பொருள் அறிந்து பொருத்துக....

மீனு · மீனு Fri Oct 16, 2009 8:24 pm

பொருள் அறிந்து பொருத்துக.

பொருத்தியதை பொருந்தியதோடு பொருத்திப்பார்க்க வேண்டியது அவரவர் பொறுப்பு.

எண்	குறள்	யாருக்கு
1	பகச்சொல்லிக் கேளிர்ப் பிரிப்பர் நகச்சொல்லி நட்பாடல் தேற்றா தவர்.	வஜ்ராயுதம்
2	எப்பொரு ளெத்தன்மைத் தாயினும் அப்பொருள் மெய்பொருள் காண்ப தறிவு.	பக்கவாத்தியங்கள்
3	சொல்லுக சொல்லைப் பிறிதோர்சொல் அசொல்லை வெல்லுஞ்சொல் இன்மை அறிந்து.	வாதி
4	அவையறிந் தாராய்ந்து சொல்லுக சொல்லின் தொகையரிந்த தூய்மை யவர்.	பிரதிவாதி
5	யாகாவா ராயினும் நாகாக்க காவாக்காற் சோகாப்பர் சொல்லிழுக்கப்பட்டு.	நமக்கு
6	தகுதி யெனவொன்று நன்றே பகுதியாற் பாற்பட டொழுகப்பெறின்.	எனக்கு
7	நன்றென் றவற்றுள்ளும் நன்றே முதுவருள் முந்து கிளவாச் செறிவு.	நடுவர்

குறள் உரை

1. இனிமையாக பழகி நட்புறவை தொடரத் தெரியாதவர்கள், நட்புக் கெடுமளவுக்கு புறங்கூறி நண்பர்களை இழந்து விடுவார்கள்.

2. வெளித்தோற்றத்தைப் பார்த்து ஏமாந்து விடாமல் அதுபற்றிய உண்மையை உணர்வதுதான் அறிவுடமையாகும்

3. இந்தச்சொல்லை இன்னொரு சொல் வெல்லாது என்று உணர்ந்த பிறகே அந்தச்சொல்லை பயன்படுத்த வேண்டும்.

4. ஒவ்வொர் சொல்லின் தன்மையை உணர்ந்துள்ள நல்ல அறிஞர்கள், (அவையையும்) அவையில் கூடியிருப்போரின் தன்மையையும் உணர்ந்து அதற்கேற்ப ஆராய்ந்து பேசுவார்கள்.

5. ஒருவர் எதைக்காத்திட முடியாவிட்டாலும் நாவையாவது அடக்கி காத்திட வேண்டும். இல்லையேல் அவர் சொன்ன சொல்லே அவர் துன்பத்துக்குக் காரணமாகிவிடும்.

6. பகைவர், அயலோர், நண்பர் எனப்பகுத்துப் பார்த்து ஒருதலைச் சார்பாக நிற்காமல் இருத்தலே நன்மை தரக்கூடிய நடுவுநிலைமை எனும் தகுதியாகும்.

7. அறிவாளிகள் கூடியிருக்கும் இடத்தில் முந்திரிக் கொட்டை போல் பேசாமல் இருக்கிற அடக்கமானது எல்லா நலன்களிலும் சிறந்த நலனாகும்.

kirupairajah · kirupairajah Sat Oct 17, 2009 10:37 am

சிந்தனையை தூண்டும் அனைத்தும் அற்புதமான, நல்ல மனிதனாக வாழ கடைப்பிடிக்க வேண்டிய குறள் உரை! நன்றி மீனு!

மீனு · மீனு Sat Oct 17, 2009 1:31 pm

நீங்கள் ஆவது படித்தீர்களே..நன்றி கிருபை .. பொருள் அறிந்து பொருத்துக.... 678642

**Tamilzhan** · **Tamilzhan** Sat Oct 17, 2009 1:33 pm

அறிவாளிகள் கூடியிருக்கும் இடத்தில் முந்திரிக் கொட்டை போல் பேசாமல் இருக்கிற அடக்கமானது எல்லா நலன்களிலும் சிறந்த நலனாகும்.

இப்படி போட்டாதால பதில் போடல... பொருள் அறிந்து பொருத்துக.... 440806

மீனு · மீனு Sat Oct 17, 2009 1:36 pm

Tamilzhan wrote:
அறிவாளிகள் கூடியிருக்கும் இடத்தில் முந்திரிக் கொட்டை போல் பேசாமல் இருக்கிற அடக்கமானது எல்லா நலன்களிலும் சிறந்த நலனாகும்.

இப்படி போட்டாதால பதில் போடல...

அண்ணா நீங்க பிளைச்கிப்பீங்க..என்ன ஒரு அறிவான ..சமாளிப்பு .. பொருள் அறிந்து பொருத்துக.... 677196