சாலைகள், பொது இடங்களில் தலைவர்கள் சிலை வைக்க தடை

**Powenraj** · **Powenraj** Sat Jan 19, 2013 2:04 pm

புதுடெல்லி : சாலைகள், பொது இடங்களில் தலைவர்கள் சிலைகள் வைக்க உச்ச நீதிமன்றம் தடை விதித்துள்ளது. போக்குவரத்துக்கு இடையூறாகசாலைகளின் நடுவில் சிலைகளைவைக்க மாநில அரசுகளும் யூனியன் பிரதேசங்களும் அனுமதி அளிக்க கூடாது என்று உச்ச நீதிமன்றம் உத்தரவிட்டுள்ளது.
:-
கேரளாவில் தேசிய நெடுஞ்சாலையில் குறிப்பிட்ட இடத்தில் ஒரு தலைவரின் சிலையை வைக்க மாநில அரசு அனுமதி அளித்தது. போக்குவரத்துக்குஇடைஞ்சலாக இருக்கும் எனக் கூறி இதை எதிர்த்து உச்ச நீதிமன்றத்தில் வழக்கு தொடரப்பட்டது.
இந்த மனு நீதிபதிகள் ஆர்.எம்.லோதா, எஸ்.ஜே. முகோபாத்யா ஆகியோர் கொண்ட பெஞ்ச் முன் நேற்று விசாரணைக்கு வந்தது. மனுவை விசாரித்த நீதிபதிகள் கூறுகையில், ‘‘தேசிய நெடுஞ்சாலையில் சிலை வைக்க கேரள அரசு வழங்கிய அனுமதிக்கு உச்சநீதிமன்றம்தற்காலிகமாக தடை விதிக்கிறது. நீதிமன்றத்தின் மறு உத்தரவு வரும் வரை இப்போதுள்ள நிலையே ந¦டிக்க வேண்டும். இனி, போக்குவரத்துக்கு இடையூறாகபொது இடங்கள், சாலைகள் மற்றும் மக்கள் பயன்படுத்தும் இடங்களில் சிலை வைக்கவோ, கட்டிடங்கள் கட்டுவதற்கோ கேரள அரசு அனுமதி அளிக்க கூடாது.
:-
எனினும், போக்குவரத்துக்கு வசதி ஏற்படுத்தும் தெரு விளக்குகள் போன்றவற்றை அமைக்க அனுமதி அளிக்கலாம். இந்த உத்தரவு கேரளாவுக்கு மட்டுமின்றி அனைத்து மாநிலங்கள் மற்றும் யூனியன் பிரதேசங்களுக்கும்பொருந்தும்’’ என்றனர். கேரள அரசுக்கு எதிராக நிலுவையில் உள்ள வழக்கில், சாலைகள் பொது இடங்களில் உள்ள வழிபாட்டுத் தலங்கள் உட்பட அங்கீகாரம் பெறாத கட்டிடங்களை அகற்ற எல்லா மாநில அரசுகளுக்கும் உச்ச நீதிமன்றம் ஏற்கனவே உத்தரவிட்டது குறிப்பிடத்தக்கது.
:-
தினகரன்

யினியவன் · யினியவன் Sat Jan 19, 2013 2:08 pm

ரொம்ப சரிதான் - உசிரோட இருந்தப்ப அவங்க சொன்னத கேக்கல - சிலையானதுக்கு அப்புறமா கேட்டுட போறாங்க

balakarthik · balakarthik Sat Jan 19, 2013 2:08 pm

நல்ல தீர்ப்புத்தான்

சாலைகள் பொது இடங்களில் உள்ள வழிபாட்டுத் தலங்கள் உட்பட அங்கீகாரம் பெறாத கட்டிடங்களை அகற்ற எல்லா மாநில அரசுகளுக்கும் உச்ச நீதிமன்றம் ஏற்கனவே உத்தரவிட்டது குறிப்பிடத்தக்கது.

நம்ம ஊருல அசோக் நகர் அருகில் பொது ரோட்டில் நடுவில் ஒரு கோவில் உள்ளது அதேபோல் நந்தனத்திளிருந்து t.nagarருக்கு திரும்பும் வழியில் CIT நகர் அருகேயும் இப்படி ஒரு நந்தி கோவில் உள்ளது இதையெல்லாம் எடுக்க அரசு நடவடிக்கை எடுக்குமா

**Muthumohamed** · **Muthumohamed** Sun Jan 20, 2013 1:02 am

"சாலைகள் பொது இடங்களில் உள்ள வழிபாட்டுத் தலங்கள் உட்பட அங்கீகாரம் பெறாத கட்டிடங்களை அகற்ற எல்லா மாநில அரசுகளுக்கும் உச்ச நீதிமன்றம் ஏற்கனவே உத்தரவிட்டது குறிப்பிடத்தக்கது."

விரைவில் செயல்படுத்துங்கள் போக்குவரத்திற்கு இடைஞ்சல் இல்லாமல் பண்ணலாமே