கிராம பள்ளிகளில் குறையும் கல்வித்தரம் - அதிர்ச்சி தரும் ஆய்வு முடிவுகள்

**கரூர் கவியன்பன்** · 23/09/2012

இந்திய கிராமப்புறங்களில் மாணவர்கள் பள்ளியில் கற்பதை விட ட்யூஷன் எனப்படும் சிறப்பு வகுப்புகளிலேயே அதிகம் கற்கிறார்கள் என தெரியவந்துள்ளது. மத்திய மனித வள மேம்பாட்டு அமைச்சகம் நடத்திய கல்வி தொடர்பான வருடாந்தர ஆய்வில் இத்தகவல் தெரியவந்துள்ளது.

நாடெங்கும் உள்ள 567 மாவட்டங்களில் 6 லட்சம் மாணவர்களிடையே இந்த ஆய்வு நடத்தப்பட்டதில் இது போன்று மேலும் பல தகவல்கள் தெரியவந்துள்ளன. கிராமங்களில் அரசுப் பள்ளிகள் மட்டுமல்லாமல் தனியார் பள்ளிகளிலும் மாணவர்கள் கல்வித் தரத்தில் பின் தங்கியுள்ளதாகவும், சிறப்பு வகுப்புகளின் மூலமே இவர்கள் திறனை வளர்த்துக் கொள்வதாகவும் ஆய்வு முடிவுகள் தெரிவிக்கின்றன.

அரசுப் பள்ளிகளில் மாணவர்களின் கல்வித் தரம் கடந்த இரு ஆண்டுகளுக்கு முன்பு இருந்ததை விட தற்போது குறைந்து இருப்பதாகவும் இந்த ஆய்வு தெரிவிக்கிறது. மேலும் தனியார் பள்ளிகளில் கடந்த 3 ஆண்டுகளில் மாணவர் சேர்க்கை 10 சதவீதம் அதிகரித்துள்ளதும் இந்த ஆய்வில் தெரியவந்துள்ளது. இதே நிலை நீடித்தால் இன்னும் 5 ஆண்டுகளில் தனியார் பள்ளிகளில் பயிலும் கிராமப்புற மாணவர்கள் எண்ணிக்கை 50 சதவீதத்தை தாண்டிவிடும் என்றும் அந்த அறிக்கை கூறுகிறது.

நன்றி: புதிய தலைமுறை

ஹர்ஷித் · ஹர்ஷித் Tue Jan 22, 2013 11:58 pm

அடடா அப்பா அப்துல் கலாம் ஐயாவின் கனவு பலிக்காதா...,?
மாவட்ட ஆட்சியர்கள் உரிய நடவடிக்கை எடுத்தால் இந்நிலை இன்னும் சில ஆண்டுகளில் மாறலாம்.,

சதாசிவம் · சதாசிவம் Wed Jan 23, 2013 5:05 am

என்னைப் பொறுத்தவரை அனைத்து வகை பள்ளிக்கூட ஆசிரியர்கள் ட்யூஷன் வகுப்பில் தான் பாடத்தை நடத்துகிறார்கள்....தமிழ் ஆசிரியரைத் தவிர......

பெற்றவர்களும் பிள்ளை எங்காவது ட்யூஷன் சென்று சற்று நேரம் அவர்கள் நிம்மதியாய் இருப்பதை தான் விரும்புகிறார்கள்.

காலை 7 மணி முதல் மாலை 8 மணி வரை பிள்ளைகள் படிக்க வேண்டிய அவலச்சூழல் இங்குள்ளது. விளையாட்டு அமாவாசை போல் என்றோ ஒரு நாள் தான்...ஒரு சராசரி கூலித் தொழிலாளியின் வேலை நேரத்தை விட பிள்ளைகள் அதிக நேரம் படிப்பில் கவனம் செலுத்த வேண்டிய நிர்பந்தம் இன்று நிலவுகிறது....

பெற்றவர்களுக்கு இதில் அக்கறையில்லை, பக்கத்து வீட்டு பையனைவிட தான் பிள்ளை அதிகம் செய்ய வேண்டும் என்ற பேராசையும், பணம் கொட்டினால் அதிகத் தரம் கிடைக்கும் என்ற அறியாமையுடன் வாழ்கின்றனர்.

கல்வியின் தரம் பொதுவாகத் தாழ்ந்துள்ளது...தனியார் பள்ளிக்கூடத்தில் படிக்கும் மாணவர்களுக்கு project என்று எதை எதையோ செய்யச் சொல்கிறார்கள், ஆனால் அதில் இருந்து அவர்கள் என்ன கற்றுக் கொண்டனர் என்று ஆராய்ந்தால் பூஜ்ஜியமே ...

**சிவா** · **சிவா** Wed Jan 23, 2013 2:03 pm

சதாசிவம் wrote:என்னைப் பொறுத்தவரை அனைத்து வகை பள்ளிக்கூட ஆசிரியர்கள் ட்யூஷன் வகுப்பில் தான் பாடத்தை நடத்துகிறார்கள்....தமிழ் ஆசிரியரைத் தவிர......

பெற்றவர்களும் பிள்ளை எங்காவது ட்யூஷன் சென்று சற்று நேரம் அவர்கள் நிம்மதியாய் இருப்பதை தான் விரும்புகிறார்கள்.

காலை 7 மணி முதல் மாலை 8 மணி வரை பிள்ளைகள் படிக்க வேண்டிய அவலச்சூழல் இங்குள்ளது. விளையாட்டு அமாவாசை போல் என்றோ ஒரு நாள் தான்...ஒரு சராசரி கூலித் தொழிலாளியின் வேலை நேரத்தை விட பிள்ளைகள் அதிக நேரம் படிப்பில் கவனம் செலுத்த வேண்டிய நிர்பந்தம் இன்று நிலவுகிறது....

பெற்றவர்களுக்கு இதில் அக்கறையில்லை, பக்கத்து வீட்டு பையனைவிட தான் பிள்ளை அதிகம் செய்ய வேண்டும் என்ற பேராசையும், பணம் கொட்டினால் அதிகத் தரம் கிடைக்கும் என்ற அறியாமையுடன் வாழ்கின்றனர்.

கல்வியின் தரம் பொதுவாகத் தாழ்ந்துள்ளது...தனியார் பள்ளிக்கூடத்தில் படிக்கும் மாணவர்களுக்கு project என்று எதை எதையோ செய்யச் சொல்கிறார்கள், ஆனால் அதில் இருந்து அவர்கள் என்ன கற்றுக் கொண்டனர் என்று ஆராய்ந்தால் பூஜ்ஜியமே ...

மிகச் சரியாகக் கூறியுள்ளீர்கள் சதா!