இந்தப் பால் குழந்தைகள் உயிரை குடிக்கிறது என்றால் நம்புவீர்களா ?

**கரூர் கவியன்பன்** · 23/09/2012

நாம் அறிந்தவரை பால் கலப்படம் என்பது, பாலில் தண்ணீர் கலப்பது தான். ஆனால், தற்போது, வட மாநிலங்களில் நடக்கும் பால் கலப்படம், உயிரையே பறித்து விடும் ஆபத்து கொண்டது எனக் கூறினார் இத்துறையில் பணியாற்றும் நண்பர் ஒருவர்.

உ.பி., ராஜஸ்தான், ஹரியானா, இமாச்சலப் பிரதேசம் ஆகிய வட மாநிலங்களில் இந்த கொடுமை அதிக அளவில் நடந்து வருவதாகவும் கூறினார் நண்பர்!

"சிந்தெடிக்' பால் - செயற்கைப் பால் என அழைக்கப்படும் இந்த பாலில் கலக்கப்படும் பொருட்கள் என்ன தெரியுமா?

* காஸ்டிக் சோடா.
* தண்ணீர்.
* ரீபைன்ட் ஆயில்.
* உப்பு.
* சர்க்கரை.
* யூரியா.

இவ்வகையாகத் தயாரிக்கப்பட்ட பாலை, நிஜமான பாலுடன் கலந்து விட்டால், இத்துறையின் நிபுணர்களால் கூட வித்தியாசம் காண முடியாதாம்!

பாலை சோதனை செய்யும் நிமித்தம், ராஜஸ்தான் மாநிலத்திற்கு செல்ல பணிக்கப்பட்டு இருக்கிறார் நண்பர். அந்த மாநிலத்தில் குறிப்பிட்ட ஒரு, "டிடர்ஜென்ட்' சோப் பவுடருக்கு ஏக, "டிமாண்ட்' இருப்பதைக் கண்டு இருக்கிறார். இந்த கிராக்கிக்கு என்ன காரணம் என்பதை ஆராயும் போது தான் உண்மை புலப்பட்டுள்ளது.

இந்த சோப்புப் பொடியில் தண்ணீர் கலந்தால், அதில் இருந்து வரும் வாசனை, பால் வாசனை போலவே இருந்ததாம். இந்த சோப்புத் தண்ணீரை, பாலுடன் கலந்து விற்பனை செய்து விடுகின்றனராம்! ராஜஸ்தான் மாநிலத்தில் சோதனை மேற் கொண்ட, 200 கிராமங்களில், 41 கிராமங்களில் இது போன்ற கலப்படம் நடப்பதை நண்பர் கண்டு பிடித்துள்ளார்!

பாலில் இருந்து வெண்ணெயைப் பிரித்தெடுத்து விட்டு, கொழுப்பு இருப்பது போல காட்ட, பாமாயில் கலந்து விடுகின்றனராம்!

இந்த கலப்படம் எளிதில் வெளியே தெரியாமல் இருக்க, "ஹோமோஜினைஸ்' என்ற தொழில் நுணுக்கத்தைப் பயன்படுத்தி, பாமாயிலை, "குளோபுயூல்ஸ்' - சிறு, சிறு துளிகளாக மாற்றி விடுகின்றனராம்!

நம்மூர் பால்காரர்கள் எவ்வளவோ பரவாயில்லை என்கிறீர்களா?

இந்தப் பால் குழந்தைகள் உயிரை குடிக்கிறது என்றால் நம்புவீர்களா ? 20097_496497567067244_390995369_n

இந்தப் பால் குழந்தைகள் உயிரை குடிக்கிறது என்றால் நம்புவீர்களா ? 20097_496497567067244_390995369_n

நன்றி: ரிலாக்ஸ் பிளீஸ்

**Ahanya** · **Ahanya** Fri Jan 11, 2013 9:25 pm

ஏன் இப்படியெல்லாம் ......... சோகம்

**கரூர் கவியன்பன்** · 23/09/2012

Ahanya wrote:ஏன் இப்படியெல்லாம் .........

எல்லாம் பணம் தான்

யினியவன் · யினியவன் Fri Jan 11, 2013 9:41 pm

சீனாவிலும் இதேபோல் ஏதோ கலப்படம் குழந்தைகளின் உயிர் இழப்புக்கு பின்னர் தான் கண்டுபிடிக்கப்பட்டு தடை செய்யப்பட்டது என்று செய்தி முன்பு வந்தது. பணத்தாசை பிடித்த பேய்களாகி விட்டோமே என்பதே வருத்தம். அரசு தக்க நடவடிக்கைகளை எடுக்கும் என்று நம்புவோம்.

**கரூர் கவியன்பன்** · 23/09/2012

யினியவன் wrote:சீனாவிலும் இதேபோல் ஏதோ கலப்படம் குழந்தைகளின் உயிர் இழப்புக்கு பின்னர் தான் கண்டுபிடிக்கப்பட்டு தடை செய்யப்பட்டது என்று செய்தி முன்பு வந்தது. பணத்தாசை பிடித்த பெகளாகி விட்டோமே என்பதே வருத்தம். அரசு தக்க நடவடிக்கைகளை எடுக்கும் என்று நம்புவோம்.

அந்த நடவடிக்கைகள் பல பிஞ்சு குழந்தைகளின் உயிரை குடிக்கும் முன்பு எடுத்தால் நலம் அண்ணா