வெற்றிக்கு உதவும் (புது) திருக்குறள்

நம் வாழ்க்கையில் வெற்றி பெற உதவும் பண்புகளை விளக்கும் புதுமையான திருக்குறள் தொகுப்பு:
:-
01. படிப்பின்கண் பிடிப்பினையும் பணியின்கண் துடிப்பினையும்
கெடுக்கும் காரியமாம் காதல்.
02. போற்றற்குரிய ஆற்றலை ஆற்றி தோற்றாலும் பிறர்
தூற்றிட ஆற்றாதே ஆற்றல்.
:-
03. முடியும் என்பதையே மூச்சாய் கொண்டவரை
கண்டாலே தொடைநடுங்கும் தோல்வி.
04. நின்று நிலைப்பதே புகழ் யார்க்கும்
சென்று வருவது செல்வம்.
:-
05. சோதனை இல்லாது சாதனை வாய்க்காது
வேதனை இல்லாது வரமேது.
06. ஒன்றி முனையாத செயல் முடியாது
வென்றிட வேண்டும் விடாமுயற்சி.
:-
07. வசந்தமாய் வாழ்வு வேண்டுபவர்க்கு வேண்டும்
அசதி பாராத உழைப்பு.
08. திட்டம் திறமை செயலூக்கம் இம்மூன்றும்
பட்டம் பதவி பெற்றுத்தரும்.
:-
09. அரைகுறை மனத்துடன் நிறையாக உழைத்திடினும்
கரைகாணாது கருதிய செயல்.
10. முடியும் வரை விடுவது இல்லையென முனைவர்க்கு
தடைக்கல்லும் தழைந்த்தாகும் படி.
:-
11.இளமையில் திறமை திசைமாறிடின் வாழ்வின்
வளமை தடுமாறி விடும்.
12.இல்லாதார் இருப்பினும் இழிவல்ல நாட்டிற்கு
கல்லாதார் இருப்பதே இழிவு.
:-
13. காய்ப்பு கையில் வர உழைத்திடும் யார்க்கும்
வாய்ப்பு கைவிட்டுப் போகாது.
14.மற்றவர் தோல்வியில் தன்குறை கற்றறிவான்
வெற்றியாளன் ஆவது எளிது.
:-
15. பலத்தினால் (வெற்றிக்கொடி) பற்றுவது அரி தாம்
களத்தின்கண் துணிவிழந்தான் கை.
16.நிகழ்கால நேரமதை பயனுடன் கழிப்பவன்
புகழ்பல பெறுவது எளிது.
:-
17. வினைமுகத்து முனைப்பு வற்றாதாற்றும் செயல்
முனைவது போலவே முடியும்.
18. இன்றைய கடனை இன்றே ஆற்றல்நலன்
நன்றல்ல நாளை செயல்.
:-
19. தோல்வியால் துவளாதார் வெற்றிக்குத் துள்ளார்
வேள்விக்கு வேண்டும் மாப்பொறுமை.
20. இயந்திரகதியான இயக்கமேயார்க்கும்
இலட்சியம் வெல்வதன் ரகசியம்.
:-
21. காலம் கடமை கருதி செய்யின்
ஞாலப் புகழ் நிச்சயம்.
22. சுறுசுறுப்பு செயலினை விரைவாக்கும் மாறாய்
பரபரப்பு காரியத்தை சிதறடிக்கும்.
:-
23.நரிகுணத்தால் நிகழும் சாதனை சரித்திரமாகாது
வெறித்தனத்தால் வெல்வதும்விவேகமன்று.
24. தொட்ட காரியம் துலங்கிட யார்க்கும்
கட்டாயம் வேண்டும் கல்வி.
:-
25. வாக்கினில் உண்மையும் நோக்கினில் தெளிவுடையான்
ஆக்கம் தோற்பது அரிது.
:-
நன்றி -தமிழ்வளம்

நல்லா இருக்கு பகிர்வுக்கு நன்றி