போர் ஒரு தீர்வு அல்ல

**Powenraj** · **Powenraj** Sun Jan 13, 2013 9:30 am

பாகிஸ்தானுடன் போர் தொடுக்கவேண்டும் என்று துடிக்கின்றனர் சிலர்.இவர்கள் நாடுகளுக்கு இடையே நடக்கும் போர் என்பதுகத்தியும் வாளும் சுழற்றி ஆடும் வீர விளையாட்டு மாதிரி என்று நம்பிக் கொண்டிருப்பவர்கள். இரு நாடுகளும் அணுகுண்டுகள் வைத்திருப்பதை சுட்டிக் காட்டினால்கூட, ‘அதனாலென்ன..மொத்த பாகிஸ்தானையும் அழித்துவிட்டால் பாதி இந்தியா மிஞ்சும்தானே’ என்று வாதிடுவார்கள்.பட்டிமன்றம் என்றால் கைதட்டலாம். எதார்த்தம் அப்படி இல்லை. சில நாட்களே நடக்கும் சிறியபோராக இருந்தாலும் அதற்கான ஆயத்தங்கள், அதில் ஏற்படக்கூடிய சேதங்கள், இழப்புகள் பெரிதாக இருக்கும். பாகிஸ்தானுடன் 4போர், சீனாவுடன் ஒன்று நடக்காமல் இருந்தால் இன்று இந்தியா நிற்கும் இடம் வேறாக இருந்திருக்கும்.
:-
காலச் சக்கரத்தை பின்னோக்கி சுழல வைப்பது சாத்தியமல்ல. எனினும், இனி நடக்க இருப்பதை தீர்மானிப்பது நமது கையில்தான் இருக்கிறது. இப்போதுள்ள சூழ்நிலையில் ‘கட்டுப்படுத்தப்பட்ட யுத்தம்’ ஒன்றை நிகழ்த்துவது இயலாத காரியம். எனவே போர் வெடித்தால் பேரழிவுதான். தெரிந்தே அதை தேடிக் கொள்வது அறிவுள்ள செயல் அல்ல.அதே சமயம், பாகிஸ்தானின் அத்துமீறல்கள் அனைத்தையும்சகித்துக் கொள்ள வேண்டும் என்ற அவசியமும் கிடையாது. நேரடி போரில் இந்தியாவை வெல்ல முடியாது என்பது பாகிஸ்தானுக்கு தெரியும். எனவேதான் தீவிரவாதம் என்ற மறைமுக போரில் ஈடுபட்டுள்ளது. காஷ்மீரில் நடத்துவதை விரிவுபடுத்தி நாடாளுமன்ற தாக்குதல், மும்பை அட்டாக் என்று இந்த நாடு முழுமைக்குமாக விரிவுபடுத்தி வருகிறது. நாசவேலைகள் தவிரவும் மத கலவரத்தை தூண்டிவிடுவதிலும் அது கவனம் செலுத்துகிறது.
:-
இந்த பாதக செயல்களை நிறைவேற்ற இங்குள்ள தேசத்துரோகிகளை கைக்கூலிகளாக பயன்படுத்துகிறது. ஒரு கிழவி நினைத்த மாத்திரத்தில் நடந்து கடந்து செல்லும் அளவுக்கு இருநாட்டு எல்லையில் ஓட்டைகள் இருக்கின்றன.இந்தியர்களோடு வாழ முடியாது என்றுதான் தனிநாடாக பிரிந்து சென்றது பாகிஸ்தான். எந்தக் காலத்திலும் அது நமக்கு நண்பனாக மாறப் போவதில்லை. இதை மனதில் வைத்துக் கொண்டுஎல்லையை மூடுவது, உள்நாட்டில் உளவு மூலம்தகவல் சேகரிப்பது, உஷாராக கண்காணிப்பது, களைகளை பிடுங்குவது, பிடிபடும் குற்றவாளிகளை தாமதமின்றி தண்டிப்பது போன்ற நடவடிக்கைகளால் நமது பாதுகாப்பை உறுதி செய்ய வேண்டும்.
:-
தினகரன்

ஹர்ஷித் · ஹர்ஷித் Sun Jan 13, 2013 9:52 am

நல்ல பதிவு.ஆனால் வெறும் மூன்று பதிவுகளில் விவரித்துவிட முடியாத விஷயம்.
தூங்கும் உளவுத்துறை இன்னும் சிறப்பாக தூங்காமல்,விழிப்புடன் இருந்தால் நலம்.

**ராஜா** · **ராஜா** Sun Jan 13, 2013 10:46 am

இந்த பாதக செயல்களை நிறைவேற்ற இங்குள்ள தேசத்துரோகிகளை கைக்கூலிகளாக பயன்படுத்துகிறது. ஒரு கிழவி நினைத்த மாத்திரத்தில் நடந்து கடந்து செல்லும் அளவுக்கு இருநாட்டு எல்லையில் ஓட்டைகள் இருக்கின்றன.இந்தியர்களோடு வாழ முடியாது என்றுதான் தனிநாடாக பிரிந்து சென்றது பாகிஸ்தான். எந்தக் காலத்திலும் அது நமக்கு நண்பனாக மாறப் போவதில்லை. இதை மனதில் வைத்துக் கொண்டுஎல்லையை மூடுவது, உள்நாட்டில் உளவு மூலம்தகவல் சேகரிப்பது, உஷாராக கண்காணிப்பது, களைகளை பிடுங்குவது, பிடிபடும் குற்றவாளிகளை தாமதமின்றி தண்டிப்பது போன்ற நடவடிக்கைகளால் நமது பாதுகாப்பை உறுதி செய்ய வேண்டும்.

இந்த ஒரு பத்தியை தவிர மற்றவற்றில் எனக்கு உடன்பாடு இல்லை.

**ரா.ரமேஷ்குமார்** · 23/01/2011

போர் எல்லாவற்றிக்கும் முடிவு ஆகாது ஆனால் முடிவெடுக்க ஆகும்...

**Ahanya** · **Ahanya** Sun Jan 13, 2013 5:04 pm

பதிவுக்கு நன்றி..............

**Muthumohamed** · **Muthumohamed** Mon Jan 14, 2013 12:56 am

ஹர்ஷித் wrote:நல்ல பதிவு.ஆனால் வெறும் மூன்று பதிவுகளில் விவரித்துவிட முடியாத விஷயம்.
தூங்கும் உளவுத்துறை இன்னும் சிறப்பாக தூங்காமல்,விழிப்புடன் இருந்தால் நலம்.