இனிய தமிழ் புத்தாண்டு நல் வாழ்த்துக்கள் ...!

by **ஹிஷாலீ** Fri Jan 11, 2013 12:58 pm

வானம் நீர் இறைக்க
வறண்ட ஏரி கருணை வாக்க
பசுமை பட்டாடையில்
பன்னிறப் பூக்களைச் சூடி
மஞ்சள் சூரியனின்
மஞ்சத்தில் எழுந்தவள்

பறவைக்கும் வண்டுக்கும்
பாலுட்டி தாலாட்டி
காயும் கனியும்
கரும்பும் அணிந்த இன்பக்காட்சி
தருங் காலம் பொங்கல் காலம்
தலை நாள் போகி

போகியை அடுத்தது
பொங்கல் புது நாள்
அந்நாளில் பழையன கழிதலும்
புதியன புகுதலும் நிகழும்

வீட்டிலுள்ள பழம் பானைகள்
விடைபெறும்
புதுப் பானைகளில்
பொங்கல் நடைபெறும்

பால் பொங்கும் பொழுது
பொங்கலோ பொங்கல் என
மங்கல ஒலி எங்கும் கிளம்ப

பெண்கள் குரவையிட
பூவும் புகையும்
பொங்கலும் கொண்டு
இல்லுறை தெய்வத்தை வணங்கி
வயிறார உண்டு மகிழும்
தமிழர் அனைவர்க்கும்
இனிய தமிழ் புத்தாண்டு நல் வாழ்த்துக்கள் ...!

by chinnavan Fri Jan 11, 2013 1:00 pm

அருமை, தங்களுக்கு இனிய புத்தாண்டு நல்வாழ்த்துக்கள் :afro:

by **உமா** Fri Jan 11, 2013 1:02 pm

அருமையான கவிதை ஹிஷூ.
ஆனால் தை தமிழ் புத்தாண்டு என்று பலரால் ஏற்றுக்கொள்ளப்படவில்லை...

பொங்கல் நல்வாழ்த்துகள் உங்களுக்கும்.
அருமையிருக்கு

by **ஹிஷாலீ** Fri Jan 11, 2013 1:02 pm

chinnavan wrote:அருமை, தங்களுக்கு இனிய புத்தாண்டு நல்வாழ்த்துக்கள் :afro:

மிக்க நன்றிகள் சின்னவன் புன்னகை

by **சிவா** Fri Jan 11, 2013 1:06 pm

உமா wrote:அருமையான கவிதை ஹிஷூ.
ஆனால் தை தமிழ் புத்தாண்டு என்று பலரால் ஏற்றுக்கொள்ளப்படவில்லை...

பொங்கல் நல்வாழ்த்துகள் உங்களுக்கும்.

இதுதான் என் கருத்தும்!

சித்திரையே புத்தாண்டு!

by **Ahanya** Fri Jan 11, 2013 1:08 pm

பொங்கல் நல்வாழ்த்துக்கள் தங்களுக்கு .................... அன்பு மலர்

by யினியவன் Fri Jan 11, 2013 1:10 pm

வாழ்த்து அருமை புத்தாண்டோ பொங்கலோ ஏதாயினும்
ஆனந்தம் தரும் அனைத்து தினங்களும் திருநாளே

இல்லுறை? இல்லற தெய்வமா?

by **ஹிஷாலீ** Fri Jan 11, 2013 1:14 pm

உமா wrote:அருமையான கவிதை ஹிஷூ.
ஆனால் தை தமிழ் புத்தாண்டு என்று பலரால் ஏற்றுக்கொள்ளப்படவில்லை...

பொங்கல் நல்வாழ்த்துகள் உங்களுக்கும்.

உங்களுக்கும் பொங்கல் நல்வாழ்த்துக்கள் உமா

by **உமா** Fri Jan 11, 2013 1:14 pm

யினியவன் wrote:வாழ்த்து அருமை புத்தாண்டோ பொங்கலோ ஏதாயினும்
ஆனந்தம் தரும் அனைத்து தினங்களும் திருநாளே

இல்லுறை? இல்லற தெய்வமா?

by chinnavan Fri Jan 11, 2013 1:18 pm

இந்திர விழா என்பது பழந்தமிழகத்தில் கொண்டாடப்பட்ட விழாவாகும். இவ்விழா புகார் என்ற நகரோடு அதிகம் தொடர்புற்றிருந்தாலும், மதுரையிலும் கொண்டாடப்பட்டது. இலக்கியங்களில் உவமை கூறும் அளவுக்கு இவ்விழா சிறப்பு பெற்றிருந்தது.
தமிழ் காப்பியங்களில் இந்திரவிழா

தூங்கெயிலெறிந்த தொடித்தோள் செம்பியன் என்ற சோழ மன்னன் இதை தொடங்கினான். சிலப்பதிகாரம், மணிமேகலை காலங்களில் இவ்விழா அரசாங்க விழாவாகவே கொண்டாடப்பட்டது. கற்பகக் கோட்டத்தில் வெள்ளானைக்கொடி ஏற்றப்பட்டது. பல தெய்வங்களுக்கும் பூசையிடப்பட்டு, இசையும் கூத்தும் கலந்து மக்கட்கு இன்பமூட்டின. அறிஞர்கள் குழுமியிருந்து பட்டி மண்டபத்தில் வாதிட்டனர். பல்வேறு சமயத்தவரும் செற்றமும் கலகமும் செய்யாது ஒற்றுமையாய் இருக்குமாறு கேட்டுக்கொள்ளப்பட்டனர். அவ்விதத்தில் இவ்விழா சமய ஒற்றுமையை வலியுறுத்தும் விழாவாக இருந்தது என அறியலாம். விக்கி வலையிலிருந்து
-------------------------------------------------
இந்த விழாவும் தையில் தான் எம்முன்னோர்களால் கொண்டாடப்பட்டு வந்தது இன்று ஏனோ வழக்கில் இல்லை. அதனால் தை எனபதுதான் சரியாக படுகிறது

சித்திரை என்பது மாற்றப்பட்ட ஒன்று, இதற்கு ஒரு தனி திரியையே துவக்கலாம்

எப்படி ஏப்ரல் மதத்திலிருந்து ஜனவரியை மாற்றினார்களோ அதுபோல்

நிறுவுனர் சிவா அவர்களுக்கு இது பற்றிய முழுமையான தகவல்கள் தேவை உதவவும்