கிராண்ட் ஸ்லாம் டென்னிஸ் போட்டியில் பங்கேற்பதே தனது கனவு என்கிறார் சென்னையின் இளம் டென்னிஸ் வீராங்கனையான சாய் சமிதா. 5 வயதில் டென்னிஸ் மீது காதல்வயப்பட்ட சாய் சமிதா, பல்வேறு ஜூனியர் டென்னிஸ் போட்டிகளில் பதக்கங்களை குவித்திருக்கிறார்.
:-
இவர், ஒரு கையின் (சிங்கிள்ஹேண்ட்) பலத்தில் பந்தைத் திருப்புவதில் கைதேர்ந்தவர். அதுதான் இவரின் பலமும்கூட (வெற்றியை"ஒரு கை' பார்க்காமல் விடமாட்டார்!). தற்போது சென்னை எம்.ஓ.பி.வைஷ்ணவ கல்லூரியில் முதலாமாண்டு பி.காம். படித்து வரும் இவர், விரைவில் சர்வதேச டென்னிஸ் போட்டியில் காலடி எடுத்து வைக்கக் காத்திருக்கிறார். வியர்வை வடிய சென்னை நேரு பார்க்கில் பயிற்சி மேற்கொண்டிருந்த அவரை ஒரு மாலை வேளையில் சந்தித்தோம்.இதோ அவரின் பதில்கள்:
:-
டென்னிஸ் மீது எப்படி ஆர்வம் ஏற்
பட்டது?
அப்பா டென்னிஸ் வீரர் என்பதால், நானும் டென்னிஸை தேர்ந்தெடுத்தேன். பயிற்சியாளர் ஹிடென் ஜோஷிதான் என்னை ஒரு நல்ல வீராங்கனையாக செதுக்கியவர்.2004-ல் ஒய்.எம்.சி.ஏ. மைதானத்தில் நடைபெற்ற மாநில ரேங்கிங் போட்டியில் 12 மற்றும் 14 வயதுக்குட்பட்டோருக்கான போட்டிகளில் பட்டம் வென்றேன். அதுதான் மாநில அளவிலான போட்டிகளில் நான் வென்ற முதல் பட்டம். 2008-ல் கொல்கத்தாவில் நடைபெற்ற சூப்பர் சீரிஸ் டென்னிஸ், 2009-ல் டெல்லியில் நடைபெற்ற தேசிய அளவிலான ஜூனியர் டென்னிஸ் போட்டிகளில் பட்டம் வென்றேன். அதைத்தொடர்ந்து இந்தோனேசியாவில் நடைபெற்ற உலக ஜூனியர் டென்னிஸ் தனிநபர் ஒற்றையர் பிரிவில் 5-வது இடத்தைப் பிடித்தேன்.
:-
மறக்க முடியாத போட்டி ஏதாவது?
அசாம் மாநிலம் குவாஹாட்டியில் நடைபெற்ற 18 வயதுக்குட்பட்டோருக்கானபோட்டியில் ஒற்றையர், இரட்டையர் என இரு பிரிவுகளிலும் பட்டம் வென்றேன். அதில் ஒற்றையர் இறுதிச்சுற்றின் முதல் செட்டை 1-6 என்ற கணக்கில் ஜெர்மனியின் அன் கிறிஸ்டியானிடம் இழந்தேன். எனினும் கடுமையாகப் போராடி அடுத்த இரு செட்களையும் 6-0, 7-6 (6) என்ற கணக்கில் கைப்பற்றி அவரை வீழ்த்தினேன். அந்த வெற்றியை எப்போதுமே மறக்க முடியாது.
:-
உங்களின் ரோல் மாடல் யார்?
அமெரிக்க வீராங்கனை செரீனாவில்லியம்ஸ்தான் எனது ரோல் மாடல். அவருடைய அதிரடியான சர்வீஸ்களும், "பேக் ஹேண்ட்'ஷாட்களும் எனக்குப் பிடிக்கும். நானும் "பேக் ஹேண்ட்' வீராங்கனைதான். லியாண்டர் பயûஸயும் எனக்குப் பிடிக்கும்.
:-
டென்னிஸில் தங்களின் இலக்கு...
அடுத்த ஆண்டு இந்தியாவில் பத்துக்கும் மேற்பட்ட ஐடிஎஃப் டென்னிஸ் போட்டிகள் நடைபெறவுள்ளன. அதில் சிறப்பாக ஆடி பட்டம் வெல்ல வேண்டும். அதன்பிறகு சர்வதேச அளவிலான சீனியர் போட்டிகளில் காலடி எடுத்து வைக்க வேண்டும். கிராண்ட் ஸ்லாம் போட்டிகளில் இந்தியாவின் சார்பில் பங்கேற்க வேண்டும்.
:-
நீங்கள் சந்திக்க நினைக்கும் டென்னிஸ் பிரபலம்?
கிராண்ட் ஸ்லாம் போட்டிகளில் 17 சாம்பியன் பட்டங்களை வென்றவரான ஸ்விட்சர்லாந்தின் ரோஜர் ஃபெடரரை சந்திக்க விரும்புகிறேன். அவர் களத்தில் நிற்கும்போது புன்னைகையோடு இருப்பார். பரபரப்பான ஆட்டங்களில்கூட பதற்றப்படாமல் விளையாடக்கூடியவர்.
:-
சென்னையில் டென்னிஸ் போட்டிக்கான உள்கட்டமைப்புவசதிகள் எப்படியுள்ளன?
இந்தியாவின் பல்வேறு பகுதிகளில் மட்டுமின்றி ஸ்பெயின், மலேசியா, இந்தோனேசியா, இலங்கை போன்ற நாடுகளுக்கும் சென்று விளையாடியிருக்கிறேன். நம்முடைய சென்னையில் ஓரளவு உள்கட்டமைப்பு வசதிகள் இருந்தாலும், ஸ்பெயின் அளவுக்கு இல்லை என்றுதான் சொல்ல வேண்டும். அதேபோல் இங்கு "பிட்னஸ்' மையங்கள் பெரிய அளவில் இல்லை. அந்த வசதிகள் ஏற்படுத்தப்பட்டால் நன்றாகஇருக்கும்.
:-
வெளிநாடுகளில் உடற்தகுதிக்கு என்றே தனியாக பயிற்சியாளர்களை வைத்திருக்கிறார்கள். அதுபோல் இங்கு இல்லை. அப்படி இங்கும் பயிற்சியாளர்கள் இருந்தால், காயம் உள்ளிட்ட பிரச்னைகள் பாதிக்காதவாறு பார்த்துக்கொள்ள முடியும்.
:-
பயிற்சி பற்றி சொல்லுங்களேன்?
தினந்தோறும் காலை, மாலை என இரு வேளையிலும் அண்ணா பல்கலைக்கழகம் மற்றும் நேரு பார்க்கில் பயிற்சியில் ஈடுபடுகிறேன். அதற்கு கல்லூரியும் எனக்கு உதவி வருகிறது.
:-
தினமணி

அப்பெண்மணி சர்வதேச அளவில் சிறந்து விளங்க எனது வாழ்த்துகள்