ஸ்மார்ட் போன்களை சீர்குலைக்கும் அப்ளிகேஷன்கள் குறித்து எச்சரிக்கை

முகம்மது ஃபரீத் · 07/07/2011

"ஸ்மார்ட் மொபைல் போன்களில், "சூப்பர் கிளீன்' அல்லது "டிராய்டு கிளீனர்' என்ற பெயர்களில், அப்ளிகேஷன்களை டவுன்லோடு செய்தால், மொபைல் போன் தாறுமாறாக வேலை பார்க்க துவங்கி விடும். அதனால், வீண் குழப்பங்கள் ஏற்படும்' என, மொபைல் போன் பாதுகாப்பு அமைப்பு எச்சரிக்கை விடுத்துள்ளது.ஆண்ட்ராய்டு தொழில்நுட்பத்தில் செயல்படும் ஸ்மார்ட் போன்களில், ஊடுருவும் அல்லது, "டவுன்லோடு' செய்யப்படும்,Superclean அல்லது DroidCleaner அப்ளிகேஷன், மொபைல் போனின் நினைவகங்களில் உள்ள எண்களுக்கு, தானாக எஸ்.எம்.எஸ்., செய்திகளை அனுப்புதல், முக்கிய தகவல்களை, பிற கம்ப்யூட்டர் அல்லது இணையதளங்களுக்கு வெளிப்படுத்துதல் போன்ற தவறுகளை செய்யும்.இந்த அப்ளிகேஷன்கள், இணையதளத்தில் எளிதாக கிடைப்பதாலும், அவற்றின் பெயர், சிறப்பான பொருளை கொண்டுள்ளதாலும், தவறுதலாக, "டவுன்லோடு' செய்ய வாய்ப்பு உள்ளது. அவ்வாறு, "டவுன்லோடு' செய்தால், அது மொபைல் போனின் செயல்பாட்டையே சீர்குலைத்து விடும் என தெரிவிக்கப்பட்டுள்ளது.இந்த தகவலை, நாட்டின் முதல், கம்ப்யூட்டர் பாதுகாப்பு அமைப்பான, "செர்ட் - இன்' தெரிவித்துள்ளது.

உங்களுக்காக