விவேகானந்தரின் 150வது பிறந்த தினத்தையொட்டி, சேலம் ராமகிருஷ்ணா மிஷன் ஆஸ்ரமம் சார்பில், நடந்த நிகழ்ச்சியில் முன்னாள் ஜனாதிபதி அப்துல் கலாம் கலந்து கொண்டு, பேசியபோது, ‘’ "என்னால் முடியும்; நான் வெற்றியாளன்; உழைப்பு, தைரியம், விடா முயற்சி அனைத்தையும் பெற்றவன்; நல் எண்ணங்களுடனும், கனவுடனும்,நற்பண்புகளுடனும் அரும்பெரும் சக்தியாக வளர்ந்து வருவேன்; ஆகாய உச்சியே என் லட்சியம், அதை நோக்கி பறந்து கொண்டு இருப்பேன்' என, ஒவ்வொருவரும்உறுதிமொழி ஏற்க வேண்டும்.
:-
நான் விஞ்ஞானியாக பணியாற்றியபோது, என் டிரைவர் ஒருவர், எப்போதும் படித்துக் கொண்டே இருப்பார். அவரிடம், "என்ன படித்திருக்கிறீர்கள்' என, கேட்டேன்; "பத்தாவது' என்றார். அவரை, திறந்த வெளி கல்வியில், பிளஸ் 2 பயில செய்தேன். அதன்பின், நான் டில்லி சென்று விட்டேன். அவர், எம்.ஏ., முடித்து, எம்.பில்., பட்டம் பெற்று, தற்போது, மதுரை மாவட்டம், மேலூரில் அரசு கல்லூரி பேராசிரியராக பணிபுரிகிறார்.
:-
நீ, நீயாக இரு. மற்றவர்கள் என்ன சொல்வரோ என நினைக்காமல், உன்னுடைய இலக்கை நோக்கி செல். நான் 15மில்லியன் இளைஞர்களை சந்தித்து விட்டேன். அனைவரும், 20 வயதுக்கு உட்பட்டவர்கள். ஒவ்வொருவரிடத்திலும் ஒரு திறமை உள்ளது. நாட்டின் சவால்களை எதிர்கொள்ள இளைஞர்கள் முன்வர வேண்டும்.
:-
குழந்தைகளுக்கு பெற்றோர் முன்னுதாரணமாக இருக்க வேண்டும். அலுவலகத்தில் இருந்து வந்தவுடன், "டிவி' முன் அமர்ந்து விடக் கூடாது.அனைவரும் ஒன்றாக அமர்ந்து சாப்பிட வேண்டும். அப்போது, தங்களுக்கு தெரிந்த கதைகளை குழந்தைகளுக்கு கூற வேண்டும். அவர்கள், அதை நண்பர்களிடம் கூறுவர்.
:-
நீங்கள் புத்தகம் படிக்கும் பழக்கத்தை ஏற்படுத்தினால், குழந்தைகளும் அதை பின்பற்றுவர். தற்போது, லஞ்சம், ஊழல் பெருகி விட்டது. அதில், தானாக சிக்குபவர்களும் உண்டு, போலீசாரால் தேடப்படுபவர்களும் உண்டு. லஞ்சம், ஊழல் மூலம் கிடைக்கும் எந்த வசதியும் எங்களுக்கு வேண்டாம் என, ஒவ்வொரு குழந்தைகளும், பெற்றோரிடம் தெரியப்படுத்த வேண்டும்.
:-
அன்பு, பாசம் என்ற ஆயுதம் கொண்டு பெற்றோரை திருத்த வேண்டும். லஞ்சம் வாங்குவதை அவமானமாக கருத வேண்டும். பத்திரிக்கை, மீடியாக்கள், சட்டங்களால் ஒழிக்க முடியாததை, குழந்தைகள் செய்வர். அவர்களின் பேச்சுக்கு கட்டுப்பட்டு பெற்றோர், லஞ்சம் வாங்குவதைநிறுத்திக் கொள்வர்’’என்றார்.
:-
நக்கீரன்

நல்ல உறுதி மொழித்தான் ஆனால் லஞ்சம் வாங்காதே என்று சொல்லும் குழந்தைக்கு ப்ளே ஸ்டேஷனும் , ஐபாடும் லஞ்சமாக வாங்கித்தராமல் பெற்றோர்கள் இருந்தால் சரி

நல்ல வேண்டுகோள்.. நடக்கலாம். நாம் தான் வேர் விடும் போதே விஷத்தைத் தடவிடுறோமே...
நன்றி கலாம் ஐயா. நன்றி பெளவன்ராஜ்

நல்ல அறிவுரை,

நன்றி ஐயா,

அன்புடன்

ராமு பாபு

நடக்கும் என்று நம்புவோமாக .பகிர்வுக்கு நன்றி

தனித்துவம் வாய்ந்தவர் கலாம் அவர்கள் .

பதிவுக்கு நன்றி