எனக்கு நீ மட்டும்தான்டா செல்லம் : பென்குயின் பற்றிய தெரியாத தகவல்!

விலங்கினங்களில் மனிதன் மட்டுமே திருமணம் செய்து கொண்டு தனது ஜோடிக்கு உண்மையாக வாழும் இயல்புடையவன் என நீங்கள் கருதினால் அது தவறான முடிவாகும். விலங்கினங்களில் சில மனிதனை விட உறுதியான உண்மையான உறவைக் கடைப்பிடிக்கும் குணத்தை உடையன என்றால் நீங்கள் ஆச்சரியப்படுவீர்கள்.

இதற்குச் சிறந்த உதாரணமாக மகெல்லனிக் பென்குயின்களைக் கூறலாம். சமீப காலமாக பிரிட்டனில் விவாகரத்து மணமுறிவுகள் அதிகரித்து வரும் வேளையில் இந்த மகெல்லனிக் பென்குயின்களிடையே காணப்படும் மனிதனைப் போன்ற பல ஆண்டு கால திருமண ஒத்திசைவை அவர்கள் பாடமாக எடுத்துக் கொள்ள வேண்டும் என நிபுணர்கள் கூறுகின்றனர்.

மகெல்லனிக் பென்குயின்களே விலங்கு இராச்சியத்தில் மனிதனுக்கு அடுத்து அதிக ஆண்டு காலம் ஒரே ஜோடியுடன் மட்டும் உறவு கொண்டு வரும் தன்மையை உடையன. அதாவது இவை ஆரம்பிக்கும் தமது உறவை முறிவு ஏற்படாது 16 வருடங்கள் கடைப்பிடிக்கின்றன.

இதில் முக்கியமான விடயம் என்னவென்றால் இவை இனப்பெருக்க காலத்தின் போது துருவப் பகுதியிலிருந்து குளிர் குறைவான இடங்களுக்கு ஆயிரக் கணக்கான மைல்கள் பயணித்த போதும் தனது ஜோடியை மறக்காமல் இனங்கண்டு கொண்டு அவற்றுடன் மட்டுமே உறவு கொள்ளும் விசேட ஆற்றலைக் கொண்டிருப்பது தான்.

ஆர்ஜென்டினாவின் தெற்குக் கடற்கரையோரம் பறவையியலாளர்களால் 30 வருடங்களாக பறவைகள் மீது ஆய்வொன்று மேற்கொள்ளப் பட்டது. இதன்போது பல்வேறு இனங்களைச் சேர்ந்த சுமார் 50 000 பறவைகளில் உலோக அடையாள அட்டையைப் பொருத்தி அவற்றின் நடமாட்டம் கண்காணிக்கப் பட்டது. இதன் போதே பென்குயின்களின் இந்த விசேட தன்மை கண்டுபிடிக்கப் பட்டுள்ளது.

இந்த மகெல்லனிக் பென்குயின்கள் தென் அமெரிக்காவின் ஃபால்க்லான்ட் தீவுகளில் மட்டுமே வாழ்கின்றன. ஆர்ஜென்டினாவில் 900 000 ஜோடிகளும், சிலியில் 800 000 ஜோடிகளும் வாழ்வதாகக் கணிக்கப் பட்டுள்ளது. ஒவ்வொரு வருடமும் பென்குயின்கள் இந்நாடுகளின் தென் கடற்கரையில் கோடைகாலத்தில் வருகை தந்து இனம் பெருக்குகின்றன.

நன்றி - புதிய உலகம்