மாற்றங்கள்

yarlpavanan · yarlpavanan Sun Jan 20, 2013 8:26 pm

மழை வந்து மண்ணில் வீழ்ந்து
விளை நிலம் நிறைந்து வழிந்து
அறுவடை அள்ளி கொள்ள உதவிட
வீடுவரை வருவாய் ஈட்டிக் கொள்ள
மாற்றங்கள்; வர வர மாற்றங்கள்!
ஆயிரம் ஆயிரம் மாற்றங்கள் வரினும்
அன்பு உள்ளங்கள் என்றும் மாறியதாய்
நானும் கண்டிலேன் நாடும் அறியாது
நாளும் நாட்டில் கேடு நிகழ்கிறது
ஆண்டவன் மட்டும் அப்படியே உதவுகிறார்!
அள்ளி அள்ளி ஆண்டவன் உதவினாலும்
அன்பு உள்ளங்கள் என்று மாறுமோ
அன்று தான் நாடு முன்னேறும்
நலமாக நம்மாளுகளும் மாறிவிட
உலகில் உலாவும் இனிய மாற்றங்கள்!