தரம் குறைந்த கம்பெனிகளில் 3-வது இடத்தில் ஏர்-இந்தியா.............

by DERAR BABU Fri Jan 25, 2013 7:19 pm

வாஷிங்டன்,ஜன.26 - உலகத்திலேயே தரம் குறைந்த விமான கம்பெனிகளில் ஏர் இந்தியா விமான கம்பெனி மூன்றாம் இடத்தில் இருப்பது தெரியவந்துள்ளது. உலகத்தில் ஏராளமான விமான போக்குவரத்து கம்பெனிகள் உள்ளன. இந்த விமான கம்பெனிகளின் தரம் குறித்து ஒரு இணையதளம் கருத்து வெளியிட்டுள்ளது.

இந்த இணையதளமானது உலகத்தில் நடக்கும் விமான விபத்துக்களை வைத்து ஆய்வு செய்து இந்த கருத்தை வெளியிட்டுள்ளது. அப்படி ஆய்வு செய்ததில் தரம் குறைந்த விமான கம்பெனிகளில் முதலிடம் வைப்பது சீனா ஏர்லைன்ஸ் விமான கம்பெனியாகும். அடுத்தபடியாக டிஏஎம் விமான கம்பெனியும் 3-வதாக இந்திய ஏர்லைன்ஸ் விமான கம்பெனியும் வந்துள்ளது.

அந்த இணையதளமானது அமெரிக்காவில் உள்ள ஹம்பெர்க் நகரை மையமாக கொண்டு செயல்பட்டு வருகிறது. விமான விபத்துக்களை அடிப்படையாக ஆய்வு செய்யப்பட்டதில் உலகத்தில் தரம் குறைந்த விமான கம்பெனிகள் 60 உள்ளன. அதில் 58-வது இடத்தில் ஏர் இந்தியா விமான கம்பெனி உள்ளது. செலவை குறைப்பதற்காக போதுமான விமானிகள் இல்லாமல் விமானங்களை ஏர் இந்தியா விமான கம்பெனி இயக்குகிறது என்றும் தெரிவிக்கப்பட்டுள்ளது.

உலகத்திலேயே பாதுகாப்பான விமான கம்பெனியாக பின் ஏர் கம்பெனி இருக்கிறது. அடுத்து நியூஸிலாந்து, கத்தாய் பசிபிக், எமிரேட்ஸ் ஆகிய கம்பெனிகள் தரமும் பாதுகாப்பும் உள்ளவைகளாக இருக்கின்றன. முதல் 9 இடத்தில் வகிக்கும் விமான கம்பெனிகளை சேர்ந்த விமானங்கள் எதுவும் விபத்துக்குள்ளாகவில்லை. கடந்தாண்டு 496 விமான விபத்துக்கள் நடந்துள்ளன.

இது 2001-ம் ஆண்டு நடந்த விபத்துக்களை காட்டிலும் 2 குறைவாகும். விமான விபத்துக்களிலேயே நைஜீரியா விமான விபத்துதான் பெரிய விபத்தாகும். தானா ஏர் விமானம் விபத்துக்குள்ளானதில் 169 பேர் பலியானார்கள். அதனையடுத்து பாகிஸ்தானில் போஜா விமான விபத்தில் 127 பேர் பலியானார்கள்.

தினபூமி