விபத்தில் சிக்கி ஆபத்தில் இருப்பவர்களுக்கு இனி தயங்காமல் உதவி செய்யலாம்

by **Powenraj** Tue Jan 15, 2013 11:06 pm

First topic message reminder :

விபத்தில் அடிபட்டு யாராவதுரத்தம் ஒழுக மயங்கிக் கிடந்தால்கூட, அந்த வழியாக செல்பவர்கள் வேடிக்கை பார்ப்பார்கள் அல்லது நமக்கேன் வம்பு என போய்க் கொண்டே இருப்பார்கள். அவர்களுக்கு இரக்ககுணம் இல்லாமல் இல்லை. போலீஸ் தொல்லைக்கு பயந்தே மனதை கல்லாக்கிக் கொண்டு கடந்து போய்க் கொண்டு இருக்கிறார்கள். இனி அந்த நிலைமை ஏற்படாது. போலீஸ் பிரச்னை வருமோ என்ற பயமில்லாமல் விபத்தில் சிக்கியவர்களுக்கு உதவலாம்.
:-
டெல்லியில் ஓடும் பஸ்சில் மருத்துவ மாணவி பாலியல் பலாத்காரம் செய்யப்பட்டார்.அவரும் அவரது நண்பரும் பயங்கரமாக தாக்கப்பட்டு ரத்தம் ஒழுக சாலையில் கிடந்தனர். அந்த நேரத்தில் யாராவது அவர்களை மருத்துவமனையில் சேர்த்திருந்தால் மருத்துவமாணவி உயிர் பிழைத்திருப்பார். ஆனால் போலீஸ் விசாரணை, தொல்லைக்குபயந்து யாரும் காப்பாற்ற முன்வரவில்லை.
:-
இனி யாருக்கும் இந்த நிலைமைவரக் கூடாது என்பதால், விபத்தில் அடிபட்டவர்களை மருத்துவமனையில் சேர்த்து விட்டு, தாங்கள் யார் எனக் கூறாமலே போய் விடலாம், அவர்களிடம் யாரும் எந்தக் கேள்வியும் கேட்க மாட்டார்கள் என டெல்லி போலீசார் கூறியுள்ளனர். மேலும் டாக்டர்களும் போலீஸ் வரும்வரை காத்திருக்காமல், காயமடைந்தவர்களுக்கு சிகிச்சையை ஆரம்பித்து விடலாம் என்றும் கூறியுள்ளனர்.
:-
விபத்தில் அடிபட்டவர்களுக்கு தாமதமாகும் ஒவ்வொரு விநாடியும் ஆபத்துதான். எத்தனையோ விபத்துகளின்போது, விபத்தில் சிக்கியவர்களை மருத்துவமனையில் சேர்க்கும்போது, சிறிது நேரம் முன்பாக கொண்டு வந்திருந்தால் உயிரைக் காப்பாற்றி இருக்கலாம் என டாக்டர்கள் சொல்வதை கேட்டிருக்கலாம். தனியார் மருத்துவமனைகளில் விபத்தில் அடிபட்டவர்களுக்கு சிகிச்சை அளிக்க மறுத்துவிடுகிறார்கள். இது போலீஸ் கேஸ், அரசு மருத்துவமனைக்கு எடுத்துச்செல்லுங்கள் எனக் கூறி விடுகிறார்கள்.
:-
அரசு மருத்துவமனைகள் ஊருக்கு ஒன்று அல்லது இரண்டுதான் இருக்கும். விபத்து நடந்த இடத்தில் இருந்து அங்கு செல்வதற்குள் உயிருக்கே ஆபத்து ஏற்படலாம். எனவே தனியார் மருத்துவமனைகளும் தயங்காமல் சிகிச்சை அளிக்கவும் நடவடிக்கை எடுக்க வேண்டும். விபத்துகளை தடுக்க முடியவில்லை என்றாலும்சிக்கியவர்களுக்கு உடனே சிகிச்சை அளித்தாலே பல உயிர்களை காப்பாற்றலாம்.
:-
தினகரன்

by **அருண்** Wed Jan 16, 2013 3:24 am

நல்ல செய்தி! அறிக்கையுடன் நில்லாமல் செயல் படுத்தினால் நல்ல இருக்கும்.!

by **முத்துராஜ்** Wed Jan 16, 2013 3:28 am

ராஜா wrote: மக்களிடம் விழிப்புணர்ச்சி ஏற்படுத்தும் பதிவு

by மஞ்சுபாஷிணி Wed Jan 16, 2013 4:29 am

எல்லோரும் அறிந்துக்கொள்ளவேண்டிய பயனுள்ள பகிர்வுக்கு அன்பு நன்றிகள் பவுன்ராஜ்.

by **உமா** Wed Jan 16, 2013 6:34 am

விபத்துகளை தடுக்க முடியவில்லை என்றாலும்சிக்கியவர்களுக்கு உடனே சிகிச்சை அளித்தாலே பல உயிர்களை காப்பாற்றலாம்.

உண்மை....

நல்லது....அருமையிருக்கு: ......

by **சிவா** Wed Jan 16, 2013 6:54 am

இந்தச் சட்டம் இந்தியா முழுதும் நடைமுறைக்கு வந்துள்ளதா? அல்லது டெல்லிக்கு மட்டும்தானா?

by **ராஜா** Wed Jan 16, 2013 7:06 am

சிவா wrote:இந்தச் சட்டம் இந்தியா முழுதும் நடைமுறைக்கு வந்துள்ளதா? அல்லது டெல்லிக்கு மட்டும்தானா?

இது சுப்ரீம் கோர்ட் ஏற்கனவே கொடுத்த தீர்ப்பு தல , இன்னும் பெரும்பான்மையான மக்களுக்கு இது பற்றி தெரியல

by யினியவன் Wed Jan 16, 2013 7:10 am

யினி சினி ப்ரோடக்ஷன்சுக்கு இனி தடை இல்லை - எப்பவும் உதவலாம்.

by ச. சந்திரசேகரன் Wed Jan 16, 2013 3:12 pm

ani63 wrote:கடந்த வருடம் கூட உதவி செய்ய போயி prb face பண்ணினால்தான் கேட்டேன்.

நாம் உதவும்போது கட்டாயமாக காவலர் அவர்கள் கண்ணோட்டத்திலிருந்து விசாரிக்கத்தான் செய்வார்கள். நாம் உதவத்தான் போனோம் என்பது தெளிவானதும் விபத்தில் சிக்கியவரும் தப்பிப்பார். நாமும் தான்.