மரம் முழுவதும் மருத்துவ குணம் கொண்ட முருங்கை

by **Powenraj** Tue Jan 15, 2013 7:26 pm

பச்சைக் கீரைகளில் எவ்வளவோ எண்ணிலடங்கா பயன்கள் இருக்கின்றன. நாம்தான் அதனை முறையாகப் பயன்படுத்துவதில்லை. கீரை வகைகளை உணவோடு சேர்க்கச் சொல்லி சும்மாவா சொன்னார்கள் நம் மூதாதையர்கள்.
:-
கீரை வகைகளில் இரும்புச் சத்து கணிசமாக உள்ளது.அந்த வகையில் முருங்கைக் கீரையின் பயன்களைப் பார்ப்போம். முருங்கை மரம் முழுவதும் மனிதனுக்கு பயனளிக்கிறது.
முருங்கைப் பூ மருத்துவ குணம் கொண்டது. முருங்கை கீரையை வேகவைத்து அதன் சாற்றை குடித்து வந்தால் உடல் சூடு தணியும்.வெப்பத்தின் காரணமாக உடலில் ஏற்படும் மந்தம், உட்சூடு, கண்நோய், பித்தமூர்ச்சை இவற்றை நீக்கும் குணம் படைத்தது முருங்கைக் கீரை.
:-
சாதாரணமாக வீட்டுக் கொல்லைகளில் தென்படும் முருங்கை மரத்தை, மருத்துவ பொக்கிஷம் என்றே சொல்ல வேண்டும். ஏனெனில் இது எண்ணற்ற வியாதிகளுக்கு பல வகைகளில் மருந்தாகிறது. அதுபற்றி சற்று விரிவாக காண்போம்.
:-
இது ஒரு சத்துள்ள காய். உடலுக்கு நல்ல வலிமையைக் கொடுக்க வல்லது. இதன் சுபாவம் சூடு. ஆதலால் சூட்டுஉடம்புக்கு ஆகாது. இதை உண்டால் சிறுநீரும் தாதுவும் பெருகும்.
எனவேதான், இக்கீரைக்கு ‘விந்து கட்டி’ என்ற பெயரும்இருக்கிறது. கோழையை அகற்றும். முருங்கைக்காய் பிஞ்சு ஒரு பத்திய உணவாகும்.இதை நெய் சேர்த்தோ அல்லது புளி சேர்த்தோ சமைப்பது நலம்.
முருங்கைப் பட்டையை நீர்விட்டு அரைத்து வீக்கங்களுக்கும் வாயு தங்கிய இடங்களுக்கும் போடலாம். முருங்கை இலையை உருவி காம்புகளை நறுக்கி விட்டு பின் மிளகு ரசம் வைத்து சாப்பாட்டுடன் சேர்த்து உண்டு வந்தால் கை, கால் உடம்பின் வலிகள் யாவும் நீங்கும்.
:-
மரம் முழுவதும் மருந்தாக இருக்கும் முருங்கையை அன்றாட உணவில் சேர்த்துக்கொள்ள மறவாதீர்கள்.
:-
அறிவுலகம்

by balakarthik Tue Jan 15, 2013 7:59 pm

பவுன்ராஜ் அப்புறம் அந்த முருங்கைக்காயை பத்தி சொல்லவே இல்லையே ஐ யாம் வெயிடிங் பார் தட் சூப்பருங்க

by DERAR BABU Tue Jan 15, 2013 8:06 pm

பவுன்ராஜை விட பாக்கியராஜ் உங்களுக்கு நல்லா விளக்கமா சொல்லுவார் பாலா.......

by balakarthik Tue Jan 15, 2013 8:08 pm

V.BABU wrote:பவுன்ராஜை விட பாக்கியராஜ் உங்களுக்கு நல்லா விளக்கமா சொல்லுவார் பாலா.......

அடடே ஆமால அவருத்தான் முருங்கைக்காய் சித்தராச்சே

by **Ahanya** Tue Jan 15, 2013 9:39 pm

by **Muthumohamed** Wed Jan 16, 2013 12:18 am

தகவல்

by curesure4u Wed Jan 16, 2013 1:10 am

வெந்து கேட்டது முருங்கை கீரை
வேகாம கேட்டது அகத்திக்கீரை

by **ராஜா** Wed Jan 16, 2013 11:31 am

curesure4u wrote:வெந்து கேட்டது முருங்கை கீரை
வேகாம கேட்டது அகத்திக்கீரை

by பாலாஜி Wed Jan 16, 2013 11:53 am

curesure4u wrote:வெந்து கேட்டது முருங்கை கீரை
வேகாம கேட்டது அகத்திக்கீரை

விளக்கமா சொன்ன நல்லா இருக்கும்

by balakarthik Wed Jan 16, 2013 12:17 pm

பாலாஜி wrote:
curesure4u wrote:வெந்து கேட்டது முருங்கை கீரை
வேகாம கேட்டது அகத்திக்கீரை

விளக்கமா சொன்ன நல்லா இருக்கும்

அது வெந்தது கெட்டது என்று நினைக்கிறேன் முருங்கைக் கீரையை அதிகம் வேகவச்சா அதன் சத்து பலன்கள் நமக்குமுழுவதுமாக கிடைக்காமல் போய்விடும்

அதேபோல அகத்திக் கீரையை அதிகம் வேகாமல் பயன்படுத்தினால் முழுமையாக அதன் சத்தும் கிடைக்காது சூப்பருங்க