Latest topics

அசாமில் கோல்பரா, துப்ரி மாவட்டங்களில் 8 இடங்களில் குண்டு வெடிப்பு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அசாமில் கோல்பரா, துப்ரி மாவட்டங்களில் 8 இடங்களில் குண்டு வெடிப்பு

Post by ராஜா Sun Jan 27, 2013 11:20 am

அசாம் மாநிலத்தில் குடியரசு தின விழாவைப் புறக்கணித்து இன்றிரவு உல்பா தீவிரவாதிகள் கோல்பரா, துப்ரி மாவட்டங்களில் உள்ள 8 இடங்களில் வெடிகுண்டு தாக்குதல் நடத்தினார்கள். கோல்பரா மாவட்டத்தில் உள்ள ஜாலேஸ்வரில் அப்பகுதி எம்.எல்.ஏ-வான மொய்னுதீன் அகமதுவின் வீட்டில் முதல் குண்டு வெடித்தது. சந்தேக நிலையில் திரிந்த தீவிரவாதி ஒருவனை பொதுமக்கள் அடித்தே கொன்றுவிட்டதாகக் கூறப்படுகிறது. அப்பகுதியில் தீவிரவாதிகள் பயன்படுத்தியதாகச் சந்தேகப்பட்ட 3 இரண்டு சக்கர வாகனங்கள் கைப்பற்றப்பட்டன. எம்.எல்.ஏ&வின் வீட்டிலும் ஜாலேஸ்வர் பள்ளியில் மற்ற 2 வெடிகுண்டுகள் போலீசாரால் கண்டுபிடிக்கப்பட்டது. கோல்பரா மாவட்டத்தில் உள்ள மொரையாகிச்சி பஜார், கவுர்நகர், போராஹிதா மற்றும் ஜமாதர் பஜார் ஆகிய பகுதிகளிலும் வெடிகுண்டுகள் கண்டுபிடிக்கப்பட்டன. இதேபோல் துப்ரி மாவட்டத்தில் உள்ள ஏர்கிதா, சிராஜ்குதி மற்றும் மேதார்தேரி ஆகிய இடங்களில் வெடிகுண்டுகள் கண்டுபிடிக்கப்பட்டதாக கூறப்படுகிறது. எனினும், இதுவரை 5 வெடிகுண்டுகளை மட்டுமே கண்டுபிடித்து அழித்துள்ளதாக கூறப்படுகிறது. இந்த வெடிகுண்டு தாக்குதலில் இறந்தவர்கள் மற்றும் படுகாயமடைந்தவர்களின் எண்ணிக்கை குறித்த தகவல்கள் இதுவரை அறியப்படவில்லை என்று போலீஸ் வட்டாரங்கள் தகவல் தெரிவிக்கின்றன.

ராஜா: தலைமை நடத்துனர்; பதிவுகள் : 31337
இணைந்தது : 07/04/2009