மனிதநேய மையத்தில் பயிற்சி பெற்ற 8 பேர் ஐ.ஏ.எஸ். அதிகாரிகளாக தேர்வு

சைதை துரைசாமியின் மனிதநேய மையத்தில் பயிற்சி பெற்ற 8 பேர் ஐ.ஏ.எஸ். அதிகாரிகளாக தேர்ச்சி பெற்றுள்ளனர். இதில், சென்னையைச் சேர்ந்த எம்.ஆர்த்திக்கு தமிழ்நாடு அரசுப் பணி ஒதுக்கீடு செய்யப்பட்டு உள்ளது.

மனிதநேய அறக்கட்டளை

சென்னை மேயர் சைதை துரைசாமி தலைமையில், மல்லிகா துரைசாமி, வெற்றி துரைசாமி, வசுந்தரா வெற்றி ஆகியோரால் நடத்தப்படும் ‘மனிதநேய அறக்கட்டளை’ பல்வேறு பணிகளுக்காக இலவசமாக பயிற்சி அளித்து வருகிறது.இங்கு பயிற்சி பெற்ற பலர் ஐ.ஏ.எஸ்., ஐ.பி.எஸ். தேர்விலும், தமிழ்நாடு அரசுப் பணியாளர் தேர்வாணையம் நடத்தும் குரூப் 1 மற்றும் 2 தேர்வுகளிலும் வெற்றி பெற்று பல்வேறு பதவிகளில் பணியாற்றி வருகின்றனர்.

8 பேர் ஐ.ஏ.எஸ்.அதிகாரிகள்

இதன்தொடர்ச்சியாக, 2011–2012–ம் ஆண்டு ஐ.ஏ.எஸ், ஐ,பி,எஸ் போன்ற மத்திய சிவில் சர்விஸ் பணிகளுக்காக இலவச பயிற்சி வகுப்புகள் நடத்தப்பட்டன இதற்கான தேர்வில் 34 பேர் வெற்றி பெற்றனர். இவர்களில், 8 பேருக்கு ஐ.ஏ.எஸ்.பணி கிடைத்துள்ளது. சென்னையைச் சேர்ந்த எம்.ஆர்த்திக்கு தமிழக அரசுப் பணி ஒதுக்கீடு செய்யப்பட்டு உள்ளது. மற்றும் தேனியைச் சேர்ந்த எம்.சுந்தரேஷ்பாபு, கிருஷ்ணகிரியைச் சேர்ந்த ஆர்.ராமச்சந்திரன், கார்நாடகாவைச் சேர்ந்த நிதீஷ் படேல் ஆகிய இருவருக்கும் கர்நாடக மாநிலத்தில் பணியிடம் ஒதுக்கப்பட்டு இருக்கிறது. தஞ்சாவூரைச் சேர்ந்த டி.பாலமுரளிக்கு கேரள மாநிலமும், கரூர் மாவட்டத்தைச் சேர்ந்த ஏ.தினேஷ்குமாருக்கு உத்திரபிரதேச மாநிலமும், சென்னையைச் சேர்ந்த எம்.பிரதீப்சந்திரனுக்கு மணிப்பூர் மாநிலமும், உத்திரபிரதேச மாநிலத்தைச் சேர்ந்த சுவாதி ஸ்ரீவஸ்தவாவுக்கு சத்தீஸ்கர் மாநிலத்திலும் பணியிடம் ஒதுக்கப்பட்டு உள்ளது.மேற்கண்ட தகவலை, சைதை துரைசாமியின் மனிதநேயம் ஐ.ஏ.எஸ்.கட்டணமில்லா கல்வியகத்தின் இயக்குனர் கார்த்திகேயன் தெரிவித்துள்ளார்.

நம்ம ராமன் கூட இங்கதான் படிக்கிறதா சொல்லிட்டு சென்னைல சுத்திட்டு இருக்கறதா சொன்னாங்க.