"பதவி ஒரும் விஷம்" கண்ணீர் விட்ட சோனியா! உருகிய ராகுல்!

பதவி அதிகாரம் என்பது விஷம்" நான் காங்கிரஸ் துணைத் தலைவராக பதவி ஏற்றப்பின் என் தாய் என்னிடம் வந்து அழுதார் என்று உண்ர்ச்சி பூர்வமாக பேசியுள்ளார் ராகுல் காந்தி.

ஜெய்பூரில் நடந்து முடிந்த காங்கிரஸ் கமிட்டிக் கூட்டத்தில் ராகுல் காந்தி பேசுகையில், காங்கிரஸ் கட்சியின் துணைத் தலைவர் பதவியை நான் ஏற்ற பின்னர் எனது தாய் கண்ணீர் விட்டு அழுதார். பதவி அதிகாரம் என்பது விஷம் போன்றது என்று அவருக்குத் தெரியும். அதை நினைத்தே என் தாயின் கண்களில் கண்ணீர் வந்தது.

எனது பாட்டியும் முன்னாள் பிரதமருமான இந்திரா காந்தியை சுட்டுக் கொன்ற குற்றவாளிகளுடன் நான் சிறுவனாக இருந்தபோது பேட்மிண்டன் விளையாடியுள்ளேன். எனக்கு கற்றுக் கொடுத்ததுடன் எனக்கு நண்பர்களாகவும் அவர்கள் இருந்தனர்.

அவர்களே எனது பாட்டியை சுட்டுக் கொன்றார்கள். அப்போது எனது வாழ்க்கையில் நம்பிக்கை என்பது சிதைந்தது. அதுவரை உணர்ந்திராத பெரும் சோகம் எனக்கு ஏற்பட்டது. மிகவும் மனத்திடத்துடன் இருக்கும் என் தந்தை ராஜீவ் காந்தியின் அழுகையை முதன்முதலாக நான் அப்போது பார்த்தேன்.

எனது 42 வயதில் எட்டு ஆண்டுகள் அரசியலில் இருந்துள்ளேன். இருளில் தோன்றும் சிறிய ஒளியாகவே இது எனக்குத் தோன்றுகிறது. ஆனால் இந்த ஒளி மேலும் வளர்ந்து இந்தியாவையே மாற்றும் என்ற நம்பிக்கை எனக்கு உள்ளது என்று ராகுல் பேசினார்.

பேச்செல்லாம் நல்லாத்தான் இருக்குது , ஆனா பெர்பாமென்ஸ் சரியில்லையே ?

உலக நடிப்புடா சாமி ..

வெப்துனியா

அண்ணனுக்கு பினிஷிங் தான் சரியில்லே