை மேற்கொண்டு வருகின்றது.

ஆனாலும் இந்த வருடம் வழமைக்கு மாற்றமாக அதிகளவு மழை வீழ்ச்சி காரணமாக கூடுதலான மக்கள் வெள்ள அனர்த்தத்துக்கு இலக்காகி வேறு பாதுகாப்பான இடங்களுக்கு இடம்பெயர்த்து நிர்க்கதியான சூழலில் வாழ்ந்து வருகின்றார்கள்.

இதன் காரணமாக இவ்வருடம் அம்மக்களுக்கு உலர் உணவுப்பொருட்களும் வழங்கப்பட்டன.
எனவே இவை அனைத்திலும் நான் பங்கெடுத்துக்கொண்டதினால் எனக்கு உங்களுடன் இணைந்து கொள்ள முடியாமல் போனது.

ஒருவர் துன்பப்படும்போது உதவுவதுதான் மானுடப் பண்பாடு எனவே இவ்வாறான வேலைத்திட்டங்களில் அனைவரும் இணைந்து கொள்வோமாக, அனைவருக்கும் எல்லாம் வல்ல இறைவன் அருள் புரிவானாக.

இது எமது அப்பியசக்கொப்பியின் அட்டைப் படம். (இது ஒரு விளம்பரமாக இருந்தால் நிருவாகத்தினர் நீக்கிவிடலாம்)
[You must be registered and logged in to see this image.]

by **ஜாஹீதாபானு** Mon Jan 28, 2013 11:58 am

மீண்டும் இணைந்ததில் மிக்க மகிழ்ச்சி றினா :நல்வரவு:

by balakarthik Mon Jan 28, 2013 12:00 pm

நல்ல விஷயம் றினா மீண்டும் இணைந்ததில் மகிழ்ச்சி தொடர்ந்து இணைந்திருங்கள் :நல்வரவு:

by Priya Tharsni Mon Jan 28, 2013 12:04 pm

மிகவும் அழகாக உள்ளது இலங்கைக்கு வர வேண்டும் போல் தோன்றுகிறது

by பாலாஜி Mon Jan 28, 2013 12:07 pm

மீண்டும் இணைந்ததில் மிக்க மகிழ்ச்சி றினா :நல்வரவு:

by றினா Mon Jan 28, 2013 12:09 pm

balakarthik wrote:நல்ல விஷயம் றினா மீண்டும் இணைந்ததில் மகிழ்ச்சி தொடர்ந்து இணைந்திருங்கள்

நன்றி. தொடர்ந்து இணைந்து கொள்வேன் என நினைக்கிறேன்.

by றினா Mon Jan 28, 2013 12:10 pm

Priya Tharsni wrote:மிகவும் அழகாக உள்ளது இலங்கைக்கு வர வேண்டும் போல் தோன்றுகிறது

நன்றி.

வாருங்கள் இலங்கைக்கு...

by Guna Tamil Mon Jan 28, 2013 12:10 pm

றீனா தாங்கள் சார்ந்துள்ள அமைப்பை பற்றி எனக்கு தனிமடல் அனுப்புங்களேன்.....என்னால் இயன்ற பங்கள்ளிப்பை நானும் தருகிறேன்....இந்தியாவிலிருந்து எவ்வாறு உதவுவது எனவும் குறிப்பிடவும்

by றினா Mon Jan 28, 2013 12:14 pm

Guna Tamil wrote:றீனா தாங்கள் சார்ந்துள்ள அமைப்பை பற்றி எனக்கு தனிமடல் அனுப்புங்களேன்.....என்னால் இயன்ற பங்கள்ளிப்பை நானும் தருகிறேன்....இந்தியாவிலிருந்து எவ்வாறு உதவுவது எனவும் குறிப்பிடவும்

நன்றி,
விரைவில் அறியத் தருகிறேன் குணா.