காலாவதியான கார்காலம்

by **Aathira** Sun Jan 20, 2013 10:43 pm

First topic message reminder :

காலாவதியான கார்காலம் - Page 2 Tears-eyes-16143904-500-368

கடின வேலைகள்
எதுவும் தராமல்
மிருதுவாக வைத்திருந்தேன்
உள்ளங்கைகளை

உன் தளிர் மேனியை
தழுவி வருடுவதற்காக

இதழ்களைப் பிரிக்காமல்
குவித்தே காத்திருந்தேன்

ஒற்றைப் பதிவில்
உன்மத்தமாகும்
உன் பட்டுக்கன்னத்தில்
ஒற்றுவதற்காக!

கருவரைச் சுவர்களைக்
கால் பந்தாட்ட மைதானமாகக்
கட்டி வைத்தேன்

உன் பட்டுப் பாதங்களின்
குட்டி உதைகளுக்காக

குருதிக் கரைசலில்
உறுதி தீபமேற்றி
காத்திருந்தேன்

ஆலத்திச் சுற்றி
உன்னை வரவேற்பதற்காக

காத்திருப்புகளின்
கால நீட்டிப்பு
காலாவதியாகிப்
போனதைக்
காட்டி முடிந்த
என் கார்காலம்

கண்களில் மட்டும்
தொடர்ந்தபடி...

by **Aathira** Mon Jan 21, 2013 11:22 am

balakarthik wrote:நல்ல கவிதை அக்கா அருமை
ஆனால் தன குழந்தையை கருவில் சுமக்க முடியவில்லை என்றால் என்ன அதான் கடவுளின் குழந்தைகள் தெருவில் கிடக்கிறதே அதை தோளில் சுமக்க வேண்டியதுதானே

அதைத்தான் நானும் அந்தப் பொண்ணுகிட்ட சொன்னேன். அவளும் குழந்தை பிறக்கவில்லை என்றால் என்ன. அது தொடர்பான கவிதை பிறக்கிறதே என்றாள். கவிதை.. கவிதை