2வது ஒருநாள் போட்டி: இங்கிலாந்து 74/4

by **Powenraj** Tue 15 Jan 2013 - 19:04

கொச்சி: இந்தியா இங்கிலாந்து அணிகளுக்கிடையேயான 2வது ஒருநாள் போட்டி, கேரள மாநிலம் கொச்சியில் நடக்கிறது. இப்போட்டியில் டாஸ் வென்று முதலில் பேட் செய்த இந்திய அணி, நிர்ணயிக்கப்பட்ட 50 ஓவரில், 6 விக்கெட் இழப்பிற்கு 285 ரன்கள் எடுத்தது. அதிகபட்சமாக கேப்டன் தோனி 72 ரன்கள் எடுத்தார். ரெய்னா 55 ரன்கள் எடுத்தார். சிறப்பாக விளையாடிய ரவீந்திர ஜடேஜா, 61 ரன்கள் எடுத்து இறுதி வரை ஆட்டமிழக்காமல் இருந்தார்.இங்கிலாந்து தரப்பில் பின், டெர்ன்பாக் ஆகியோர் தலா இரண்டு விக்கெட்டுகளை வீழ்த்தினர். இதைத்தொடர்ந்து 286 ரன்கள் எடுத்தால் வெற்றி என்ற இலக்குடன் களமிறங்கிய இங்கிலாந்து அணி, சற்றுமுன் வரை 16 ஓவரில் 4 விக்கெட் இழப்பிற்கு 74 ரன்கள் எடுத்துள்ளது. 5 ஒருநாள் போட்டிகள் கொண்ட தொடரில், இங்கிலாந்து அணி 1-0 என்ற கணக்கில் முன்னிலை வகிப்பது குறிப்பிடத்தக்கது.