பிரமிக்கவைக்கும் பிரமிடுகள்!

உலகின் ஏழு அதிசயங்களுள் எகிப்து நாட்டுப் பிரமிடுகள் மட்டுமே இன்னமும் சிதையாமல் அப்படியே காட்சி தருகின்றன. எகிப்துக்கு வளம் மட்டுமின்றி அழகையும் கொடுத்திருப்பது நைல் நதி.
நைல் நதியிலிருந்து பத்து மைல் தூரத்தில் அமைந்திருப்பதுதான் பிரமிக்க வைக்கும் கெய்ஸô பிரமிடுகள். அதற்கும் சற்று அப்பால் சகாரா பிரமிடுகள் உள்ளன.
எத்தனையோ மாமன்னர்கள் அங்கு நடமாடியிருக்கிறார்கள். ஜூலியஸ் சீஸர், மார்க் அந்தோனி, கிளியோபாட்ரா, மோசஸ், பாரோ மன்னர்களின் பட்டியல் நீளும்.
புராதன வரலாறு கொண்ட எகிப்தில் பிரமிடுகள் அணிவகுத்துக் காட்சி தருகின்றன. உலகத்திலுள்ள நினைவுச் சின்னங்களிலேயே மிகவும் உன்னதமானதாக கிரேட் பிரமிட் கருதப்படுகிறது.
6000 ஆண்டுகளுக்கு முன் அது எப்படியிருந்ததோ அப்படியேதான் இப்போதும் இருப்பதாக ஆராய்ச்சியாளர்கள் சொல்லுகிறார்கள். அதைவிட வியப்பான தகவலையும் சொல்லுகிறார்கள்.
இந்த ஒரு பிரமிடை உருவாக்குவதற்கு ஒரு லட்சம் அடிமைகள், இருபதாண்டுகள் உழைத்ததாகத் தகவல் உண்டு. இந்தப் பிரமிடுக்குள் ஒரு மன்னரின் சவம் அடக்கமாயிருக்கிறது. இதனுடைய அஸ்திவாரம் 13 ஏக்கர் மணற்பரப்பில் அமைந்திருப்பதாகச் சொல்லுகிறார்கள்.
பிரமிடுகளின் மீது ஏறுவது மிகவும் சிரமம். பல மணி நேரங்களாகும். இரண்டு மூன்று உதவியாளர்கள் இல்லாமல் ஏறமுடியாது. பிரமிடுக்குள் நுழைந்து பார்க்கவே எவருக்கும் தோன்றாது. ஒருமுறை நுழைந்தவர்கள் மறுபடியும் நுழைய ஆசைப்படமாட்டார்கள். உள்ளே ஒரே இருட்டு. அங்குள்ள பெகுவின்கள்தான் வழிகாட்டி அழைத்துச் செல்வார்கள்.
ஒருவழியாக அந்தச் சமாதியைக் கட்டியவரின் சமாதியிருக்கும் அறையைச் சென்றடைந்தால், அந்த அறையொன்று மூவாயிரம் அறைகள் இருப்பதாகச் சொல்லுகிறார்கள்.
ஸ்ஃபிங்ஸ் சிலையை நிலவு வெளிச்சத்தில் பார்க்க வேண்டுமென்று சொல்லுவார்கள். காரணம், அந்த நிலவொளி வெளிச்சத்தில் பிரமிடின் அழகு மிளிரும்!
எகிப்தின் மன்னர்களான பாரோக்கள் அடக்கம் செய்யப்பட்டுள்ள பிரம்மாண்டமான கல்லறைகள்தான் பிரமிடுகள். இவை, கெய்ரோவில் ஆரம்பித்து எழுபது மைல் நீளத்துக்கு இந்தக் கல்லறைகள் வரிசையாக அமைந்துள்ளன.
மொத்தம் எழுபது பிரமிடுகள் இருக்கின்றன. எகிப்து நாட்டின் 1200 ஆண்டுகளுக்கான வரலாறு, இந்தக் கல்லறைகளில் இருப்பதாகக் கருதப்படுகிறது.

- குளமங்கலம் செல்வராசன்(கதிர்)

அடிமைகளை பிரமிடைப் போல் குவித்து உருவான பிரமிட் பிரமிக்க வைக்கிறது.

அடிமைகளின் உழைப்பையும் நினைத்து பாராட்டுவோம் - அதுவே பெரிய அதிசயம் - இந்தக் காலத்தில் மதிக்கிறோமா உழைப்பை - உழைப்பே அதிசயம் - உழைத்தாலே இன்று அதிசயமா பார்க்கிறார்கள் - நம்மையும் சேர்த்துதான் சொல்றேனுங்க.

நல்லதொரு பதிவு

ஆட்சிரியமாகதான் உள்ளது