உடல் பராமரிப்பு (தலை)

தாமு · தாமு Fri Oct 16, 2009 6:24 am

உடல் பராமரிப்பு
(தலை)
* முட்டையின் வெள்ளைக் கரு, தயிர், பாசிப் பருப்பு மாவு ஆகியவற்றைக் கலந்துப் பதினைந்து நாட் களுக்கு ஒருமுறை தலைக்குப் பேக் போட்டுக் குளிக்கலாம்.

* தலைக்கு உபயோகிக்கும் எண்ணெய், ஷாம்பூ போன்ற வற்றை அடிக்கடி மாற்றக் கூடாது.

* உப்புத் தண்ணீரில் குளிப்பதையும், இறுக்கமான ரப்பர் பேண்ட் போடுவதையும் தவிர்க்க வேண்டும்.

தாமு · தாமு Fri Oct 16, 2009 6:29 am

உதடுகள்

உடல் பராமரிப்பு (தலை) Maalaimalarsid4428168a7

* கருத்த உதடுகளுக்கு இரவில் கிளிசரின் அல்லது பீட்ரூட்டைத் தேய்க்கலாம்.

* உதடுகள் வெடித்திருந்தால் வெண்ணெய் அல்லது வாசலின் தடவலாம்.

தாமு · தாமு Fri Oct 16, 2009 6:31 am

கால்கள், பாதம்

* பாத வெடிப்பிருந்தால் பதினைந்து நாட்களுக்கு ஒரு முறை பெடிக்யூர் செய்து கொள்ளலாம்.
* உப்பு, ஷாம்பூ, எலுமிச்சம் பழச்சாறு கலந்த வெந்நீரில் கால்களை ஊற வைத்துக் கழுவலாம்.
* அதிக வேலைகள் காரணமாக கால்களில் வலி எடுத்தால் கால்களை சுடுதண்ணீரில் ஊற வைத்தால் சரியாகும்.

தாமு · தாமு Fri Oct 16, 2009 6:36 am

கழுத்து

* கழுத்துப் பகுதி கருத்திருந்தால் கோதுமை மாவு, பால் பவுடர், பாசிப் பயறு மாவு ஆகியவற்றுடன் எலுமிச்சை சாறு கலந்து தடவலாம்.
மார்பகங்கள், கழுத்து

* குளிக்கும்போது மார்பகங்களை மேல் நோக்கி மசாஜ் செய்ய வேண்டும்.

* இரவு படுக்கச் செல்லும்போது தளர்வான உடைகளை அணிந்து கொள்ளலாம்.

தாமு · தாமு Fri Oct 16, 2009 6:40 am

வயிறு, இடுப்பு, கைகள்

கைகள்
* கை நகங்களில் உள்ள நெயில் பாலிஷை நீக்கிவிட்டு, பதினைந்து நாட் களுக்கொரு முறை வெந்நீரில் உப்பு, எலுமிச்சம்பழம், ஷாம்பூ கலந்து கைகளை ஊற வைத்து மெனிக்யூர் கருவிகளால் சுத்தப்படுத்தி, ஷேப் செய்ய வேண்டும்.

வயிறு, இடுப்பு, கைகள்

* இடுப்பில் அதிக சதை இருந்தால் உடற்பயிற்சி மற்றும் உணவுக் கட்டுப்பாடு மூலம் சரியாக்கலாம். குழந்தை பெற்ற பிறகு பெண்களுக்கு வயிற்றில் ஏற்படும் கோடுகளின்மேல் மஞ்சள், நல்லெண்ணெய் கலந்து தேய்க்கலாம். ஆலிவ் ஆயில், நல்லெண்ணெய் தடவினாலும் சரியாகும்.

தாமு · தாமு Fri Oct 16, 2009 6:42 am

வயதான தோற்றம் தரும் சுருக்கங்கள், கோடுகள் மறைய வேண்டுமா?

உடல் பராமரிப்பு (தலை) Maalaimalarsid6f9c55624

பெரும்பாலான பெண்களுக்கு கண்களின் ஓரங்களில் சுருக்கங்களும், கோடுகளும் இருக்கும். இதனால் அவர்கள் வயதானவர்கள் போல் இருப்பர். சுருக்கமும், கோடும் ஏற்படுவதற்கு முக்கிய காரணம் தூக்கமின்மை, டயட் என்ற பெயரில் சரிவர சாப்பிடாமை போன்றவையே. மேலும், தரமில்லாத அழகு சாதனப்பொருட்களை பயன்படுத்துவதாலும் ஏற்படுகின்றன.

இவை ஏற்படாமலிருக்க, சரியான உணவு முறைகளை பின்பற்ற வேண்டும். புருவங்களின் மேலுள்ள அழுத்தப் புள்ளிகளை கண்டறிந்து, வட்ட வடிவில் மசாஜ் செய்ய வேண்டும். இதனால் அந்த இடங்களில் ரத்த ஓட்டம் அதிகரிப்பதுடன், கண்களின் சோர்வும் நீங்குகிறது. மேலும், கண்களின் ஓரங்களில் உள்ள சுருக்கங்களும், கோடுகளும் மறைகின்றன.

தாமு · தாமு Fri Oct 16, 2009 6:45 am

காது அழகை பராமரிப்பது எப்படி?

பெண்களின் அழகை ஜொலிக்க வைப்பதில் காதுகளுக்கும் பங்கு உண்டு. ஆனால் நம்மில் பலர் முகத்தைத்தான் அடிக்கடி கழுவி பராமரிக்கிறோமே தவிர காதுகளை கண்டுகொள்வதே கிடையாது. இதனால் முகம் பளபளப்பாக இருந்தாலும் காதுகள் இரண்டும் முக அழகுக்கு வேட்டு வைத்து விடும். காதுகள் அழுக்கடைந்து பார்ப்பதற்கு அகோரமாக காட்சி அளிக்கும். ஆகவே பெண்மணிகளே, காதை ஜொலிக்கவைப்பதற்கான இந்த யோசனையை கவனமாக கேளுங்கள்.

உங்களது காது மடல்கள் மீது பேபிலோஷன் தடவவும். 15 நிமிடம் கழித்து காதுகளை அழுத்த மாக துடைக்கவும். இப்படி தொடர்ந்து செய்து வந்தால் நாளடைவில் கறுப்பு வளையம் மாயமாகி விடும். முகத்தில் பூசும் பேஸ் பேக்குகளை காதுக ளிலும் பூசலாம். இப்படிச் செய்தால் காது மட்டும் கறுப்பாகத் தெரியாது.

Sponsored content · Sponsored content

உடல் பராமரிப்பு (தலை)

உடல் பராமரிப்பு (தலை)

Re: உடல் பராமரிப்பு (தலை)

Re: உடல் பராமரிப்பு (தலை)

Re: உடல் பராமரிப்பு (தலை)

Re: உடல் பராமரிப்பு (தலை)

Re: உடல் பராமரிப்பு (தலை)

Re: உடல் பராமரிப்பு (தலை)

Re: உடல் பராமரிப்பு (தலை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக