நீச்சல் குளங்களை குறித்து அறியாத யாரும் இந்த உலகத்தில் இருக்க முடியாது. நகரங்களில் இந்த நீச்சல் குளங்கள் செயற்கையாக கட்டப்பட்டும் . கிராமங்களில் இந்த நீச்சல் குளங்கள் இயற்கையாக ( அதாங்க நம்ம ஊரு குளம் .. ஹி ஹி ) அமைந்தும் உள்ளது. இந்த நிலையில் இந்த உலகின் மிக நீண்ட நீச்சல் குளத்தை ஜெர்மனியில் கட்டுவதற்கு Realitties : United என்ற நிறுவனம் வடிவமைப்பை தயார் செய்துள்ளது.



ஜெர்மனியின் பெர்லின் நகரத்தில் ஓடும் Spree என்ற நதியில் தான் இந்த பெரிய நீச்சல் குளம் கட்டப்பட போகிறது . இந்த நீச்சல் குளத்தின் நீளம் 745 மீட்டர் இருக்கும் என அறிவிக்கப்பட்டுள்ளது. 17 ஒலிம்பிக் நீச்சல் குளங்களின் மொத்த நீளத்தை விட இது அதிகமாகும்.

3.9 ஹெக்டேர் நிலப்பரப்பில் அமையும் இந்த பெரிய நீச்சல் குளத்தின் தண்ணீரானது நீச்சல் குளத்தின் ஆரம்பத்தில் 1 . 8 ஹெக்டேர் நிலப்பரப்பில் அமைக்கப்படும் நாணல் படுகையினால் வடிகட்டப்பட்டு நீச்சல் குளத்தினுள் அனுமதிக்கப்படும். நீச்சல் குளத்தின் பின் பகுதியில் குறுக்காக ஒரு அணை கட்டப்பட்டு சுத்திகரிக்கப்படாத நீர் பின்னால் நீச்சல் குளத்திற்குள் வராமல் தடுக்கப்படும்.



ஆற்றங்கரையின் பல பகுதிகளில் இதற்காக படிகள் அமைக்கப்பட்டு , தோட்டங்கள் , பூங்காக்கள் , உடை மாற்றும் அறைகள் அமைக்கப்படுவதினால் ஜெர்மன் மக்கள் அநேகர் இந்த நீச்சல் குளத்திற்கு படையெடுக்கலாம் என எதிர்பார்க்கப்படுகிறது. இந்த திட்டம் மிலன் நகரில் நடந்த மூன்றாவது உலகளாவிய ஹல்சியம் அவார்ட்ஸ் போட்டியில் முதல் பரிசை பெற்றுள்ளது என்பது கூடுதல் தகவல் .

சூரியன்

தகவல்

பதிவுக்கு

பகிர்வுக்கு நன்றி

நம்ம ஊரு ஆத்துக்கும், குளத்துக்கும் தண்ணிக்கு அண்டை மானிலத்த கெஞ்ச வேண்டி இருக்கு - இவங்களுக்கு அதெல்லாம் இல்லை - சூப்பரா செய்யறாங்க - அருமை.

வேற வேலையே இருக்காதா இவங்களுக்கு..... இப்படி ஏதாவது பண்ணிக்கிட்டே இருக்காங்களேப்பா........

இப்போ பகவான் ஸ்ரீ கிருஷ்ணர் புதிய அவதாரம் எடுத்தா கண்டிப்பாக ஜெர்மனியில்தான் பிறப்பார் போலிருக்கு

தகவல் பகிர்வுக்கு அன்பு நன்றிகள்.....

நாங்களும் போவம குளிக்க

பகிர்வுக்கு நன்றி