துணுக்குச் செய்திகள் -தினமணி...

by **Powenraj** Sun Jan 20, 2013 8:40 am

தென்னிந்தியாவின் உயரமான குடியிருப்பு:
பெங்களூரில் உருவாகி வரும் மந்திரி என்ற இந்தக் கட்டடம் 2,200 சதுர அடி முதல் 6,350 சதுர அடி வரை வசிக்கக் கிடைக்கிறது. இக்கட்டடத்தில் 46 மாடிகள் உள்ளன. அனைத்தும் குடியிருப்புகள்தான். சென்ட்ரலைஸ்டு ஏர் கண்டிஷனில் டிஜிட்டல் இல்லங்கள், மயக்கும் தோட்டம், நீச்சல் குளத்துடன் உடற்பயிற்சிக்கூடம், மினி திரையரங்கு, நகரை பார்த்தபடியே ஓய்வான மன நிலையில் காபி பருக 41}வது மாடியில் காபி ஷாப் உள்ளது. 42-வது தளத்தில் வானிலை ஆராய்ச்சி நிலையம் உள்ளது.
-
அட அப்படியா!
• திரைப்படங்களுக்கு தணிக்கை இல்லாத நாடு பிரான்ஸ்.
• பாம்புகள் இல்லாத நாடு பின்லாந்து.
• ஜப்பானிய மொழியில் உழைப்பு என்ற அர்த்தத்தைத் தொனிக்க கூடியச் சொற்கள் நிறைய உள்ளன. ஆனால் ஓய்வு என்ற வார்த்தையைக் குறிக்கும் சொல் அம்மொழியில் இல்லை.
-
• ஒட்டகம் எவ்வளவு பசியோடு இருந்தாலும் மாலை 6 மணிக்குமேல் உணவு உட்கொள்ளாது.
• ஏலக்காய் செடி 40 ஆண்டுகள் வரை பலன் தரும்.
• பாம்பின் பற்கள் இரையைக் கவ்வ மட்டுமே பயன்படும். தின்ன உதவாது.
-
உப்புமா பெயர்
வந்தது எப்படி?
அமரர் கி.வா.ஜ.வும் சில எழுத்தாளர்களும் அல்லயன்ஸ்குப்புஸ்வாமி அய்யர் வீட்டுக்கு சென்றிருந்தனர்.அவர்களுக்கு அய்யரின் மனைவி உப்புமா செய்து கொடுத்தார். அப்போது கி.வா.ஜ.அவர்கள்,""உப்புமா என்றால் என்ன தெரியுமா?'' என்று உடனிருந்தவர்களிடம் கேட்டார். அவரே அதற்கு விளக்கம் கூறவும் ஆரம்பித்தார்.
-
""உப்புமாவை சாப்பிட்டதும்தாகம் எடுக்கும். உடனே தண்ணீர் குடிப்போம். வயிற்றிலுள்ள உப்புமாவும் தண்ணீரும் சேர்த்து வயிற்றை உப்பச் செய்துவிடும். அதனால் தான் அதற்கு உப்புமா என்று பெயர்வந்தது'' என்றார்.
-
தோண்டியபோது
கிடைத்த பீரங்கிகள்:
பெங்களூரில் மெட்ரோ ரயிலுக்காக பூமியைத் தோண்டும் பணிகள் நடந்து வருகின்றன. கிருஷ்ண ராஜேந்திர பூங்கா பகுதியில் தோண்டியபோது பீரங்கி ஒன்று கண்டுபிடிக்கப்பட்டது. மிகவும் கஷ்டப்பட்டு அதை வெளியில் எடுத்தார்கள். பக்கத்தில் மற்றொரு பீரங்கியும் கண்டுபிடிக்கப்பட்டது. இங்கே பூமிக்குள் பீரங்கிகள் எப்படி வந்தன என்பது பற்றி புதைபொருள் ஆராய்ச்சியாளர்கள் ஆராய்ந்து பார்த்ததில் உண்மை வெளிப்பட்டது. அந்தப்பகுதியில் திப்பு சுல்தான் கோட்டை இருந்ததாம். 1716-ம்ஆண்டுகளில் திப்பு சுல்தான் வெள்ளைக்காரர்களுக்கு எதிராகப் போரிட்டபோது, பீரங்கிகளைப் பயன்படுத்தியிருந்தாகவும்,மேலும் சில பீரங்கிகள் புதைக்கப்பட்டு இருக்கலாம்எனவும் ஆராய்ச்சியாளர்கள் தெரிவிக்கின்றனர்.
-
டி.வி.க்கு விட்டாச்சு லீவு!
தொலைக்காட்சி பார்த்து பெரும்பாலான நேரத்தை கழிப்பது எல்லா நாடுகளிலுமே பெருகி வருகிறது. மக்கள் டி.வி.யிலே
மூழ்கிவிடாமலிருக்க ஐஸ்லாந்து நாடு
வியாழக்கிழமை தோறும் டி.வி.க்கு
விடுமுறை அளிக்கிறது. அன்றைய நாளில் எந்த நாட்டு சேனல்களையும் மக்கள் பார்க்க முடியாது.
-
தினமணி