அரசு பேருந்தின் சக்கரம் கழன்றதில் விபத்து: காரில் பயணம் செய்த தாய், மகன் பலி...

DERAR BABU · DERAR BABU Wed Jan 16, 2013 6:15 pm

First topic message reminder :

சக்கரம் கழன்றதால் தாறுமாறாக ஓடிய அரசு பேருந்தும், காரும் மோதிய விபத்தில் தாய், மகன் சம்பவ இடத்திலேயே இறந்தனர்.

ஈரோடு மாவட்டம் மொடக்குறிச்சி அருகே சாவடிபாளையம் பஞ்சலிங்கபுரம் பகுதியை சேர்ந்தவர் சின்னசாமி. இவரது மனைவி மரகதம் (55). இவர் தனது மகன் தினேஷ் (25) என்பவருடன் காரில் ஈரோடு நோக்கி இன்று காலை புறப்பட்டார். தினேஷ் காரை ஓட்டிச்சென்றார்.மரகதம் முன்பக்க இருக்கையில் அமர்ந்து பயணம் செய்தார்.

சாவடிபாளையம் வளைவில் காரை திருப்பியபோது, எதிரே வேகமாக வந்த அரசு பேருந்தில் இருந்து சக்கரம் கழன்று ஓடியது. அப்போது தாறுமாறாக ஓடிய பேருந்து, கார் மீது மோதியது.இதில் சம்பவ இடத்திலேயே மரகதம் இறந்தார். தினேஷ் படுகாயம் அடைந்தார்.

கார் மீது பேருந்து ஏறியதால் காரில் இருந்த மரகத்தின் சடலத்தையும், உயிருக்கு போராடிக்கொண்டிருந்த தினேஷையும் மீட்க சிரமம் ஏற்பட்டது. தகவல் அறிந்த தீயணைப்பு வீரர்கள் சம்பவ இடத்துக்குச் சென்று காரை வெட்டி பிளந்து தினேஷை மீட்டு தனியார் மருத்துவமனைக்கு அனுப்பிவைத்தனர்.

அதேபோல மரகதத்தின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பிவைத்தனர்.தனியார் மருத்துவமனையில் சிகிச்சை பெற்று வந்த தினேஷும் சிகிச்சை பலனின்றி இறந்தார். இச்சம்பவம் தொடர்பாக மொடக்குறிச்சி காவல் நிலைய போலீஸார் வழக்குப்பதிவு செய்து விசாரணை நடத்தி வருகின்றனர் ...

தினமணி