சுவீடன்: ரெயிலை கடத்தி வீட்டின் மீது மோதிய இளம்பெண் ...

DERAR BABU · DERAR BABU Wed 16 Jan 2013 - 13:34

சுவீடன் நாட்டு தலைநகர் ஸ்டாக்ஹோமில் நேற்று காலை புறநகர் செல்லும் மின்சார ரெயில் நின்று கொண்டிருந்தது. அந்த ரெயிலில் பயணிகள் யாரும் ஏறி அமர்ந்திருக்காத நிலையில் திடீரென அந்த ரெயில் ஓடத் தொடங்கியது. சுமார் 20 வயது இளம் பெண் ஒருவர் அந்த ரெயிலை ஓட்டிச் செல்வது தெரிந்தது.

இதை கண்டதும் ரெயில் நிலைய அதிகாரிகளும் ஊழியர்களும் கடும் அதிர்ச்சி அடைந்தனர். அவர்கள் சுதாரிப்பதற்குள், அந்த ரெயில் மின்னல் போல வேகமாக சென்று விட்டது. பயங்கர வேகத்தில் சென்ற அந்த ரெயிலை அந்த பெண்ணால் நிறுத்த முடியவில்லை.

ஸ்டாக்ஹோம் புறநகர் பகுதியில் ஒரு வளைவில் திரும்பும்போது பயங்கர வேகம் காரணமாக அந்த ரெயில் தண்டவாளத்தில் இருந்து விலகி ஓடியது. அடுத்த நிமிடம் அங்கிருந்த ஒரு வீட்டுக்குள் ரெயில் பாய்ந்தது. வீட்டின் உள்பகுதி வரை புகுந்து மோதி ரெயில் நின்றது. சினிமா காட்சிகளை மிஞ்சும் வகையில் இந்த ரெயில் கடத்தல், மோதல் சம்பவம் சில நிமிடங்களுக்குள் நடந்து முடிந்துவிட்டது.

ரெயில் கடத்தப்பட்ட தகவல் அறிந்ததும் போலீசார் விரைந்தனர். வீட்டுக்குள் மோதி கிடந்த ரெயிலில் அந்த இளம்பெண் படுகாயங்களுடன் போராடியபடி கிடந்தார். அவரை மீட்டு மருத்துவமனையில் சேர்த்தனர். விசாரணையில் அந்த பெண், தனியார் சுத்திகரிப்பு நிறுவனம் ஒன்றில் வேலை பார்த்து வருபவர் என்று தெரிய வந்தது.

அவரிடம் ரெயில் என்ஜின் சாவி எப்படி வந்தது? அவர் ஏன் ரெயிலை கடத்தி சென்றார்? என்று தெரியவில்லை. அவர் மின்னல் வேகத்தில் ரெயிலை இயக்கியது ரெயில்வே அதிகாரிகளுக்கு ஆச்சரியத்தை ஏற்படுத்தி உள்ளது. அவர் ரெயிலை மோத விட்ட வீட்டில் 5 முதியோர்கள் வசித்து வந்தனர். அதிர்ஷ்டவசமாக அவர்கள் அனைவரும் காயமின்றி உயிர் தப்பினார்கள்.

மாலைமலர்

balakarthik · balakarthik Wed 16 Jan 2013 - 13:37

நம்மூருல தண்டவாளத்தைத்தான் கடத்துவாங்க நாம இன்னும் முன்னேரலையோ சூப்பருங்க

**ராஜா** · **ராஜா** Wed 16 Jan 2013 - 13:46

பெரிய வீராங்கனையா இருப்பார் போல

balakarthik · balakarthik Wed 16 Jan 2013 - 13:48

ராஜா wrote: பெரிய வீராங்கனையா இருப்பார் போல

ரெயில்வே ஊழியர்கள் கேனையா இருந்திருக்காங்க தல

**அருண்** · **அருண்** Wed 16 Jan 2013 - 14:15

balakarthik wrote:நம்மூருல தண்டவாளத்தைத்தான் கடத்துவாங்க நாம இன்னும் முன்னேரலையோ

பாஸ் வில்லிவாக்கத்தில் ஒரு விபத்து நடந்ததே மறந்து விட்டிர்களா? ஒன்னும் புரியல

balakarthik · balakarthik Wed 16 Jan 2013 - 14:17

அருண் wrote:
balakarthik wrote:நம்மூருல தண்டவாளத்தைத்தான் கடத்துவாங்க நாம இன்னும் முன்னேரலையோ

பாஸ் வில்லிவாக்கத்தில் ஒரு விபத்து நடந்ததே மறந்து விட்டிர்களா?

அடடே இதற்கும் முன்னோடி தமிழர்த்தான