ஹாலிவுட் தரம் : விஸ்வரூபம் படத்தின் விமர்சனம்

விஸ்வரூபம் படம் கேரளா, கர்நாடகாவில் வெளியானதால் இணைய தளங்களில் விமர்சனங்கள் வந்துள்ளன. வெளிநாடுகளில் படம் பார்த்த ரசிகர்களும் இன்டர்நெட் பிளாக்குகளில் கதையை வெளியிட்டுள்ளனர்.

படம் பார்த்த முஸ்லிம் அமைப்பினர் சிலரும் கதை விவரங்களை வெளிப்படுத்தியுள்ளனர். இணைய தளங் களில் வெளியான விஸ்வரூபம் படத்தின் கதை விவரம்:

கதை அமெரிக்காவில் தொடங்குகிறது. நியூயார்க்கில் கமலஹாசன் நடன ஆசிரியராக பணி செய்கிறார். அவர் மனைவி பூஜாகுமார். இவருக்கு கமலை விட வயது ரொம்ப குறைவு. அமெரிக்காவில் பி.எச்.டி. படிப்பதற்காக கமலை மணந்து வேண்டா வெறுப்பாக அவருடன் வசிக்கிறார். இதனால் கமலை கழற்றி விட முயற்சிக்கிறார்.

கமலுக்கும் நடனம் படிக்கும் ஆண்ட்ரியாவுக்கும் காதல் இருப்பதாக பூஜா சந்தேகிக்கிறார். அதை கண்டுபிடிக்க தனியார் துப்பறியும் நிபுணரை நியமிக்கிறார். அவர் விசாரணையில் கமல் ஒரு முஸ்லிம் என்ற விஷயம் வெளிப்படுகிறது. துப்பறிந்தவர் திடீரென சாகடிக்கப்படுகிறார்.

அப்போது கமலும், பூஜா குமாரும் வில்லன்களிடம் சிக்குகின்றனர். உடனே அதுவரை பெண் நளினத்தில் இருந்த கமல் விஸ்வரூபம் எடுத்து அத்தனை பேரையும் அடித்து நொறுக்குகிறார். அப்பாவி கணவனின் அதிரடியால் பூஜா குமார் ஆச்சரியமாகிறார்.

பிறகு கமல் யார் என்ற பிளாஷ்பேக். இந்தியாவின் உளவு அமைப்பான 'ரா' அதிகாரி கமல். முஸ்லிம் ஆக வருகிறார். தீவிரவாதி போர்வையில் ஆப்கானிஸ்தானில் நுழைகிறார். அங்கு தலிபான்கள் கையில் சிக்குகிறார். தமிழ் பேசும் கமலை பார்த்துவிட்டு அவரிடம் தலிபான் தலைவர் உமர் தமிழிலேயே பேசுகிறார். கோவை, மதுரையில் இரண்டு ஆண்டுகள் இருந்ததாக உமர் சொல்கிறார்.

புறாக்களை பயன்படுத்தி அமெரிக்காவில் அணுகுண்டு வைத்து அழிக்க தலிபான்கள் திட்டமிடுகின்றனர். அப்போது கமல் தனது தீவிரவாத வேடத்தை கலைக்கிறார். அமெரிக்க உளவு அமைப்புகளுடன் கைகோர்த்து தீவிரவாதிகள் சதியை எப்படி முறியடிக்கிறார் என்பது மீதி கதை.

நியூயார்க் நகரை பிரமாண்டமாக காட்டியுள்ளார். ஆப்கானிஸ்தான், தலிபான்கள் சம்பந்த பட்ட காட்சிகள் விறுவிறுப்பாக உள்ளன. ஹாலிவுட் தரத்தில் படம் உள்ளது என்று இணைய தளங்களில் குறிப்பிட்டுள்ளனர்.

நக்கீரன்

விமர்சனம் விமர்சையாக உள்ளது , வெளிவரட்டும் பார்த்து ரசிப்போம் ...

விமர்சனம் நல்லா தான் இருக்கு ....

இது போன்ற படங்களை நிச்சயம் திரையரங்கு சென்று பாருங்கள் (இரு முறையாவது) திருட்டு VCD இல் பார்க்க வேண்டாம். இது தான் இதுபோன்ற படங்களுக்கு நம்மால் தரப்படும் அதரவு.

விஜயகாந்துக்கு ஏத்த கதை

balakarthik wrote:விஜயகாந்துக்கு ஏத்த கதை

கேப்டனுக்கு காஷ்மீர் பார்டரில் காண்டிராக்ட் முடிஞ்சிடுது - எனவே இதுக்கு அவர் சரிபட்டு வரமாட்டாரு

யினியவன் wrote:

balakarthik wrote:விஜயகாந்துக்கு ஏத்த கதை

கேப்டனுக்கு காஷ்மீர் பார்டரில் காண்டிராக்ட் முடிஞ்சிடுது - எனவே இதுக்கு அவர் சரிபட்டு வரமாட்டாரு

அப்போ எங்காளு இன்டர்போல் லெவலுக்கெல்லாம் சரிபட்டு வரமாட்டாரா விருத்தகிரி படத்துல ஸ்காட்லான்ட் போலீசுக்கே ட்ரெயினிங் கொடுத்தவராச்சே அவரு

balakarthik wrote:அப்போ எங்காளு இன்டர்போல் லெவலுக்கெல்லாம் சரிபட்டு வரமாட்டாரா விருத்தகிரி படத்துல ஸ்காட்லான்ட் போலீசுக்கே ட்ரெயினிங் கொடுத்தவராச்சே அவரு

அதுக்கப்புறம் தான் உயிர் தமிழுக்கு, உடல் இந்தியாவுக்குன்னு ஒரு வரைமுறை வச்சிட்டாரு

யினியவன் wrote:அதுக்கப்புறம் தான் உயிர் தமிழுக்கு, உடல் இந்தியாவுக்குன்னு ஒரு வரைமுறை வச்சிட்டாரு

எங்காளு அப்படி சொல்லிருக்கமாட்டாறு தமிலுக்குனு அழுத்தி சொல்லிருப்பாரு