கமல் அலுவலகம்,தியேட்டர்கள், முற்றுகை: இஸ்லாமிய அமைப்புகள் அறிவிப்பு!

சென்னை: விஸ்வரூபம் படத்தை திரையிட எதிர்ப்பு தெரிவித்து, கமல் அலுவலகம்,தியேட்டர்கள் மற்றும் சென்சார் அலுவலகத்தை முற்றுகையிடப்போவதாக இஸ்லாமிய அமைப்புகள் அறிவித்துள்ளன.

கமலின் விஸ்வரூபம் படத்தில் இஸ்லாமியர்களை இழிவுபடுத்தி காட்சிகளை வைத்திருப்பதால் அந்த படத்தை தடை செய்ய வேண்டும் எனக் கோரி முஸ்லிம் அமைப்புகள் எதிர்ப்பு தெரிவித்து வருகின்றன.

கடந்த திங்கட்க்கிழமை விஸ்வரூபம் படத்தை முஸ்லிம் அமைப்புகளின் கூட்டமைப்பு நிர்வாகிகளுக்கு திரையிட்டு காட்டினார் கமல். படத்தில் முஸ்லிம்களை மிக மோசமாக சித்தரித்தரித்திருப்பதாக கூறி முஸ்லிம் அமைப்புகளின் கூட்டமைப்பு நிர்வாகிகள் செவ்வாய்க்கிழமை சென்னை போலீஸ் கமிஷனர் ஜார்ஜிடம் புகார் அளித்தார்கள்.

இன்று கோட்டையில் உள்துறை செயலாளர் ராஜகோபாலை 24 முஸ்லிம் அமைப்புகளின் கூட்டமைப்பு சந்தித்தது. அப்போது முஸ்லிம்களை காயப்படுத்தி எடுக்கப்பட்டிருக்கும் படத்தை தடை செய்ய வேண்டும். என கோரிக்கை வைத்தார்கள்.

இச்சந்திப்பு முடிந்து வெளியே வந்த நிர்வாகிகள் நிருபர்களுக்கு பேட்டி அளித்தனர். மனிதநேய மக்கள் கட்சியின் எம்.எல்.ஏ. ஜவாஹிருல்லா அளித்த பேட்டி: ''முஸ்லிம்களை குறி வைத்து எடுக்கப்பட்டிருக்கிறது விஸ்வரூபம் திரைப்படம். இந்த படத்தின் இந்த காட்சிகளை நீக்க வேண்டும் என்றெல்லாம் சொல்ல முடியாத அளவுக்கு அனைத்து காட்சிகளும் முஸ்லிம்களுக்கு எதிராகவே இருக்கிறது. அதனால் படத்தை அரசு தடை செய்ய வேண்டும்.

இந்த படத்தை வெளியிட்டால் விரும்பதகாத நிகழ்வுகள் ஏற்படலாம். அரசு எங்க‌ளின் கோரிக்கைகளை பரிசீலிப்பதாக சொல்லி இருக்கிறது. விஸ்வரூபம் படத்திற்கு எதிராக நாளை சென்னை மொமொரியல் ஹாலில் போராட்டம் நடத்துவோம். விஸ்வரூபம் வெளியாகும் வெள்ளிக்கிழமை அன்று தியட்டர்களை முற்றுகையிடுவோம். கமலின் ஆழ்வார்பேட்டை அலுவலகம் மற்றும் சென்சார் போர்டு அலுவலகம் முற்றுகையிடும் போராட்டம் அடுத்தடுத்து நடைபெறும்." என்றார்.

இதற்கிடையே இன்னொரு முஸ்லிம் தரப்பினர் கமல் அலுவலகத்திற்கு கிளம்பி சென்றிருப்பதாக தகவல்கள் வெளியாகி இருக்கின்றன.

விகடன்

கொஞ்ச நேரத்துக்கு முன்னாடிதான் ஹைதராபாத்ல வெள்ளிகிழமை காட்சிக்கு 4 டிக்கெட் புக் பண்ணேன்... பாக்க முடியுமா??

சென்னைப் பல்கலைக் கழகத்திலிருந்து வடபழனி வருவதற்குள் போதும் போதுமென்றாகிவிட்டது. ஒரே போலீசு ஜீப்புகள் வரிசை வேக வேகமாகப் பறந்தன... பொது மக்கள் இடப்புற ஓரமாக வரவேண்டியிருந்தது. நடு ரோட்டுக்குக் கூட செல்லவிடவில்லை.

மிகப்பெரிய விளம்பரம் செலவில்லாமல் கமலஹாசனுக்கு இசுலாமியர்களால் செய்யப் பட்டுள்ளது. மிகப்பெரிய வெற்றிப் படமாக வலம் வரும். அவ்வளவு ஆர்ப்பாட்டம் சென்னையில்.

பொறந்தாலும் கமலா மட்டும் பொறக்கக் கூடாது.


முகநூலில் படித்தது.