மணம் மயக்கும் மதுரை மல்லிக்கு புதிய அந்தஸ்து

**Muthumohamed** · **Muthumohamed** Wed Jan 23, 2013 9:19 am

"மணம் மயக்கும் மதுரை மல்லிக்கு புதிய அந்தஸ்து"
====================
மணம் மயக்கும் மதுரை மல்லிக்கு தற்போது புதிய அந்தஸ்து கிடைத்துள்ளது. குண்டு குண்டாக பால் வெண்மை கலந்த தூக்கல் வாசனை கொண்ட மதுரை மல்லிகைப் பூவிற்கு மத்திய அரசின் அறிவுசார் சொத்துரிமைக் கழகம் புவிசார் குறியீடு அங்கீகாரத்தை வழங்கியுள்ளது.

புவிசார் குறியீடு தமிழகத்தில் முதல் முறையாக மதுரை மல்லிக்கு தற்போது கிடைத்திருக்கிறது.

தமிழ்நாட்டில் மதுரை, விருதுநகர், தேனி, திண்டுக்கல், சிவகங்கை மாவட்டங்களில் மதுரை மல்லி பயிரிடப்படுகின்றன.

இந்நிலையில் விவசாயிகள் சங்கத்தினர் மதுரை வேளாண்மைக் கல்லூரி, தானம் அறக்கட்டளை உதவியில் கடந்த 2010ஆம் ஆண்டு ஜூன் மாதம் 3ஆம் திகதி மதுரை மல்லி பூக்களுக்கு பதிவுரிமை கோரி விண்ணப்பித்தனர்.

இதனையடுத்து 27 மாதங்களுக்கு பிறகு கடந்த செப்டம்பரில் மதுரை மல்லிக்கு புவிசார் குறியீடு வழங்க முடிவு எடுத்தது.

தனது 45ம் இதழில் இதற்கான அறிவிப்பை அப்போது வெளியிட்டது. இதற்கு எதிர்கருத்துக்கள் இருப்பின் அது குறித்து தெரிவிக்க 4 மாதம் கால அவகாசமும் வழங்கியது.

ஆனால், இந்த 4 மாதங்களில் மதுரை மல்லிக்கு புவிசார் குறியீடு தருவதற்கு என எந்த ஆட்சேபக் கருத்தும் வரவில்லை. எனவே தற்போது மதுரை மல்லிக்கு புவிசார் குறியீடு அறிவிப்பு அதிகாரப்பூர்வமாக வெளியிடப்பட்டுள்ளது.

தமிழ் கருத்துக்களம்

ஹர்ஷித் · ஹர்ஷித் Wed Jan 23, 2013 9:33 am

ஏற்க்கனவே இருக்கே முத்து

http://www.eegarai.net/t89947-topic

Gnana soundari · Gnana soundari Wed Jan 23, 2013 1:51 pm

மதுரை மல்லிகையைப் பற்றிச் சொன்னதும் சின்ன வயது ஞாபகங்கள் வருகின்றன. சாயங்கால நேரத்தில் உதிரி மல்லிகையை வாங்கிக் கொண்டு பிடித்தமான தோழிகளோடு உட்கார்ந்து பேசிக் கொண்டே கட்டுவோம். கட்டிய பூவில் முதல் பங்கை சாமிபடத்திற்குப் போடுவோம். எவ்வளவு வாசமா இருக்கும் தெரியுமா? அதுக்கு ஈடு இணை எதுவும் கிடையாது. இனி ஒரு பிறவி எடுத்து அம் மண்ணில் பிறக்கனும்.

**அகல்** · **அகல்** Wed Jan 23, 2013 2:53 pm

லோக்கல் மல்லிப்பூ ஒரு முலம் வாங்கவே பொங்கலப்ப 50 ரூபா கொடுக்கவேண்டியதா போச்சு.. மதுரை மல்லிக்கு ஏன்னா ரேட்டோ... எப்படியோ விவசாயிகளுக்கு லாபம் ஈட்டித்தந்தால் மகிழ்ச்சி..

இனியவர் கவனத்திற்கு: பூ வாங்குனது என் அம்மாவுக்கு புன்னகை