முதல் ஒரு நாள் போட்டி: இந்தியா தோல்வி

இந்தியா - இங்கிலாந்து இடையிலான முதல் ஒரு நாள் போட்டியில் இங்கிலாந்து அணி நிர்ணயிக்கப்பட்ட 50 ஓவர்களில் 4 விக்கெட் இழப்புக்கு 325 ரன்கள் எடுத்துள்ளது.

டாஸ் வென்ற இங்கிலாந்து அணி முதலில் பேட்டிங்கை தேர்வு செய்து களமிறங்கியது. துவக்க ஆட்டக்காரர்களாக களமிறங்கிய அலெஸ்டர் குக் (75), இயன் பெல் (85) வெகு சிறப்பாக ஆடினர். இவர்களது ஆட்டத்தில் பந்து மைதானத்தின் அனைத்து மூலைகளுக்கும் பறந்தன. 27.4வது ஓவரில் இயன் பெல் ஆட்டமிழந்த போது இங்கிலாந்து அணியின் ரன் எண்ணிக்கை 158. அதன் பிறகு ஆட வந்த கெவின் பீட்டர்சன்னும் குக்குடன் இணைந்து சிறப்பாக ஆடி 44 ரன்கள் எடுத்தார். இதனிடையே 31வது ஓவரில் குக் ஆட்டமிழக்க அடுத்து வந்த மோர்கான், 38 பந்துகளில் 2 சிக்ஸர், 4 பவுண்டரிகளுடன் 41 ரன்களை எடுத்தார். சிறப்பாக ஆடி வந்த மோர்கானின் விக்கெட்டை வீழ்த்துவது இந்திய வீரர்களுக்கு சவாலாக இருந்தது. இந்த நிலையில், 41வது ஓவரின் முடிவில், திண்டா பந்து வீச்சில் அவரிடமே கேட்ச் கொடுத்து மோர்கான் வெளியேறினார்.

பிறகு ஆட வந்த கெஸ்வெட்டரும், பீட்டர்சன் அவுட் ஆன பிறகு ஆட வந்த பட்டேலும் பந்துகளை நன்றாக அடித்து அடி, வேகமாக அணியின் ரன் எண்ணிக்கையை உயர்த்தினர்.

இவர்களது சிறப்பான ஆட்டத்தினால் இங்கிலாந்து அணி 50 ஓவர்களில் வெறும் 4 விக்கெட்டுகளை மட்டுமே இழந்து 325 ரன்களை எடுத்தது.இந்தியா தரப்பில் திண்டா 2 விக்கெட்டுகளையும், ரெய்னா 1 விக்கெட்டையும் வீழ்த்தினர்.

இதனை தொடர்ந்து 326 ரன்கள் எடுத்தால் வெற்றி என்ற இலக்குடன் களம் இறங்கிய இந்திய அணியில் ரஹானே,காம்பீர் இருவரும் துவக்க ஆட்டகாரர்களாக இறங்கினர்.ரஹானே 42 ரன்களில்,காம்பீர் 52 ரன்களிலும் ஆட்டம் இழந்தனர். கோக்லி 15 ரன்களிலும்,யுவராஜ் சிங் 61 ரன்களும், ரெய்னா 50,தோனி 32 ரன்களிலும் ஆட்டம் இழந்தனர்.பின்னர் வந்த ஜடேஜா 7,அஸ்வின் 13,திண்டா 3 ரன்களிலும் ஆட்டம் இழந்தனர். சர்மா 9 ரன்கள் எடுத்த நிலையில் ஆட்டம் இழக்காமல் இருந்தார். 50ஓவர்கள் முடிவில் இந்திய அணி 9 விக்கெட் இழப்பிற்கு 316 ரன்கள் எடுத்தது. இங்கிலாந்து அணி 9 ரன்கள் வித்தியாசத்தில் வெற்றி பெற்றது.

தினமணி