வீட்டு செல்ல நாய்களுக்கு "டிரெட்மில்'..........

by DERAR BABU Wed Jan 16, 2013 6:27 pm

வீட்டு நாய்களுக்கு ஏற்ற "டிரெட்மில்லை' (நடைப்பயிற்சி இயந்திரம்) உருவாக்கியுள்ளார் சம்மி பிரெஞ்ச் என்ற பிரிட்டன் பெண்.

நமது ஊரில் உடற்பயிற்சி மேற்கொள்வதற்காக ஆயிரக்கணக்கில் செலவு செய்து வாங்கிவைக்கப்படும் "டிரெட்மில்'களை பெரும்பாலானோர் பயன்படுத்துவதில்லை.

எங்கள் வீட்டிலும் இது இருக்கிறது என பெருமைப்பட்டு(?) கொள்வதற்காக காட்சிப் பொருளாகத்தான் வைத்திருக்கின்றனர்.

ஆனால், பிரிட்டனைச் சேர்ந்த சம்மி பிரெஞ்ச், தான் நடைபயிற்சி மேற்கொண்டது மட்டுமின்றி, தனது நாய்க்கும் சேர்த்து ஒன்றை உருவாக்கியுள்ளார். இந்த யோசனை தனக்கு எப்படி வந்தது என்பது குறித்து அவர் கூறியதாவது:÷""வழக்கமாக தினமும் எனது செல்ல நாயை நடைப்பயிற்சிக்கு வெளியில் அழைத்துச் செல்வேன். ஆனால், மழைக்காலத்திலும், கடுங்குளிர் காலத்திலும் எனது நாயை வெளியே அழைத்துப் போக முடியவில்லை. அப்போது, வீட்டுக்குள் நான் நடைப்பயிற்சி மேற்கொள்ளும் டிரெட்மில்லில், நாயையும் நடக்க வைத்தேன். அந்த இயந்திரம் மிகப்பெரியதாக இருந்ததால், நாய்க்கு ஏற்ற வகையில் இல்லை. எனவே, நாய்களுக்கு ஏற்ற வகையில் சிறிய டிரெட்மில்லை உருவாக்க முடிவு செய்தேன்.

அதன்படி நாய்களின் உயரத்துக்கு ஏற்ப இருவகையான டிரெட்மில்லை உருவாக்கியுள்ளேன். சிறிய டிரெட்மில்லின் விலை 870 பவுண்டு, பெரிய டிரெட் மில்லின் விலை 7,795 பவுண்டு. நாய் வளர்க்கும் பலரும், இந்த டிரெட்மில்லை ஆர்வமுடன் வாங்கிச் செல்கின்றனர்'' என்றார் சம்மி பிரெஞ்ச்.

இந்தச் செய்தியை அறிந்து, அடச்சே, பிறந்தால் பிரிட்டனில் நாயாகப் பிறக்க வேண்டும் என்று நமது ஊர் நாய்கள் புலம்பினால் (ஊளையிட்டால்) அது நியாயம்தானே!......

தினமணி

by **ராஜா** Wed Jan 16, 2013 6:30 pm

வீட்டு செல்ல நாய்களுக்கு "டிரெட்மில்'..........

வீட்டு செல்ல நாய்களுக்கு "டிரெட்மில்'..........

Re: வீட்டு செல்ல நாய்களுக்கு "டிரெட்மில்'..........