ஹரியானா முன்னாள் முதல்வர் ஓம்.பிரகாஷ் சவுதாலாவுக்கு 10 ஆண்டுகள் சிறை தண்டனை வழங்கப்பட்டுள்ளது. கடந்த 2 ஆயிரமாவது ஆண்டில் முறைகேடாக ஆசிரியர்களை நியமித்த வழக்கில் இன்று இந்த தீர்ப்பு வழங்கப்பட்டது.

இதே வழக்கில் குற்றம்சாட்டப்பட்டுள்ள அவரது மகன் அஜய் சவுதாலாவுக்கு தலா 10 ஆண்டுகள் சிறைதண்டனை வழங்கி டெல்லி நீதிமன்றம் உத்தரவிட்டுள்ளது.

முன்னதாக சவுதாலாவின் ஆதரவாளர்களுக்கும் போலீசாருக்கும் இடையே மோதல் ஏற்பட்டது. போலீசார் கண்ணீர் புகைக்குண்டுகளை வீசியும், தடியடி நடத்தியும் கூட்டத்தை கலைத்தனர். உடல்நிலை சரியில்லாததால் மருத்துவமனையில் அனுமதிக்கப்பட்டுள்ள சௌதாலா நீதிமன்றத்தில் ஆஜர்படுத்தப்பட வில்லை என போலீஸ் வட்டாரங்கள் தெரிவித்துள்ளன.

கடந்த 2000-வது ஆண்டில், 3 ஆயிரத்து 206 இளநிலை ஆசிரியர்கள் ஹரியானாவில் நியமிக்கப்பட்டனர். இந்த பணி நியமனத்தில், அதிகார துஷ்பிரயோகம், போலிச்சான்றிதழ்கள் மூலம் பணி நியமனம், மோசடி உள்ளிட்ட முறைகேடுகள் நடந்ததாக புகார் எழுந்தது.

இது தொடர்பான வழக்கு டெல்லி நீதிமன்றத்தில் நடைபெற்று வந்தது. கடந்த 16ம் தேதி நடைபெற்று முடிந்த வழக்கில் ஓம் பிரகாஷ் சவுதாலா, அவரது மகன் அஜய் சவுதாலா மற்றும் 53 பேர் குற்றவாளிகள் என்று நீதிமன்றம் அறிவித்தது.

சவுதாலா கடந்து வந்த பாதை:ஆசிரியர் நியமன முறைகேடு வழக்கில் 10 ஆண்டு சிறை தண்டனை பெற்றுள்ள ஹரியானா முன்னாள் முதல்வர் ஓம் பிரகாஷ் சவுதாலாவின் கடந்த கால வாழ்க்கையை திரும்பிப் பார்க்கலாம்.

முன்னாள் துணை பிரதமர் தேவிலாலின் மகனான ஓம் பிரகாஷ் சவுதாலா ஜனதா தளம், சமாஜ்வாடி ஜனதா ஆகிய கட்சிகளில் முக்கிய பொறுப்புகளை வகித்துள்ளார்.

1987ம் ஆண்டு இந்திய தேசிய லோக் தளம் கட்சியை நிறுவினார். 1989ம் ஆண்டு டிசம்பர் 2ம் நாள் முதன் முறையாக ஹரியானா முதல்வராக பொறுப்பேற்ற இவர், அதுமுதல் 5 முறை அந்த பதவியை வகித்துள்ளார்.

2002ம் ஆண்டு தேவிலால் மறைந்த பிறகு, ஓம் பிரகாஷ் சவுதாலாவின் செல்வாக்கு சரியத் தொடங்கியது.

2004, 2009 நாடாளுமன்ற தேர்தல், 2005, 2010 ஹரியானா சட்டமன்ற தேர்தல் ஆகியவற்றில் அவரது கட்சி தொடர் தோல்விகளை சந்தித்தது. கடந்த 2000வது ஆண்டில் ஹரியானா முதல்வராக சவுதாலா பதவி வகித்த போது ஆசிரியர் நியமனத்தில் முறைகேட்டில் ஈடுபட்டதாக புகார் எழுந்தது.

நன்றி: புதிய தலைமுறை

1987ம் ஆண்டு இந்திய தேசிய லோக் தளம் கட்சியை நிறுவினார். 1989ம் ஆண்டு டிசம்பர் 2ம் நாள் முதன் முறையாக ஹரியானா முதல்வராக பொறுப்பேற்ற இவர், அதுமுதல் 5 முறை அந்த பதவியை வகித்துள்ளார்.

அடக்கொடுமையே?