சீரியசான விளையாட்டு

First topic message reminder :

ரொம்ப உயரத்தில் இருந்து கீழே விழுந்தால் காயம் பெரிதாக இருக்கும். சேதம் அதிகமாக இருக்கும். லான்ஸ் ஆம்ஸ்டிராங்கை பார்த்தால் அப்படி தோன்றவில்லை. அதனால்அவர் மேல் பரிதாபம் ஏற்படவில்லை. காடு மலையெல்லாம் பெடல் மிதித்து 3,200 கிலோ மீட்டர் தாண்டும் டூர் டி பிரான்ஸ் பந்தயத்தில் 7 முறை மகுடம் சூடிய ஒரே மனிதன் லான்ஸ். ஆனால் உலகின் மிகச்சிறந்த சைக்கிள் சாம்பியனாக மட்டும் மக்கள் அவரை பார்க்கவில்லை. கேன்சர் நோயை எதிர்த்து மன உறுதியுடன் போராடி வென்ற மாவீரனாகவும் மதித்தனர். கேன்சர் நோயாளிகளுக்கு முன்னுதாரணமாக திகழ்ந்தார்.யுவராஜ் சிங் அந்த நோயில் இருந்து மீண்டு வந்ததும் மானசீகமாக லான்ஸுக்கு நன்றி தெரிவிப்பதாக சொன்னார். கேன்சருக்கு எதிரான அமைப்பை நிறுவி கோடிக்கணக்கில் செலவிடுகிறார்.
-
அத்தகைய அசாதாரணமான மனிதர் வீரிய மருந்து பயன்படுத்தியே அத்தனை வெற்றிகளையும் பெற்றதாக இப்போது ஒப்புக் கொண்டிருக்கிறார். இத்தனை ஆண்டுகளாக தன் மீது புகார் கூறிய அத்தனை பேரையும் அவமானப்படுத்தியும் வழக்குபோட்டும் பழி வாங்கிக் கொண்டிருந்தார். அரசு அதிகாரிகளையும் விளையாட்டுஅமைப்புகளையும்கூட விட்டுவைக்கவில்லை. ஆனாலும்அமெரிக்க வீரிய மருந்து தடுப்பு கழகம் தீவிரமாக புலனாய்வு செய்து லான்ஸ் குற்றவாளி என அறிவித்தது.அதிலிருந்து அவரது செல்வாக்கு சரிய தொடங்கியது. நெருக்கமானவர்கள் விலகினர்.குடும்பத்தில் நிம்மதி குலைந்தது. வேறு வழியின்றி டெலிவிஷன் பேட்டியில் ஒப்புதல் வாக்குமூலம் கொடுத்திருக்கிறார். தப்பு செய்வது, அதை மறைப்பது, அப்புறம் மறுப்பது, மிரட்டுவது என்று தொடர்ந்து தவறான வழியில் சென்றதால் லான்ஸ் மீதான நல்லெண்ணம் முழுமையாக மறைந்துவிட்டது.
-
டூ லேட் டூ லிட்டில் என்பதுபோல இந்த ஒப்புதலால்அவருக்கு எந்த பலனும் கிடைக்காது. டூர் டி பிரான்ஸ் பந்தயம் தொடங்கிய 1903ம் ஆண்டில் இருந்தே அதில் முறைகேடுகளுக்கு பஞ்சமில்லை. போட்டிகளில் வீரிய மருந்து பயன்படுத்திய முதல் வீரர் லான்ஸ் அல்ல. கடைசி நபராகவும் இருக்கப்போவதில்லை. விளையாட்டு போட்டியில் வெற்றி பெறுவதை காட்டிலும் பங்கேற்பதுதான் முக்கியம் என்ற சித்தாந்தம் செத்துவிட்டது. எப்படியாவதுவெற்றி பெற வேண்டும்;அதற்காக எதையும் செய்யலாம் என்ற வெறிதான் இப்போது எல்லோரையும் ஆட்டிப்படைக்கிறது.அப்படி பெறும் வெற்றி எல்லாம் உண்மையில் தோல்வியே என்பதை உணரும்போது எல்லாம் முடிந்திருக்கும்.
-
தினகரன்

யினியவன் wrote:அப்ப அது ஊக்கமது கைநீட்டு ன்னு சொல்லுங்க

அகன்யாவுக்கு கை மட்டுமல்ல வாயும் கொஞ்சம் நீட்டுத்தானாம் திட்ட ஆரம்பிச்சா கொழாய் அடி கோமள வள்ளியே குட்டி கரணம் அடிக்கும்

ஊக்க மருந்தை அவர் தெரிந்து எடுத்தார் நாமோ பல ஊக்க மருந்து என்னும் ஸ்டீராய்டை தெரியாமல் -மூட்டு வலிக்கும் ,ஆஸ்த்மாவிற்கும் ,ஏன் சாதா காய்ச்சலுக்கும் -டெக்சா ,வைசொலன் ,ப்ரெட்னிசோலேன் -சர்வ சாதரணமாக எடுத்து கொண்டிருக்கிறோம் ..
நெஞ்சில் கை வைத்து சொல்லுங்கள் உங்கள் மருத்துவர் எழுதிற மருந்தில் ஸ்டீராய்ட் இருக்கிறதா என்று யாராவது கேட்டு இருக்கிறீர்களா ?

curesure4u wrote: நெஞ்சில் கை வைத்து சொல்லுங்கள் உங்கள் மருத்துவர் எழுதிற மருந்தில் ஸ்டீராய்ட் இருக்கிறதா என்று யாராவது கேட்டு இருக்கிறீர்களா ?

நாங்கத்தான் மருந்து பேரே என்னான்னு கேக்கமாடோமே

பலர் மெடிகல் கடையிலையே மருந்து வாங்கி சாப்பிடுகிறார்கள்

curesure4u wrote:பலர் மெடிகல் கடையிலையே மருந்து வாங்கி சாப்பிடுகிறார்கள்

உண்மைத்தான் அதுமட்டுமல்ல ஊசி போடாமல் யாராவது மருத்துவர்கள் வைத்தியம் பார்த்தால் அவர்கள் சரியான மருத்துவர்கள் இல்லை என்ற மன எண்ணமும் நமக்கு உள்ளது என்னா டாக்டருயா அவரு ஒரு ஊசி கூட போட மாட்டேன்கிராறேனு பொலம்பல் வேற

அப்படி இல்லை..ஊசியை விரும்பாத நோயாளிகளும் -மருத்துவர்களும் பல உள்ளனர் கார்த்திக் நிறைய மாறி இருக்கிறது ..இன்னமும் மாற வேண்டும்