நாளை போலியோ சொட்டு மருந்து...

சென்னை : தமிழகத்தில் இளம்பிள்ளைவாதம் என்ற போலியோவை முற்றிலும் ஒழிக்க, 5 வயதுக்குட்பட்ட குழந்தைகளுக்கு ஒவ்வொரு ஆண்டும் 2 தவணைகளில் ‘’பல்ஸ்போலியோ சொட்டு மருந்து’’ கொடுக்கப்பட்டு வருகிறது. இந்த ஆண்டு ஜனவரி 20 (நாளை) மற்றும் பிப்ரவரி 24ம் தேதிசொட்டு மருந்து முகாம் நடைபெறுகிறது.
:-
இதற்காக ஆரம்ப சுகாதார நிலையங்கள், அரசு மருத்துவமனைகள், சத்துணவு மையங்கள், பள்ளிகள் என 40 ஆயிரம் சிறப்பு போலியோ சொட்டு மருந்து மையங்கள் ஏற்பாடு செய்யப்பட்டுள்ளது.இவை தவிர, முகாம் நடைபெறும் நாளில் பயணம் செய்பவர்கள் வசதிக்காக முக்கியமான பேருந்து மற்றும் ரயில் நிலையங்கள், விமான நிலையங்களில் 1,013 நகரும் மையங்கள் அமைக்கப்பட உள்ளது.
:-
மேலும் தொலை தூரம் மற்றும் எளிதில் செல்ல முடியாத பகுதிகளில் வசிக்கும் குழந்தைகளுக்கு சொட்டு மருந்து வழங்க 771 நடமாடும்குழுக்களுக்கு ஏற்பாடு செய்யப்பட்டுள் ளது. போலியோசொட்டு மருந்து முகாம் பணியில் அரசு, அரசு சாரா பணியாளர்கள், ரோட்டரி இன்டர்நேஷனல் மற்றும் அரிமா சங்கங்களை சேர்ந்த 2 லட்சம் பேர் ஈடுபடுகின்றனர்.
:-
இதுகுறித்து பொது சுகாதாரத்துறை இயக்குனர் பொற்கை பாண்டியன் கூறியதாவது: தமிழகத்தில் போலியோ சொட்டு மருந்து முகாம் சிறப்பாக நடைபெறுகிறது. அதனால், தமிழகம் 9 ஆண்டுகளாக போலியோஇல்லாத நிலையை அடைந்துள்ளது. இந்த ஆண்டு, முதல் தவணை போலியோ சொட்டு மருந்து முகாம் 20ம் தேதியும், இரண்டாம் தவணை முகாம் பிப்ரவரி 24ம் தேதியும் நடக்கிறது. இந்த 2 நாட்களிலும் காலை 7 முதல் மாலை 5 மணி வரை சொட்டு மருந்து வழங்கப்படும்.
:-
தமிழகத்தில் 5 வயதுக்குள் சுமார் 70 லட்சம் குழந்தைகளும், சென்னையில் மட்டும் 5.82 லட்சம் குழந்தைகளும் உள்ளனர். போலியோ வைரஸ் பாதிப்பில் இருந்து குழந்தைகளை பாதுகாக்க, போலியோ சொட்டு மருந்து கொடுக்க வேண்டும். ஓரிரு நாட்களுக்கு முன்பு குழந்தைகளுக்கு சொட்டு மருந்து வழங்கப்பட்டிருந்தாலும், முகாம் நடைபெறும் நாட்களில் மீண்டும் சொட்டு மருந்து கொடுக்க வேண்டும். புதிதாக பிறந்த குழந்தைகளுக்கும் முகாம் அன்று சொட்டு மருந்து கொடுப் பது மிகவும் அவசியம்.
:-
இலங்கை அகதிகள், இடம்பெயர்ந்து வாழும் குழந்தைகளுக்கும் சொட்டுமருந்து வழங்க ஏற்பாடு செய்யப்பட்டுள்ளது. இவ்வாறுஅவர் கூறினார்.
:-
தினகரன்

பகிர்வுக்கு நன்றி

balakarthik wrote:

நீங்களும் மறந்திடாம சொட்டு மருந்து ஊத்திகோங்க