இறைவனும் இரண்டாம்பட்சமே

by **பார்த்திபன்** Thu Jan 10, 2013 3:33 pm

இறைவனும் இரண்டாம்பட்சமே!

அன்னையுந்தன் ஆசீர்வாதத்தை
ஏற்பதற்காகக் கடவுளின்
ஆசீர்வாதத்தையும்
காக்க வைக்க நான் தயார்!
உன் இதமான
அன்பிற்குமுன்
இறைவனும் எனக்கு
இரண்டாம்பட்சமே!
~~~~~~~~~~~~~~~~~~~~~~~~~~~~~~~~~~~~~~~~~~~~~
அன்னையெனும் தெய்வம்

நம்முடனே வாழும்
நடமாடும் தெய்வம்!
நம் அகக்கண்ணைத்
திறந்தால்தான் அவள்
அன்பின் ஆழம் தெரியும்!
வியக்கும் வகையில் அவளன்பு
விண்ணைத்தாண்டி விரியும்!
அவள் கருணை விழிகள்
கண்டுவிட்டால்
கல்லும் கூடக் கரையும்!
~~~~~~~~~~~~~~~~~~~~~~~~~~~~~~~~~~~~~~~~~~~~~~
சுமை

பாடம் படிக்கும் பிள்ளை
பாரம் சுமக்கலாகாது
என்று எனை
வித்தகனாக்கும் ஆசையில்
என் புத்தகப் பையையும்
நீயே சுமந்தாய்,
என் பள்ளிக்கூடப்
பயனமனைத்திலும்!
கருப்பையில்
எனைச் சுமந்ததற்கே
கடன்பட்டு நானிருக்க
என் கல்விப்பையையும்
சுமந்த உனக்கு
கைமாறு நான்
என்ன செய்ய?
~~~~~~~~~~~~~~~~~~~~~~~~~~~~~~~~~~~~
-நிலவை.பார்த்திபன்

by chinnavan Thu Jan 10, 2013 3:42 pm

எங்கே ஐயா இன்று பெரும்பாலும் வேலையாட்கள்தான் செல்கின்றனர், குழந்தைக்கு பாலூட்டக்கூட நேரமில்லை சோகம்

எனினும் கவிதை அருமை

by யினியவன் Thu Jan 10, 2013 3:47 pm

அருமை பார்த்திபன் - அன்னைக்கு பலவிதமா
அன்பினை வெளிப்படுத்தும் வரிகள் அழகு

இன்று குறைந்தபட்ச தேவைகளுக்காக
அன்னையரும் வேலைக்கு செல்வதால்
பெரும்பாலான குழந்தைகளுக்கு இன்று
இந்த அன்பிலே தட்டுபாடு தான்

by **உமா** Thu Jan 10, 2013 3:47 pm

3 கவிதைகளுமே அருமை.... சூப்பருங்க

by Kuzhali Thu Jan 10, 2013 3:53 pm

அருமை........... அருமை................. அருமை..........

by **Ahanya** Thu Jan 10, 2013 4:01 pm

கவிதை அருமை அண்ணா........ சூப்பருங்க

by **ரா.ரா3275** Thu Jan 10, 2013 4:51 pm

அதிலும் சுமை கவிதை சுகமான சுமை...சூப்பரோ சூப்பர்... அன்பு மலர்

பார்த்திபன்...

by அபிரூபன் Thu Jan 10, 2013 5:41 pm

by **ஜாஹீதாபானு** Thu Jan 10, 2013 5:49 pm

மூன்றும் முத்துக்கள் அருமையிருக்கு

by **பார்த்திபன்** Fri Jan 11, 2013 11:59 am

பாராட்டி மகிழ்வித்த பண்பான உள்ளங்கள், மதிப்பிற்குரிய சின்னவன், யினியவன், உமா, குழலி, தங்கை அஹன்யா, ரா.ரா, டிவிபி, ஜாஹீதாபானு ஆகியோருக்கு என் பணிவான நன்றிகள்!