அப்பாவா இப்படி?

“நீங்க பண்ணிட்டு வந்து நிக்கிற காரியம் உங்களுக்கே நல்லாயிருக்கா? இருபத்திரெண்டு வருஷகாலமாச்சு, நான் இந்த வீட்டுக்கு மருமகளா வந்து..! இத்தனை வருஷமும் குடியும் குடித்தனமுமாத்தான் இருக்கீங்க. ஆனா இவ்வளவு நாளா இல்லாம இப்ப ஊர் வம்பு தேடி வந்து நிக்குது. அக்கம் பக்கம் இளக்காரமா பாக்கறாங்க... என்ன பண்ணீங்க சொல்லுங்க?” கண்ணீர் வழிய மூக்கை உறிஞ்சியபடி வழிமறித்து நின்றாள் நளினி.

“தப்பு தான் நளினி... நான் எதுக்காக அப்படி பண்ணினேன்னா...” பீடிகையோடு ராகவன் ஆரம்பிக்கும் போதே இடைம றித்தாள் நளினி.

“நீங்க ஒண்ணும் சால்ஜாப்பு சொல்ல வேணாம். நம்ம தெரு பசங்ககிட்ட ஒயின் ஷாப்ல கலாட்டா பண்ணியிருக்கீங்க. அவனுங்க நம்ம புள் ளைகிட்ட உன் முகத்துக்காகதாண்டா உங்க அப்பாவை சும்மா விட் டோம்னு சொல்லிட்டு போனப்ப, தலைக்கு உசந்த பிள்ளை எப்படி கூனிக்குறுகி நின்னான் தெரியுமா?”

நளினி! உன் ஆதங்கம் சரிதான். அந்த பசங்களோட நம்ம புள்ள ரவியோட காலேஜ்ல படிக்கிற அரவிந்தனும் வந்திருந்தான். குடும்ப கஷ்டத்தை போக்க காலேஜ் லீவுல அந்த பசங்களோட பெயிண்டிங் வேலைக்கு போறான். சம்பளம் பிரிக்கும் போது ஆயிரம் ரூபாய் நோட்டை சில்லரை மாத்த ஒயின்ஷாப்புக்கு கொண்டு வந்தானுங்க. அவனுங்க எல்லோரும் குடிக்க பழகினவங்க, ஆனா அந்த அரவிந்தன் ஒதுங்கி தூரப் போனான். அவனுங்க விடல. சும்மா பாருக்குள்ள வந்து ஒரு ஆப்பாயில் சாப்பிட்டு கம்பெனி கொடுடான்னு வற்புறுத்துனானுங்க. அவனும் அவங்க பின்னாடியே வந்துட்டான்.

இந்த மாதிரி சூழல் தான் படிப்படியா என்னை மாதிரி குடிகாரனாக்கி தன்னை சேர்ந்தவங்களை கூனிகுறுக வச்சிடும். அதை பொறுக்க முடியாம தான் நான் போதை ஏறினது மாதிரி கலாட்டா பண்ணி அவனுங்க டேபிள்ல இருந்ததையெல்லாம் தட்டி விட்டேன். முதல் அனுபவமே கசப்பானதாக இருந்தா அடுத்த முறை இந்த இடத்துக்கு வர அரவிந்தன்கூச்சப்படுவான்.

என்னை மாதிரி இந்த நாத்த அகழியில அவன் விழ வேணாம்னு நினைச்சேன் நளினி... இது தப்பா?” என்றார், ராகவன்.

பக்கத்து அறையில் கேட்டுக் கொண்டிருந்த ரவி, அவசரமாக ஒரு பிளாஸ்டிக் பையை ஜன்னல் வழியாக வெளியே வீசியெறிந்தான். ‘களீ’ரென்று சத்தத்தோடு விழுந்து நொறுங்கியது மது பாட்டில்.

அடிபட்டவனின் வலியை அடுத்தவனும் உணரலாம் என்பதை மகனின் நொறுங்கிய மது பாட்டில் நிரூபித்ததில், இப்போது அம்மா நளினியின் கண்களிலும் ஆனந்தக் கண்ணீர்.

அரும்பூர் க.குமரகுரு

வீட்டம்மா குடிச்சா திட்டறாங்க நாட்டம்மா குடிக்கலேனா திட்டுறாங்க இருப்பினும் நல்ல கதை நல்ல கருத்து

நல்ல சிறுகதை ..பகிர்வுக்கு நன்றி தல ..

balakarthik wrote:வீட்டம்மா குடிச்சா திட்டறாங்க நாட்டம்மா குடிக்கலேனா திட்டுறாங்க இருப்பினும் நல்ல கதை நல்ல கருத்து

ஏன் பாலா ? ஏன் ?

பாலாஜி wrote:

balakarthik wrote:வீட்டம்மா குடிச்சா திட்டறாங்க நாட்டம்மா குடிக்கலேனா திட்டுறாங்க இருப்பினும் நல்ல கதை நல்ல கருத்து

ஏன் பாலா ? ஏன் ?

இல்ல தல இது நம்ம சொந்த கதை சோக கதை

இல்ல தல இது நம்ம சொந்த கதை சோக கதை

நமக்கெல்லாம் சோகமே இல்லை எந்நேரமும் ராகம் தான் அண்ணா ...